كلن بداره والعرب ماتعوده

[نجم الإبداع]

لاضاق صدر المنتدى من منافيه=والشوق فيه ازداد للي يروده
قلت اللذي غايب عسى الله يعفيه = ونحنّ للاصحاب في كل عوده
اللي مريض ادعو معي الله يشفيه=واللي معافا بارك الله سعوده
ياشهر فيك الجود والناس تخفيه =كلن بداره والعرب ماتعوده
كنا سوى والود للشهر نضفيه = واليوم كلن لي يصعر خدوده
حتى الحبيب اللي بهجره يكافيه=من نبض قلبه صايب ايده بروده
لاحن قلبي وانصهر من خوافيه =والفكر همه سيل تبرق رعوده
نخيت هاجوسي وعنّت قوافيه=عنّت خلوج البيد ماهي شروده
اللي جفاني نوم ليلي مجافيه =من هجر جمره فالمحاني عقوده
يابحر موجك هاج واغرق مرافيه=والشوق ينثر للمشاعر وروده
اللي وعدني باول الشهر وش فيه=وش فيه عقب العهد ينقض عهوده
ليته دعى لي فالحرم مع مصافيه=وقت الغسق والا بحزة هجوده
وليت الهوى والعشق يمكن تلافيه=لكان عنتر ما اخضعت له زنوده
عليّت من وادي الضماء عل يكفيه=اليين قام الوجد ينثر جعوده
من ماي زمزم شربة الماي تطفيه=ويفك منه عقود فيه امعقوده
واستغفر الله خالق الكون موفيه = عد النجوم وعد حسبة جنوده

[ساهر الليل]

الله الله يابو محمد

عجيب يا شاعرنا عجيب

نص من الوزن الثقيل

ابدعت وامتعت يانجم

صح لسانك وطاب حالك

تقبل ازكى تحياتي

[الطائر المهاجر]

اللي وعدني باول الشهر وش فيه
وش فيه عقب العهد ينقض عهوده

الصوم فرض وانت واضح مخليه = وفكرك على اللي تشتكي من صدوده

صح لسانك
وصم
تحياتي

[داعي الشوق]

صح لسانك يا بو محمد

ابداع كايف و المعاني جميله

لله دررك

وصح لسانك و حالك

ولاهنت لاهنت

[الخنساء]

واستغـفـر الله خـالـق الـكـون موفـيـه

عـــد الـنـجـوم وعـــد حـسـبـة جــنــوده

صح لسانك

جزلة لاهنت

[منيع]

اكثر من رائعة
تسلم يافلاح بن منشار
تحياتي

[الطامي]

فلاح
صح السانك
وتقبل الله صيامك وقيامك وغفر لك
رائعة جدا لافض فوك
شكرا لك

[طوفـــان]

صح لسانك شاعرنا فلاح على طرحك الطيب .

جزلة وأنت جزل ..

تحياتي

[سعيد عوده الحويطي]

الله الله يانجم الابداع قصيده من الوزن الثقيل من شاعر عودنا على الابداع في كل مايكتب
تقبل تحياتي وكل عام وانت بخير

[هاجس نجد]

صح السانك يا نجم الإبداع

عزالله إنك مبدع بكل ما تعني هذه الكلمات من معنى

شهرك مبارك عليك وعلى الجمبع

وإنشاء الله يبلغك الله صيامه وقيامه سنين عديدة وأعوام مديدة

تقبل تحياتي

أخوك

هاجس }{ نجـــد