من يروم العز يبعد عن الشخص الذليل

[ماجد الزيد]

من يروم العز يبعد عن الشخص الذليل=المذلة جلد شاةٍ جربها سلّها
من قديم ٍ قالوا الخل يقتاد الخليل=قارب الهايف تشوف المذلّه كلها
جنّب النّمام لوهو له بظلٍّ ظليل=لو تجوع النّار ياكل لهبها ملّها
يضحك بوجهك تحسبه مودٍ لك أصيل=ومن تقفّي كلّ سكين غيبة سلّها
يرحم الله بركات الشريفي من دليل=قالها ويوم العرب تستدلّه , دلّها
من حكى لك في رفيق ٍ حكابك يا نبيل=ومن وشالك واشي ٍ بك وكبدك غلّها
ما يقود القوم من كان في نفسه هزيل=من مرض نفسه نفوس الجماعة علّها
يضحك بْذا عند هذا ونا صبري قليل=ما تحمّل قرْب نفس الردي من قلّها !
وين مالت فيه ريح ٍ مع الهبّه يميل=هبّ يا نفسه على الشّين عمره / تلّها
في لحوم الخلْق ملبد ويقدح بالفتيل=ولو عقد له عقدة ٍ فالحبل ما حلّها !
ويش جاب الصرب ما بين مكّه والجليل=يا من تفتّل جزال المعاني . فلّها !
لا أنت صاحي ولا أنت نايم معَ الليل الطويل=والفجر أذّن ونفسك بليس آظلّها
بينك وبين المنايا بقى وقت ٍ قليل=شاب راسك ما عرفت الهداية من لّها
يا ذبابة ما يحسّ بْجناحيك الثّقيل=رفرفتها ما تعدّى جسيم ٍ شلّها
الذّيابة عاويات ٍ على راسل الدّبيل=ما درن بخضيّر ونهقته لا بلّها

[عيدالماجد]

الفاضل ماجد الزيد صح لسانك لاهنت نص جميل تقبل مروري واعجابي

[عمر ال شيبي]

غصت في بحرك الجميل

صح لسانك لا هنت فكر ومظمون

[الطائر المهاجر]

سلمت وصح لسانك
جزلة من جزل وشاعر مبدع
وياليت كرمت القارئ عن الذبابه
فالبيت ترجمته ببيت اخر
لاهنت
تجياتي

[علي سعود العازمي]

الذّيابـة عاويـات ٍ علـىراسـل الدّبيـل
مـا درن بخضـيّـر ونهقـتـه لا بلّـهـا

يكرم القاري

وصح السانك ياماجد
جزله من جزل لاهنت

وياليت غيرت شطر خضير ونهقته ههههههه

تحياتي لك

[داعي الشوق]

الله الله يا بو حمد

الابداع طاغي بين السطور

والجزالة ضافية على الكلمات

لله درررررك

وصح لسااااااانك مدد

تقديري لك و احترامي

ولاهنت

*********

[نفحات حساسة]

صح السانك..ولاهنت

ماجد

أبيات رائعه ليست بغريبه عليك

يعطيك العافيه.. وسلمت

تحيتي لك..

[الخنساء]

صح لسانك مليون

قصيدة جزلة من شاعرجزل

سلمت ودام حرفك

[الراقي]

مًبٌَِدًٍعًٍ

وٍمًتُِِّْمًيَزٍُ

شًِْعًٍرٌٍ وٍشًِْعًٍوٍرٌٍ

وٍفْكَرٌٍ

صٍْحٍّ لسٌِِّآنْكَـِِّـِِّ

[همس الورد]

صح لسااااااااانك و صح بدنك

بوووووح رائع و مميز

تحيتي و تقديري