رساله و إتصال

[عادل بوبدر]

جديد 2016
بسم الله أبدأ
::
::
ليش ما تسأل علي لو رساله و إتصال
دام خطي متّصل وانت خطّك متّصل ؟

لا يوهقك الحلا .. لا يوهقك الجمال
ما تدوم ايامك و كل شيٍ محتمل

المودّه ذوق و الحب حكمه و إعتدال
دامني عادل معك،،خلّ مشيك معتدل

ما لقينا منك رغبه ولا شفنا وصال
كل يوم ٍ لك عذر ،، كل يوم ٍ لك شكل

في غيابك فاتحٍ لي ثلاثين إحتمال
هاجسي الشكّاك شهرين عيّا ما فصل

أتغاضى عن حرامك على شان الحلال
ما درينا من نباهة عقل وإلا جهل ؟!!!

ندمح الزلات لك كل ما شفنا خمال
و نتمادى في مطالب رضاك من الزعل

حاول تجامل معي كل ما جا لك مجال
من صفاوة قلب ماهوب مزح ولا جدل

يا جسيم العود والطول يا حلو الدلال
في متاهات الغنج ما لقينا لك مثل

لو يحالفني وصالك و تمشي بالعدال
و نتبارى كلبونا على ممشىً عدل ؟؟

ولو توافيني عهودك بدون أدنى جدال
و نتخطّى في دروب الهوى على مَهَل ؟

كان أعيّشك المحبه على وجه الكمال
و أتخيّر لك وسط تاج شرياني محل

حطني في شمس شوقك و خلك في الظلال
و ماضي الحرمان ما كنه صار و لا حصل

عادل بوبدر الدوسري

[الطائر المهاجر]

صح لسانك
طيبه من طيب
لاهنت
تحياتي

[منيع]

ياسلام عليك
مبدع ورائع
دمت محبا
تحياتي لكم

[الطامي]

بو بدر
صح السانك ملايين
ابداع متجدد
لاهنت

[عادل بوبدر]

المشاركة الأصلية كتبت بواسطة الطائر المهاجر

صح لسانك
طيبه من طيب
لاهنت
تحياتي

ابيض الوجة يالعود
دعائك للوالدة بالشفاء

[بنت النور]

الله الله
كلامات في قمة الروعه
صح يسانك اتقنت وابدعت
تحياتي لسموك

[جهاد الشعلان]

الله الله الله

راقت لي كثيراً

صح لسانك

تقبل مروري