كني غريب

[الطامي]

هذه البيات قلتها على لسان واحد من الربع لأصلاح البين بأمر ما وبعد اخذه لها اتصل علي باليوم الثاني يبشرني ان الأمور تمت بأحسن حال ،،، وكنت متحفظ على نشرها حتى يتم موضوعه درء لمشاعره .

ان كان بك ياعشيري ضيقة مني = وتقول في بعدنا بالحيل شفقاني
فانا بعد مثلكم لو كان تمــحني= اصبر بهمي شهر واعود طرباني
اخير لنا البعد دامك حيل ماحني = ولا قـريب وتـعمد دوم حـقراني
لاتحسب انحن ربع لو تبتعد مني=عـاداتنا والسلوم اصير قوماني
ولاتحسب ان بعدكم يالحيل شاحني =وانك مثل مامضى دوم على الساني
لاخير في عشرة مانته بــوامني= و تقـول فينا و فينا وانت بـراني
راحت ايامـي معك مـاني بــمتهني= من شاف حالي يقول اش فيك مرضاني
كني غريب من ابلاده وكافـلني= نوبٍ تهدد بطرد ونوب تسباني
الله كريـمٍ يــزيـنها عـلى ضـني =ونرجع مثل مامضى بالحيل خلاني
والا اشلعك شلعة المضروس للسني= لارتاح منه وهو من قبل وجعاني

[صوت الإحساس]

قويّه صح لسانك




يا ابيض يا اسود



الرمادي يضيع العمر بلاش


وانا خوك



ما أروعك يالمري


شرفني حضوري هنا

[الطامي]

الغامدي
لاهنت على المرور والتعليق
والف شكرا الك

[سناعيس]

شاعرنا الجزل منصور المري
صح لسانك
هنا جسدت الرسالة الساميه للشعر
وربي استجاب الدعوه :

الله كريـمٍ يزينهـا عـلـى ضـنـي
ونرجع مثل مامضى بالحيـل خلانـي

لاهنت

تحياتي

[عادل العتيبي]

صح الله لسانك


ولاهنت




تقبل تحياتي

[عبدالله البهلولي]

العزيز الشاعر القديرمنصور المري

لله درك من شاعر محنك تحسن نظم القوافي
وتحسن في اختيار اجمل المعاني
لك من القلب كل موده

صح لسانك

رائعه يا منصور وجميله
والحمدلله ان ربي استجاب

كل الشكر لك
دمت بخير

[حمد العيد]

القدير / منصور المري

جزاك الله الف خير وهذا هي الرساله الساميه للشعر ان تصل وتفيد

صح لســـــــــــــــــــــــانك ملايين

ودي وتقديري

حمد العيد

[الطامي]

المشاركة الأصلية كتبت بواسطة سناعيس

شاعرنا الجزل منصور المري
صح لسانك
هنا جسدت الرسالة الساميه للشعر
وربي استجاب الدعوه :



لاهنت

تحياتي

سناعيس
شكرا لمرورك وتعليقك
وصح بدنك
لاهنت عيني

[الطامي]

عادل العتيبي
صح بدنك
وشكرا لك على المرور والمتابعه
ولاهنت