يادرة الكون جفني ماهنى رقاده

[احمد الكثيري]

السلا عليكم
بعد غياب طويل بسبب ظروف يعلمها دكتور المنتدى تغيبت عنكم واليوم ولله الحمد اعود لكم وكتبت هذه المتواضعه امل ان تحوز على رضاكم

عندما يتفجر الاحساس وينهمر الدمع على الوجنات تلتقي الانسان يكتب ما يريد كتبت هذه
الحروف على لسان شخصيه غامضه من الشخصيات رثاء في فقيدتهم وفقيدة الجميع رحمها الله
واسكنها الجنه
القصيده

يامي تري في زوايا البيت ادور لك =بيدي عباتك ومنديلك وسجاده
وشنطتك في يدي باقي وانا ارقب لك=عنك انشد اللي يجو يمي من عباده
من قبل يومين ونا يايمه اسمع لك=دايم على ضحكتك والمزح معتاده
واليوم ياوالده كيف انقطع وصلك=مابين يوم وليله ضاع ميعاده
رحلتي عني قبل يايمه ما اقلك=قلب ابنتك ماتهنى فرحة اعياده
من شاف دمعي يقول بكره تعود لك=يسكتوني بشكلاته وبقلاده
امشي معك في مشاوريك مثل ظلك=واليوم رحتي وعمري زاد بنكاده
كل املاء في عيوني ما يجو مثلك=يادرة الكون جفني ماهنى رقاده
ليت القدر قبل ماياجيك ويدلك =جاني وسل الحشاء من بين مجناده
واكون يانور عيني رحت انا محلك=تبقين بالكون يامه زهرة امجاده
(؟؟)تقول ياالله اشكي لك=من لاهب بالحشاء والنار وقاده
ادعيك وانا لحالي ليلي اسجدلك=ياعالم الغيب وبروقه ورعاده
تلطف بحالي فنا مالي سوى فضلك =والطف بروح(ن)على الاوجاع متقاده
والله لوهو بكيف القلب لانزلك=في وسط قبر ك وكل الخلق ر قّاده
احميك من كل مافي قبر ك يذلك=وحط يدي لراسك يا الغلا وساده
ليت التليفون وسط القبر ياصلك=وسمع لصوت(ن ) عليه الر وح نشاده
يابوي لاتنزعج مثل الجبل خلك=الحزن مافيه مصلوح(ن) ولافاده

[الطائر المهاجر]

الله يغفر لأمهم ويرحمها
ويجزاك خير على التعبير عما في نفوسهم
صح لسانك
ولا هنت
تحياتي

[احمد الكثيري]

المشاركة الأصلية كتبت بواسطة الطائر المهاجر

الله يغفر لأمهم ويرحمها
ويجزاك خير على التعبير عما في نفوسهم
صح لسانك
ولا هنت
تحياتي

شكرا لمرورك الجميل استاذي الغاااالي
الله يسمع منك
اتمنى لك التوفيق

[الطامي]

اهلا الكثيري
الله يحيك ويغفر لمن مات ويعين الأحياء
عودة طيبة
صح السانك ملايين
لاهنت اخي

[احمد الكثيري]

المشاركة الأصلية كتبت بواسطة الطامي

اهلا الكثيري
الله يحيك ويغفر لمن مات ويعين الأحياء
عودة طيبة
صح السانك ملايين
لاهنت اخي

اخي الطامي شكرا لمرورك الرائع
اللهم امين
صح بدنك اخي الغالي
لك تقديري

[عبدالعزيز العمار]

الله يغفر لها ويرحمها ويجعل مثواها الجنه

صح لسانك يالكثيري والحمدلله على السلامه

وسعداء بوجودك معنا بعد غياب

تحياتي لك مع التقدير

[داعي الشوق]

رثائية معبرة جدا جدا

صح لسانك يالشاعر احمد

و الحمدلله على السلامه

تعازينا لك أخي الكريم

و الله يرحم الفقيدة

و لاهنت

[عبدالمحسن الرحمه]

صح السانك وعلا شان

قصيدة مؤثره

الله يرحم موتى المسلمين

[بنت النور]

اهلا الكثيري
الله يحيك ويغفر لمن مات ويعين الأحياء
عودة طيبة
صح السانك ملايين
لاهنت اخي

[منيع]

رحم الله الفقيدة بواسع رحمتة واسكنها الفسيح من جنتة
والحمدالله على السلامة
تحياتي