ما ودي اسمع يا عرب (مات سلطان)

[احمد الجريفاني]

ما ودي اسمع يا عرب (مات سلطان)=قولوا دعاه اللي يحبه ويغليه
دعاه وآل العرش لمعانق جنان=وعد بها المولى لمن آمنوا فيه
رحل عن الدنيا ولاهو بندمان=وشلون يندم والله اللي مناديه
ورًث مكانه طيب واخلاق واحسان=واجيال تدعي له وتذكر حسانيه
ما مات من واسى عجايز وشيبان=واطفال تفرح كل ما حل طاريه
ما مات من شيًد للايتام بنيان=وموسسات الخير من صنع اياديه
رغم المرض يبدي لك حجاج فرحان=يضحك بوجه الناس والسقم باريه
حتى لو انه كان با الحيل مرضان=الشهم ما يقدر يغيٍر مباديه
طبع الكريم بكل الاوقات (انسان)=تنبيك عن راع المكارم مواريه
في حفظ رب الكون يا وبل الامزان=يا من عليك الجود هلًت عباريه

[الطامي]

الجريفاني
صح السانك ملايين
ورحم الله سلطان الخير وغفر له وادخله الجنه
رائعة في من يستاهلها
لاهنت اخي

[عبدالعزيز العمار]

الله يغفر له ويرحمه ولجميع موتى المسلمين

صح لسانك يالجريفاني ولاهنت

تحياتي لك

[روح الشعر]

صح لسانك يااخي

الله يرحم امواتنا وجميع موتى المسلمين

[فارس القوافي]

جزاك الله خير

الله يغفر له ويرحمه

صح لسانك

لاهنت

يعطيك العافية

دمت بخير

[داعي الشوق]

يا وجه الله يا بو فراس

عزالله انها مرثية جزلة و محزنة و كابفه المعنى

صح لسانك و دام هتانك

ولاهنت *

[طوفـــان]

الله أكبر ....

كلمات في غاية العذوبة ، رغم صعوبة الموقف وألمه ...

بارك الله فيك شاعرنا الفاضل ...

إلى الأمام وواصل في نثر الدرر المنظومة

[الخنساء]

مـات مـن واســى عجـايـز وشيـبـان

واطـفــال تـفــرح كـــل مـــا حـــل طـاريــه

مـــا مـــات مـــن شـيًــد لـلايـتـام بـنـيــان

وموسسـات الخـيـر مــن صـنـع ايـاديـه

رغم المرض يبـدي لـك حجـاج فرحـان

يضحـك بـوجـه الـنـاس والسـقـم بـاريـه

صح لسانك مليون ولايكفون

قصيدة جزلة من شاعر متمكن

صدقت والله يرحمه وحقيقة فقيدة العالم

الاسلامى واليتامى والمحتاجين

سلمت ودام حرفك

[سناعيس]

صح لسانك يالجريفاني
وفيت وكفيت
ورحم الله ابا خالد واموات المسلمين
لاهنت
تحياتي

[كظيم]

احمد الجريفاني
صح لسانك
والله يرحم اموات المسلمين ويغفر لهم
تقبلني وتقبل مروري المتواضع لاهنت
ودي وتقديري