سجى,,,*****

[ناصر عبيد الهواوي]

روحت بعد أنهيت كل المهمه=ومريت ربعٍ لي كرام وتعشيت
وسريت الأسود والسرى ما يهمه=ورضوان والماء الضحل وبظلم مريت
وبأقصى سجى في ليله مدلهمه= غايم سماها لاش قمرا ولا ليت
الجفن اشوف النوم دلا يخمه=وقررت أنام بهالعبال السباريت
وقفت بأرض بين حزم وحمه=وبالله عذت وبعظم أسماه سميت
وهب النسيم ووجهة الجيب لمه=وجوٍ براد وبه هدوء وأسفهليت
وطارٍ طرا للقلب بالحيل غمه=في حالة مانيب واعي ولا أغفيت
طيفٍ لعب بالفكر والجسم سمه=وأحدث تغير لاحظه كل من جيت
هوايلٍ جتني كبارٍ مطمه=ولا أدري لو اللي شفت جن وعفاريت
واا قلبي اللي كل ذكرى تظمه=تذكره في ظمة القبر للميت
يجيه شر ويرتفع ضغط دمه= تبدل أنفاسي زفير وتناهيت
من صاحبٍ لاأوحيت منطوق فمه=يذهب عماس الرأس لو ما تقهويت
ولو يذكر أسمه شخص ما هوب يمه= عندي وأنا في مجلس أجناب فزيت
ما أدري ورا النسيان عيا يعمه =وأنا سواه لكل شي تناسيت

[سعيد الصاعدي]

ولو يذكر أسمه شخص ما هوب يمه= عندي وأنا في مجلس أجناب فزيت



الاخ الفاضل / ناصر عبيد الهواوي
صح لسانك لاهنت
نص شعري عالي الشاعريه
من شاعر متمكن
تحياتي
أخــــــــــــوك
س / ص

[مشاري بن محمد]

الجفـن اشـوف النـوم دلا يخـمـه
وقررت أنـام بهالعبـال السباريـت
وقفت بـأرض بيـن حـزم وحمـه
وبالله عذت وبعظـم أسمـاه سميـت
وهب النسيم ووجهـة الجيـب لمـه
وجوٍ براد وبـه هـدوء وأسفهليـت

جزله وانا اخوك


والله العظيم انك تسببت علي وخليتني احن لهالاجواء

صح لسانك يا غالي

وياهلا

[سناعيس]

صح لسانك يالهواوي
ولله درك
جزله ورائعه
لاهنت وبيض الله وجهك

تحياتي

[الطائر المهاجر]

كتبت فأبدعت يالهواوي

جزلة من راس جزل وشاعر مبدع

صح لسانك ولا هنت

تحياتي الطيبة

[صوت الإحساس]

الله الله




من البدايه الى النهايه


مبهره


بيض الله وجهك على هذا الحضور


دره ساعود لها دوما



صاادق الود

[الـزلـزال]

من صاحبٍ لاأوحيت منطـوق فمـه=يذهب عماس الرأس لو ما تقهويـت
ولو يذكر أسمه شخص ما هوب يمـه=عندي وأنا في مجلس أجناب فزيـت
ما أدري ورا النسيـان عيـا يعمـه=وأنـا سـواه لكـل شـي تناسيـت

ناصر عبيد الهواوي

صح لسانك غلينا ملايين ملايين

لله درك


تقبل صافي تحياتي

[حوريه]

الهواااااوي

صح فكرك ....و وكلك

نص راااقي...

تسلم ويسلم معك الشعر

[محمد الأحمري]

الله الله


ياغالي صح لساانك مليون ولا يكفون
وبيض الله وجهك
جزله ورائعه لاهنت
ومرحبا بك أخي بيننا
وتشرفنا بك
لاحرمنا الله من وجهك الطيب
تقبل تحياتي لكـ
أخوك/محمد بن حاصل الأحمري

[الخنساء]

صح لسانك اخى الشاعر ناصر

لاهان راسك قصيدة رائعه

وكل عام وانت بخير

سلمت ودمت بخير