الصاحب اللي تجيه العنز وتفكّه

[شجاع عمر الأكلبي]

ترجمتها فيها

الصاحب اللي تجيه العنز وتفكّه=مر ٍ معي واصل ٍ ومرار يجفاني
نفس ٍ خبيثة تعيد تجيه وتصكّه=وتحوّله من الرفاع بقاع وطماني
والقاع سوقه يضد الجنب ويضكّه=ويصير ضحكه لسن فلان وفلاني
من صاغ قافه تعدا واحدٍ شكّه=والفرق واضح مابين هزال وسماني
أحب من بالوفا يمشي على السكّه=ماهوب يوم ٍ صديق ويوم قوماني

[الخنساء]

صح لسانك اخي الشاعر شجاع
لاهان را سك قصيدة رائعه
يسرنى اكون اول المارين
سلمت وسلم شعرك
دمت بخير

[الطامي]

شجاع الأكلبي
صح السانك
ابيات قوية جزلة من جزل
لاهان راسك واحساسك
سكرا لك

أبو عمر ..


حيا الله الغالي وحي ماجاب ..

ماتجيب الا الجزل ياطير شلوى .. والله اني فرحت يوم شفتك هنيا ..

قصيدة راقية من شاعر يجيد التلاعب بالالفاظ ..

سلمت ودمت بهذا الشموخ ..

جزله وقوية

صح لسانك ولا هنت


تحياتى


مشاعر

[عذب القوافي]

ماقلت ألا الصحيح

أبوعمر

صح لسانك

وافيه من وافي

تقديري

أخيك

:::::~أبوابراهيم~:::::

[ابومياس]

الصاحب اللي تجيه العنـز وتفكّـه
...................مر ٍ معي واصل ٍ ومرار يجفانـي

شجاع الاكلبي

ياهلا وغلا فيك

نص جزل ورائع

صح لسانك وبيض الله وجهك

دمت بخير

[الطائر المهاجر]

جزله من راس جزل
صح لسانك
ولاهنت
تحيتي واحترامي

[صوت الإحساس]

صح صح صح لساااانك


وبيض الله وجهك



جزله من جزل ومتمكن



صااااااااااااااااااااااااادق الود

[ســُلاف]

ياعمي ناقصينهم !!
الله يعين
الاصدقاء قلوا وياكثر هالنوعية اللي كتبت عنها

أحب من بالوفا يمشي على السكّـه
ماهوب يوم ٍ صديق ويوم قومانـي
شجاع صح لسانك وريح الله بالك