ياخاطري - مصافحة أولى

السلام عليكم ورحمة الله وبركاته

صدفة من اجمل الصدف اللي عرفنا فيها هذا المنتدى الجميل بكل مافيه من ادب وشعر واعضاء

نتشرف بالمشاركة الأولى معكم بهذا الصرح الشعري بقصيدة اتمنى تنال اعجاب الجميع باذن الله

عدّت قصايد وامتلا سـوق الأوراق=كلن ينقش حروفه حسْب الذوايـق
بعض القصيد يساق والقاف منساق=وبعضه يمر مرور نـص الدقايـق
وانا كتبت الشعر باطنـاب ورواق=واركزت قافي رغم عدْو العوايـق
اترك واجنّب به عن امـورٍ دقـاق=واترك كلام الـذمّ والغيـر لايـق
واكتب خفايا غاربة بعد الاشـراق=خافي متبسم وسْع وخافي متضايـق
ياخاطري سلم على نبض الأعماق=وانقش قصيدي وصمم احلى بطايق
خلهـا تذكـارٍ لاوقـات الاشـواق=يوم الشموع تسيل والبـال رايـق
انقش ياخاطر وادري النبض مشتاق=تسوقه رياحـه والليـالِ الغلايـق
لكن نصيبه جاه والوقـت سـرّاق=واطلق قصيدي في سمـاه الوثايـق
شي(ن) يطاق وشيّ ماهوب ينطاق=هذي حياته حتى باقـي الخلايـق

وسلامتكم

اخوكم :
عبدالله بن فالح

تحياتي.

[الطائر المهاجر]

هلا ومرحبا بك أخي الفاضل عبدالله
في محلك وبين اخوانك وربعك
مصافحة جزلة من راس جزل
وشاعر متمكن
لاهنت ولاهان مغليك
ارحب يالغالي
تحياتي الطيبة

[إستبرق]

.. عبــدآلله بــن فــآلـح ..


فــي البــدآيـة آحــب آن أرحــب بـكـ بالفطـآحــلـه ..

ونحــن سعـدآء بإنضمـآمــكـ ..

بعض القصيد يساق والقاف منساق
وبعضه يمر مرور نص الدقايـق

قصيــدة مختـلـفه ونــص محـآل "يمـر مـرور نـص الدقـآيـق "

صــح لســآنـكـ وسلــمـ إحسـآسـكـ ..عـلـى هذه الرآئعــة ..


عـآفـآكـ المـولـى ..


آعـذب التحـآيآ


إستبرق

[علي محمد العتيبي]

لكن نصيبه جاه والوقـت سـرّاق
واطلق قصيدي في سماه الوثايـق
شي(ن) يطاق وشيّ ماهوب ينطاق
هذي حياته حتـى باقـي الخلايـق



عبدالله بن فالح
ياهلا بك والله بين اخوانك وربعك
وحياك الله في هذا الصرح الشامخ

وصح لسانك مليوون على هذه القصيده الطيبه
والمعاني الرائعه


اعجابي واحترامي

[منيع]

ابيات رائعه
حياك الله
تشرفنابتواجدك بيننا
ياهلا وغلا
تحياتي وتقديري

عبدالله بن فالح

ياهلافيك بين ربعك مصافحه عذبه

وصح لسانك ابيات رائعه

اتحفتنا بها لاهنت

لك خالص التحيه

[نجم الإبداع]

ارحب ياعبدالله

حياك الله بين اخوانك

وصح لسانك على المصافحه الراقيه

لاهنت

فائق الاحترام

[الطامي]

عبد الله
صح السانك ولاهنت
طيبة من طيب
شكرا لك

[الخنساء]

صح لسانك اخي الشاعر عبد الله

لاهان راسك قصيدة رااائعة

ومرحبا بك بيننا

سلمت وسلم شعرك

دمت بخير

[ابومياس]

عبدالله بن فالح

اهلا وسهلا بكريم الحظور

حياك الله اخي بيننا

ونتمنى ان يطيب لك المكان

مصافحة جميلة المعاني

صح لسانك ودامك حرفك

دمت بخير