الصراحة... صوتيه..

[ماجد المهدي]

http://fatahilah.com/up/2nw34378.rm

الصراحة من بعادك زال حبك وانطوى = في صحايف ماضياتي وما لها عندي اعتبار
بعت حبي بالرخيص و بعت انا كل الهوى = يا قسى قلبك عليّا في ليالي الانتضار
اذكر اني قد رويتك من فؤادي ما ارتوى = كل دهري من بداية شوفتي ضوء النهار
واذكر انك في حضيضٍ هاويٍ في المستوى = جيتك وكلي حنانٍ لمّحي اغيوم المرار
زاغ حبك عن دروبي للخيانه وانغوى = راح يسرح في سرابٍ يحمل اكموم الغبار
ضيع اللي قد هديته من فؤادي وما حوى = مخلص النيه ابد ما يوم يتبع لشرار
تو قلبك حنّ ليّا بعدما قلبي انكوى = ما ابي قلبك يحنّ و ما أبي اي اعتذار
بس لكن ودي اسئل كيف حبك بي قوى = عالفراق وكن حبي لك تجلى كالسوار
يوم اغلى الغاليين ويوم درهم ما سوى = ويوم تحضنه بيدينك يوم تلعب به قمار
ووالله اني ما بسامح حتى لو حبك عوى = وحتى لو سيل المدامع قد تصبب بنحدار

تحياتي

ماجد المهدي

[الأموره]

بعت حبي بالرخيص و بعت انا كل الهوى
يا قسى قلبك عليّا في ليالـي الانتضـار

بس لكن ودي اسئل كيف حبك بي قوى
عالفراق وكن حبي لك تجلى كالسـوار

للاسف الصوت ما في يشتغل عندي

لكن هذا ما منعني من الاستمتاع بجمال الكلمات

مبدع يالشاعر

صح لسانك و دام نبضك

الف شكر لك ،،

دمت برهاية الخالق ،،

[الطائر المهاجر]

صح لسانك وقكرك
القاء مميز
بس التسجيل ماصفي زين
تحياتي

[ماجد المهدي]

ههههههههههههه مالكم نصيب

طيب افتحوا الرابط وهو بيشتغل وياكم

ماجد المهدي

صح لسانك استمتعت بسماعها

ابيات رائعه والقاء جميل لاهنت

لك التحيه والشكر

[الم الفراق]

ماجد المهدي


صح السانك ياخوي


ماشاء الله عليك


حافظك الرحمن

[العيناء العامريه]

مع اني قمت سابقا بالتعليق واظهار اعجابي بها

الا انني اعود و اقول لك صح لسانك ولا هنت

جزله من شاعر جزل

[نجم الإبداع]

صح لسانك اخوي ماجد

قصيده وراقية المشاعر

واداء ممتع

لاهنت

فائق الاحترام

بس لكن ودي اسئل كيف حبك بي قوى
عالفراق وكن حبي لك تجلى كالسـوار

صح لسانك
قصيدة جزله وجميله
يعطيك العافيه
دمت بخير

[محمد بن عبدالله السلمان]

صح لسانك وبيض الله وجهك أخوي ماجد
قصيدة رائعه من شاعر رائع
تحياتي لك وتقديري
دام لنا فضلك يالغالي