شيطان يقطع صلاة المصلين فى مسجد الراجحى بالرياض !!!؟؟؟

[الخنساء]

شيطان يقطع صلاة المصلين فى مسجد الراجحى بالرياض شاهد صورته

--------------------------------------------------------------------------------

شيطان يقطع صلاة المصلين في مسجد الراجحي بالرياض شاهد صورته

السلام عليكم ورحمة الله وبركاته
شيـطـان يقطـع صــلاة المـصـليـن فـي جامع الراجحي بالرياض
بينما المصلون في المسجد يستمعون لقراءة الإمام يتلو آيات من كتاب الله وقد اقشعرت
الجلود ودمعت العيون من خشية كلام الله
إذ بشيطان رجيم يسمع دويه وصياحه ولا ترى صورته
قد قطع تلك الآيات المباركات حينها
امتلأت قلوب المؤمنين حقداً وكمداً وغيضاً عليه
وقالوا بصوت تردده شفاههم وتنطق به قلوبهم ...
.
.
.
.
.
.
.
.
.
.
.
أخزاك الله وحاملك .
.
.
.
.
.
.
.
.


إنه جوال أحد المتساهلين بنغماته الصاخبة وقد أودعه صوت أغنية هابطة
ألا يخجل أولئك الذين لم يرعوا حرمة بيوت الله في أثناء أداء
أعظم فرائض الله وقد ارتفعت أصوات جوالاتهم بأصوات الشياطين يصدون عن ذكر الله



نقلته للموعظه
دمتتتتتتتتم بخير
__________________

جزاك الله خير

مشكور على الموضوع المتميز

ولاكن عندي ملاااااااااحظه

أخزاك الله وحاملك .

يمكن ساهي

او نسا

مايجوز ندعي عليه وهو ما جا المسجد الا فيه خير ان شالله

وبدالهااا نقول الله يهديه

ونحذرهم

انا مره كنت ناسي اغير الاوضاع

وصليت جنب واحد ملتزم الله يثبته


المهم دق الجوال وكان على نغمة قصيده يعني شيله


وطول وهو يدق وانا احاول اطفيه والنكبه كان وقت التحيات قبل التسليمه


المهم سكت الجوال


بعد الصلاه

سويت نفسي انه مو انا وقمت اتلفت وراي وكلم هندي وراي كذا عشا يحسبونه انه هو

هههههههه


المهم


طلعت ولحقني الرجال اللي كان جنبي


طلعنا برى المسجد نصحني باسلوووب حلو اوعتذرت منه وقلت نسيت


قبل لا اروح منه قالي كلمه ماصدقت ,,,

قال الله لا يهينك ارسل لي القصيده هذي

وكانت فرصه اسولف وياه لان حجمها كبير


قلت والله اسلوبك ياخوي طيب


بانسه للي غيري عشان يعرف ان الملتزمين كلهم طيبين ويحبون لنا الخير

اما عني والله لو سويت وش ما ارح اغير نضرتي عن اسود الاسلااام


قلت هالكلمه ما طول يحسبني مباحث

هههههههه


الله ينصر الدين


على العموم هذا سالفتي

وانا اليوم الحمد لله كل ماجيت المسجد تذكرت ذاك الرجال الله يغفر له ويثبته


مشكور يالخنسا مره ثانيه



تحياتي...


اخوك

والله هذه تحصل للجميع ودائماً النسيان وارد ..

ماما الفاضلة الخنساء

أشكرك على نقلك القيم

تحيتي لك

شكراً

الخنساء

مشكورة يالغاليه على الموضوع

والله يهدي بعض المصلين والله الشيطان ملعون هو اللي نساهم والا المفروض ان الاغاني والموسيقى ماتوضع

نغمات للاحتياط علشان ماحد يطيح في مثل هالمواقف ..وما يجتمع قرآن وغناء في وقت واحد

لاهنيت فديت عمرج والله يجزاج خير

تحيتي لج / عزوة ابوها

[أصالة تميم]

جزاك الله خير يالغاليه

[بارقةأمل]

أي والله أختي الخنساء والله من كم يوم كانت الصلاة في الحرم في التلفزيون

والله كنت اسمع رنة جوال واضحة في المكرفون والشيخ يصلي بهم

جزاكي الله كل خير خنسانئنا

المستشارة الخنساء

النسيان وارد كما ذكر بعض الاخوان
وبصراحة رجال وليش الاغاني الهابطة يضعها في جواله . انا اشوف انه داعي من الاساس نغمات في جوال رجل .

سلمتي على هذه النصيحة

تحياييييييييييييي

الغاليه اميرة المنتدى الخنساء


الله يجزاك الف خير على موضوعك


دائما سباقه للخير


تقديري وفائق احترامي لك اختي الغاليه

[أمير الإحساس]

يعطيك العافيه أخت الخنساء على الطرح المميز

بس الناس ما يفهمون بالأسلوب هذا

ما ينفع معهم إلا إن المساجد يحطون الأجهزة اللي تقطع الإرسال مثل حقت المستشفيات

وشكراً

[العمده]

أختي ألخنساء

أشكرك على هذا ألموظوع

وأشكر جميع ألمشاركين

وأحترم أرائهم

ولكن عندي أقتراح فقط للفائده

يوجد برنامج أسمه ( خاشع )

يتركب في ألجوال

وفيه : أذكار ألمساء / أذكار ألصباح / وقت ألأذان حسب ألتوقيت ألمحلي

وألزين في ألبرنامج

وقت ألأذان يتحول تلقاءي الى صامت

وبعد ألصلاه أيضا يتحول ال عام من تلقاء نفسه

بصراحه أنا عندي هذا ألبرنامج في جوالي وريحني كثير ولله ألحمد

تحياتي ولكم ألفائده انشاء ألله