صنداح الزلامي وعمر ال شيبي مساجلة وساويس

[عمر ال شيبي]

وساويس

البارحه صنداح همن وساويس = جتني علامة ظيق زود البلاسه
الناس تسرح في قرايا المفاليس = والشين يسره والمطايب لباسه
الحيص بيص ٍ والسوالف متاريس = يومن هجرنا الصيد راحت وناسه
الله على غزلان خلصت خواسيس = في صحرة ٍ تنحاش وقت الشراسه
صيد الارانب شين ما به احاسيس = لا جت غدير الماه تبغى مساسه
ولا الحباري كيف تشعر كوابيس = كثر الفتيت اللي يجيب انتكاسه
وهل المدينه اشلون يبقوا محابيس = بين القصور الفارهات بسياسه
الله على تيام ضي الفوانيس = يوم الصحب مسيار لاْهل الحماسه
حدن بتالي الليل نار ومحاميس = لجل المكيف الكيف هيلن وحاسه
بن الهلا للضيف طرد المناعيس = اول وتالي الليل رحب الكياسه
عقب المناسف جود طعم المنافيس = اللي تجي للشيخ مجلس سواسه
حل الامور براعيات النواميس = يقضي لهم حاجات وقت الفلاسه
نسمع قضايا وشور حق الهواجيس = اللي سندها اليوم ضايع بساسه
يوم العلم مرسول بدو المراويس = حسب العوايد شوف ابلا دراسه
فطنه وحكمه في تعاليلن خميس= صوت الربابه اللي يجيب الحواسه
بعض الكلام اتلاه لغز القواميس = يومن تجسه غير عجزن لناسه
ما يفهمه صنداح غير الملاويس = اللي لهم افكار ما هيب نجاسه
قول المثل مشهار وده نسانيس = يمشي على الحواس يوم احتباسه
دوج العرب بشياه تلقى العوانيس = صيد الحباري عيون ابها مقاسه
وحذر تشوف الغيد ابلا محاريس = عقلك وقلبك والسوادي فراسه
تعليلها بالليل همس وتماليس = واللي بلاه العشق يشرب بكاسه
هذا كلام الشيبيْ ما به تخاسيس = من بدعنا صنداح هات الرواسه

رد الشاعر الجميل صنداح الزلامي

لياسلمت من النحوس الجوايسيس

اخذت مع هاجـوس فكـري مراويـس=وابعدت عن شـوط الفكـر والتماسـه
وكرسـت فكـري للجزيـلات تكريـس=واخرجت لولـو مـاب فكـري وماسـه
وقفـت احيـي كاسبيـن النوامـيـس=عمر وسيـع المعـرف عـاش راسـه
يامرحـبـا يامبعـديـن المرامـيـس=من خاطر(ن ) بالطيـب زايـد حماسـه
عمـر ندبنـي بالبيـوت المقـاويـس=يقصدبهـا لعـب التـرف والونـاسـه
واثـار فكـرن منتجـعٍٍ للضـواريـس=ودار المحـال ولـج فكـري حساسـه
واخذت مـع لجـات فكـري مراويـس=اخـاف مـن دور الزمـن وانعكـاسـه
ياعمرهـذا الوقـت وقـت المناحيـس=والله يكافـي يابيـض الوجـه بـاسـه
وان كان في صدرك حسوس وحوايسيس=كم واحد غيـرك جفـا الدهـر حاسـه
ساعه يفيـق وساعـةٍ فـي غواطيـس=بيـن اضطربـات الزمـن واحتبـاسـه
اصبر علـى سـود الليـال العوابيـس=واعلـم تـرى الدنيـا تـدرس دراسـه
ولياسلمت مـن النحـوس الجواسيـس=اهل الحسد واهـل الخطـاء والنجاسـه
فانته بخيـر ورئـس العلـم وتريـس=لياصفـا وقتـك عـطـاك الريـاسـه
وان ماصفـا مالـك مكـان ومجاليـس=ابعـدك عمـا تشـتـي بالخسـاسـه
انشـد معالجـة السنيـن القوابـيـس=معاصريـن الوقـت غلـب وشـراسـه
فـلاح بـن منـشـار ولا سناعـيـس=وسعود ساس العلـم يعطيـك أساسـه

رد عمر ال شيبي

الحمد لله مستعذ به وناسه

حيّت يا من لي توالف مجاليس = يا راعي القيفان جزل المقاسه
رديتها بحسان علـم المقاييـس=وثريتنا بالحال مطريْ الوناسـه
وثني على المحمود خازي النّسانيس= راعي الرحم والدين حلم الكياسه
وستغفر الله من غزوز المناخيس = اللي تطوف العين وبها شراسه
جيتك ونا ملبوس كيد الملابيس = لِيّا لهم بالكار خبث وخساسه
ما نيْب سعيد القلب ولا لي حلاويس = من بندقن ثوار يجلب تعاسه
وشم ن عرفته من بقاياْ الدّواسيس = اهل الغثا والشوم بشعِة مساسه
يوم اتحمى بالنار صيد المناحيس = مس ٍ يموت بخوف وقت الملاسه
قلت الصحب بالمال تفدي المحابيس = حسبة عوايد قوم لجت لناسه
اليا احترينا الجود يطرد وساويس = عقب الشقا والتيه معلن فـَلاسه
قولة حميد العين بين المجانيس = الحمد لله مستعذ به وناسه
اهل العلم والشور صاروا مفاطيس = لاْتبدلت غزلان بقرود ماسه
هذي توالي وقت غز الدبابيس = كلن على المجناب لاهي بلباسه
لجل العيون اللي تجيب المخاميس = حرفة بنات الليل شربن لكاسه
مدري بداية موت ملهى المغاطيس = وللا نهاية جيل اصبح محاسه
قالوا الشعر صنداح خندق متاريس = للي فهيم القاف يضرب براسه
لين الزمان اليوم دق الجراويس = والعالم الله في نهاية بلاسه
وشهدو ا يا قوم ذخر الاشاويس = من يمتلك قران يحظى بنوماسه
قوالها الشيبي رفيد المعاريس = يومن جلا بالقلب مطلق حماسه
واللي يبي مني زواد الهواجيس = يلفي لنا لا مال صوب الهجاسه

البشعه = يد المحماس اللي نحرك به الهيل وتستخدم لكشف الكذب
عادت البدوا في استخلاص الحق
روعه للمذنب بوضعها على لسانه

[المبروك]

احسنت
فيما كتبت
تحياتي

[عبير الورد]

صحت السنتكم ولاهنتو على هالابداع



يعطيكم العافية

[نفحات حساسة]

كل الشكر والتقدير
على ما تقوم به
تحياتي

[صعبة المنال]

مشكور
على هذا الجهد
تقديري واحترامي

[نفحات حساسة]

بارك الله فيك
على ما افدتنا به
ودي وعظم امتناني

[الرميزان]

استمتعت بالقراءة
شكرا جزيلاً
تحياتي الطيبه

[عبدالله المسعودي]

؛




صح الله لسانكم ولا هنتوا ..؛
كنـت هنـإ ..؛

[الرميزان]

وفقك الله
وسلمت اناملك
تحياتي وتقديري

[عمر ال شيبي]

المشاركة الأصلية كتبت بواسطة المبروك

احسنت
فيما كتبت
تحياتي

حياك الله وهلابك