لعنبوها وش تبي بديارنا

[الطائر المهاجر]

بعد ان صمدت المقاومة في وجه اسرائيل ، ووجدت امريكا ان استمرار الحرب سينتج عنه قتل المزيد
من اليهود وتدمير عتادهم ، اوقفت الحرب ، لتبدأ بطريقة اخرى لكسب مالم تكسب من خلال دفع اسرائيل
للحرب . بشار الأسد يهاجم والحريري وغيره من نتاج امريكا يهاجمونه ، وينسون أنه من ادخل
العتاد من صواريخ وغيرها للمقاومة ، واستمر في دعم صمودها حتى النهاية ، بل وحتى في تقبل سيول اللاجئين اللبنانيين فمن وراء ذلك كله إلا المخابرات الأمريكية التي لن يهدأ لها بال حتى تقسم المقسم وتجزء المتجزء ، حتى
تخلق الشرق الأوسط الجديد . فاللي وده نناقش الموضوع ، حياه ربه ..

لعنبوها وش تبي بديارنا = كلما نهدا تجدد للطعون
فرقتنا وساعدت في اجبارنا = نقبل اسرائيل نرفض للبدون

الجوير إللي عثا في جارنا =هو سببها جات في ثوب الحنون
جات يوم إنا وهبنا دارنا=ومن رضى بالهون لا بده يهون

[الطائر المهاجر]

وش تبي نسوي تثاقل عارنا = والبعض صاحي وبعض به جنون
نتبع التيار في مسيارنا = وهمنا كله نبي ملي البطون

[ضاامية الود]

ااااااااااااااااالله

من شاعرين متمكنين

لاعدمناكم

[أم ريما]

متاااااابعه

والله يعطيكم العااااااااااافيه

[منيع]

المشاركة الأصلية كتبت بواسطة المشرف العام

وش تبي نسوي تثاقل عارنا = والبعض صاحي وبعض به جنون
نتبع التيار في مسيارنا = وهمنا كله نبي ملي البطون

اختلف ياصاحبي معيارنا=وصار فيهم من يقول ويمون
السياسه غيرت اخبارنا=دام لاامريكا ناس يعشقون

الحروب وواصلة لاسوارنا **** والجرايد ما بها غير الفنون
صار اخونا في الشدايد جارنا **** واتركوهم يبلشون ويركدون

[الطائر المهاجر]

ياهلا باللي لفى طيارنا = وين طيارتك نرقى للمتون
او تجي حافي تدوس احجارنا= ماخبرتك غير ضب في الحجون

استلم يا عثمان ولا هانوا الربع

ضبنا اللي كان عود فارنــا ****** والخطر مكشوف في هاك السنون

عودت قصة جحا ومسمارنا ****** وفتحة المسمار هي سم(ن) دفون

اخوكم/عبدالله بن عبدالعزيز المطرفي الهذلي

[الطائر المهاجر]

التشابه بالذنب باوكارنا= ذيلها الواضح فتون في فتون
لاسجدت يظهر على مسبارنا= تعرف ان الحال من دونٍ لدون