الغطو في الشعر.. القريب يقلط

[الطائر المهاجر]

البعض لاسباب شعره دغمله = ومن يدغمل بيننا نكشف غطاه
دربنا واضح ولا به غطمله = نرفع اللي يشتغل لاقصى مداه

[عبدالله الشويمان]

كنه بفاس ويحطمل حطمله=ومن يحطمل ضر نفسه من خطاه
وناضح الماعون ماشي مطمله=ما يهم الغير لو من بعطاه

[الطائر المهاجر]

دام ذا طبعه فهو كالحرمله = ما بها من فود حتى للقطاه
لو كتب منكوس كل البسمله= مانفتح باب بوجهه او قفاه

[عبدالله الشويمان]

يا كفانا الله شر الدمله=ان تجي في ضيق توذي في بلاه
يا كفانا الله من سو عمله=ليت يالله تقلعه هوه وذاه

[الطائر المهاجر]

مثل هذا ارى انّا نهمله = لين يكشف بقية ما وراه
ولا تجاوز حدوده نغمله= مثل اية شراره في العباه

[عبدالله الشويمان]

وش بلاك مطفي الليت اشعله=شف طريقك لا تخرفع في حصاه
اختلف ممشاك اصمد وعدله=كان ودك تستقيم الباقياه

[نجم الإبداع]

المعلم لارتقى في المعلمه = سرب التيار في كل اتجاه
نسم الباور وزيت الفرمله = ظنتي مشغول في ريحة غداه

[عبدالله الشويمان]

فلاح سلمت

يالله مدام فيها طاري غداء اجل واصل الله لا يهينك.ودي اتنقذ.

وصحت السنكم جميع مقدماً.

يا فلاح افطن تراك تعادله=ضاعت الطاسه وفكرك ما لقاه
الدوا ء صنعه بطل في معمله=توي ادري ورجعه لا ما نباه

[الطائر المهاجر]

الشعر وقفته تحدث بلبله = ينسي دربه ولاتمسك معاه
وما قرينا من غطو كالقنبله= كل واحد رد مايدري عماه

[فارس القوافي]

ياسلام ياسلام


الله يستر منكم يالشيبان


كملوا لاهنتم