(((((عـــادة وليســــت عبـــــادة)))))

[فهد المري]

قصيدة من الارشيف وبالتحديد من رفوف التمرد التي علاها الغبار نفضت عنها غبار الخضوع و نقلتها الى رفوف الحرية



عبارة عن مقطعين كتبت في فترتين وارتأيت ان اجعلهما معا

نهاب من النتيجـه ياحـرام=ولانقوى على الحب العنيـد
اذا الدنيا نظام ن وانسجام=ولابه شـي فالدنيـا جديـد
نخلي الحرب نبحث عن سلام=نخاف من التوعد والوعيـد
نحب النور ونخـاف الظـلام=ولانعرف من اللي مستفيـد
نخلي الحب من خوف الملام=ونكسر خاطر القلب السعيد
دفنا حلمنـا تحـت الركـام=تشاورنا على الراي السديد
دخيـل الله ياطيـر الحمـام=على قلـب المعنـى لاتزيـد
ثلاث ايام تسوى الـف عـام=وتسوى جملة العيش الرغيد
وانا ماعاد يهنى لـي منـام=على ذكراك يالغض الفريد
تقاليد العرب صارت زمـام=على العاشق مثل قيد الحديد
نعيش ايامنـا عيشـة نعـام=لأجل عاداتنا صرنـا عبيـد

يدوم الحب ويـدوم الوئـام=ولاينسى مع العمـر المديـد
بلانـي بالمحـبـة والـغـرام=وخلاني على دربـي وحيـد
اعيش بغربتي وسط الزحـام=وانا مالي بذا الدنيا عضيـد
وصلت بحبهـا ليـن الهيـام=وانا اللي كنت فالدنيا شديد
دخيـل الله ياطيـر اليـمـام=تصب القاز فالصدر الوقيـد
ترى ماعاد لـه فيهـا مقـام=سوى ذكراه فالقصر المشيد
الا يازيـن يابـدر التـمـام=سحبتي بالغلا كـل الرصيـد
وصار العمر من عقبك حطام=ولاباقي سوى بعض القصيـد

فهد المري

[الطامي]

ياسلالم عليك
ارحب يافهد
شاعر من شعراء اب عن جد وخوال اقف للجميع احترام
صح السانك ملايين
جزلت جميعها
لاهنت اخي

[حي الضمير]

ياسلام يالمري
قصيده جزله كتبت باسلوب جميل وبطريقه تجذب القارئ
والتي تدل على ان شاعرها متمكن واسع الخيال
والف صح لسااااانك يافهد

[منيع]

ابيات رائعه ومميزة
بارك الله فيكم
تحياتي

[داعي الشوق]

صح لسانك يالشاعر فهد المري

قصيدة جميلة

من شاعر كبير و رائع

و ياليت تدّور بالارشيف مرة ثانية يا فهد

كود تلقى مثلها كثير ،

صح لسانك مع التحية لك

[احمد رده الحارثي]

هلا بالشعر والجزاله

قصيدك وافي وانت وافي

صح لسانك يا فهد

ودي وتقديري

[عدنان كريزم]

صح لسانك


ولا هنت

[مبروك بن ماضي]

الاخ الكريم الشاعر / فهد المري
حضور شعري فاخر كالعاده
حضرت هنا لأنال شرف التوقيع :
تحت هذين المقطعين الرائعين
تقبل تحياتي واحترامي
أخوك / بن ماضي

[مشعل الشايقي]

الله عليك يافهد


صح لسانك مدد بلا عدد


على هذه الروائع



تحيتي وتقديري

[زهرة اللوتس]

سلمت وصح لسانك وفكرك
نص رائع من شاعر رائع
لاهنت
دمت بخير