صكة فريج

[مجدي صالح المبارك]

صكـة فريـج ومفتـرق للـشـوارع=وقلبٍ على جاله من الحب مصـروع
الهَجَر فـي شـرع المحبيـن شايـع=والوصل كـلٍ يطلبـه بـس ممنـوع
جيتك علـى كفـي حصـاد المدامـع=بين الأصابع برعم الـروح مـزروع
ود وغلا واحسـاس والشـوق رابـع=و ذكرى على جدار الوهن كلها صدوع
أدري بأنـك للهوى مانـت سـامـع=وادري الرجا ياصاحبي فيك مقطـوع
لكـن وشالحيلـه اذا القلـب خاضـع=لليوم يضـوي لـك قناديـل وشمـوع
إدمان هذا الحـب قـض المضاجـع=ولا بلّ كبدي بالوصل منـه قرطـوع
فوق الحـدب جمـر التناهيـد والـع=و وسط المحاجر جرح الايام منقـوع
ياقلب يكفـي منـك شحـذ المواجـع=تراك في من تعتقـد حيـل مخـدوع
الطيب والإخلاص في النـاس ضايـع=والحب في كل القصص مات مفجـوع
يا قلب وان عـوّدت مانـي براجـع=تعبت اسَكَت نهشـة الجـوع بالجـوع
الفرق في مـا بيننـا صـار شاسـع=رح في طريقك والعتب عنك مرفـوع

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[داعي الشوق]

صح لسانك يالشاعر الرائع

مجدي المبارك

قصيدة رائعة

بروعة حضورك دائما

معني و قافية

صح لسانك

مدد بلا عدد

مع التحية لك والتقدير

[عبدالله راشد الثويني]

ياسلام عليك شاعر مُبدع وتجبر القارىء على اعاده القراءه لاكثر من مره
امتعتنا بهذا النص الجزل ، صح لسانك وعساك ع القوه
طامعين بالجديد .. كل الوُد

[عبدالله مذكر العقيلي]

صح لسانك

وعلاشانك

قصيده رائعه


تحيتي

[الخنساء]

صح لسانك مليون ولايكفون

قصيدة جزلة منشاعر جزل

سلمت ودام حرفك

[عبدالعزيز العقيدي]

رائع ..رائع ..رائع
اخوي الشاعر محمد صالح
أبيات كتبت بفكر شاعر
ومداد من الذهب تسلم وصح السانك

[ام العمده]

صح لسانك واعتلا شانك

لاهان راسك

دمت بخير

[منيع]

ابداع وتميز وابهار
لاتأتي الابالعذب والجديد
بارك الله فيكم
تحياتي لك

[الطامي]

مجدي
والعتب منك مرفووووووووووووووووووووووووووو ووووووع
الله على هالبيت المميز
صح السانك مليار اخي
شكرا لك