قانـع بأمـر الله واللـي يجيـبـه,,,,

[نايف مقبول العمراني]

مرثيه في ابن اخي عبد الرحيم حسن مقبول

يالله ياوالـي علـى كـل والــي=يامسـيـر دهـورهـا والليـالـي
ياللي لك المرجـاع بـأول وتالـي=ياخالق بالكـون تصويـر وايـات
يافـارج الكربـه وياجالـي الهـم=انت الذي بالحـال تعـرف وتعلـم
ترحم صغير اربـع سنيـن ماتـم=عبد الرحيم ويرحم الله مـن مـات
في ابن حسن يحسـن الله عزانـا=الموت لـو ننسـاه هـو مانسانـا
نصبر في هالدنيـا ونلقـا جزانـا=المـوت بغتـه والمنايـا خفيـات
في ثلاث طعشـر قريـب المسيـه=في يوم جمعـه واشعتـه المنيـه
في شهر شـوال وقبـل الضحيـه=الموت لنه حـل مامنـه منجـات
عمره ثلاث سنين عضمـه ليانـي=يـومٍ بـدا يتكـلـم الترجمـانـي
ويشر يقـول الله فـوق المبانـي=يشر يقـول الله فـوق السمـاوات
من علـى سطـح العمـاره تـدلا=حكم القـدر لاحـل بالحـال حـلا
وكل مسجل فـي كتـاب وسجـلا=يبقى العمر لحضه ولو طال لحضات
الله يعيـن ابـوه مهمـا يصيبـه=دايـم صبـور بالأمـور العصيبـه
قانـع بأمـر الله واللـي يجيـبـه=للدين في وجـه المديـن علامـات
مؤمـن بربـه واتباعـه نبـيـه=برب المـلا واثـق وثاقـه قويـه
شـي مـن الله والمنايـا خفـيـه=شي من الله مالنـا فيـه حيـلات
صايم وقايـم ماينقـص فروضـه=يبغى الاجر من خالقه والمعوضـه
عسى السعد والرزق دايم حضوضه=ويعاوضه ربي جزيـل المعوضـات
مافيه شـي عنـد ربـه يضيعـي=علـه يجـي لوالدينـه شفيـعـي
في ماقف منـه يشيـب الرضيعـي=في يوم يتمنـون فيـه الشفاعـات
وثاني يوم يجي لنـا علـم خالـه=منصـور خالـه طيـب الله فالـه
جاه القدر بـأول شبابـه وشالـه=يرحمـك يامنصـور رب البريـات
الله يعين اخته غدت بيـن ناريـن=ولدها واخوهـا وبخـلال يوميـن
تبكي على واحد وهلحين(ع)ثنيـن=مرت بيوميـن عليهـا صعيبـات
راحوا بذاك العـام عـام الثلاثيـن=الخـال وبناخـه عـداد الفقيديـن
الموت ماياخذ سوى نـاس غاليـن=والحزن ماينفع علـى فايـت فـات
ويالله ياواحـد ويـاحـي قـيـوم=ياكاسر كسـرى وياكاسـر الـروم
يامحيـي قـوم ويامفنـي قــوم=أنـك تسكنهـم برحمتـك جنـات

[داعي الشوق]

الله يرحم الفقيد

تعازينا لذويه مع دعواتنا لهم بالصبر و السلوان

و صح لسانك يابو مقبول

مشاعر حزينة

لاهنت يا نايف و صح لسانك

[نجم الإبداع]

رحمة الله على عبدالرحيم
والهم والديه الصبر والسلوان

وصح الله لسانك يانايف

مرثيه وافيه

لاهنت ياشاعر

لاهنت

تقبل مروري

وعزائي

[عيدالماجد]

الموت علينا حق رحمة الله لاموات المسلمين جميعا شكرا على هذه المشاعر وهذا الحرف الذي يقطر حزنا والما

[منيع]

رحم الله الفقيد واسكنه الفسيح من جنته
تعازينا لكم وللاسرة الكريمة
تحياتي

[سناعيس]

اللهم اجعله شفيع لوالديه
واخلف عليه دنياه بالفردوس الاعلى
وألهم اهله وذويه الصبر والسلوان
رثائية مؤثره ولاشك يانايف
واسال الله ان لايريك مكروه

تحياتي

[عبدالعزيز البليهد]

تقبل الله الفقيد شفيعا لوالديه ورحم الله خاله واسكنهم فسيح جناته

وعظم الله اجركم واحسن عزائكم

مشاعر نبيله رغم الالم صح لسانك ولاهنت

[اسير البدر]

صح الله لسااانك والله يجبر عزااااااكم وبرحم ميتكم

[ترانيم المطر]

اللهم اجعله شفيع لوالديه
واخلف عليه دنياه بالفردوس الاعلى
وألهم اهله وذويه الصبر والسلوان
رثائية مؤثره ولاشك يانايف
واسال الله ان لايريك مكروه

تحياتي

[زهرة اللوتس]

اللهم اجعله شفيع لوالديه
واخلف عليه دنياه بالفردوس الاعلى
وألهم اهله وذويه الصبر والسلوان
رثائية مؤثره
واسال الله ان لايريك مكروه

تحياتي