... لااااااا تحسب اني حزينه

[شجون القصيد]

متواضعه ارجو ان تروق لكم

لاتحسب اني حزينه يوم من عيني تطيح = اشهد انك في وقوعك زدتني قوة بصر
كنت اشوفك بس وحدك غيرك بعيني قبيح = مالكٍ شوفي وقلبي صاير لحبك قصر
وان حكوا بك عاذليني جادل لسانٍ فصيح = يرسمك بأحلى المعاني درة الكون ويصر
عيبك اللي يذكرونه يصبح بعيني مليح = اتغنى به وكنه احلى ميزات العصر
الله اكبر من علوّك طحت من عيني طريح = لو تحاول لو تخفي فالكذب حبله قصر
الغدر ياشين غدرك عذب القلب النصيح = لو تظاهر بالتجاهل يعلم الله وش حصر
زاد غدرك في عذابه ومن عنى وقته جريح = ويتمادى في عناده لو بدمه ينعصر
بس والله ماتعذب لاجل حبك والصحيح = كل حزنه في حظوظه كنها حظ النصر
عادته لا مانساها حتى لو وقته شحيح = ماتقبل للمهانه خذ كلام المختصر
والله اني كان ظني لافقدتك مااستريح = واحسب اني في غيابك كل قلبي ينهصر
حتى عيني شفت عيني عيت لفقدك تصيح = واحسب اني لافقدتك تاخذ دموعي حصر
ياحلو ثار الكرامه يوم خلك يستبيح = لانوا طعن المشاعر خذ حقوقك وانتصر

[سناعيس]

الله الله
عتب من نوع آخر
وبوح في مجمله زاخر
صح لسانك شاعرتنا شجون القصيد
تشرفت بأن أكون اول المعانقين لهذا النزف الجزل
لله درك وكفى

تحياتي

[عبدالله راشد الثويني]

شاعرتنااااااااا الجزله / شجووون

ماذا عســاي أن اقول امام هذه الباذخه !!!!!!!!!!!

إبدااااااااااع لا ينتهي قافيـه ومضمون من شاعره لطالما اتحفتنا بأمثال هذه الرائعه

صـــح لسانك مليـون ولا يكفــون

ولا بد من العوده وقراءتها لاكثر من مره .. نص لا يمـل قارئه

كل الوُد وتقبلي تحيتي

[عبدالعزيز البليهد]

صح لسانك وتسلمين شاعرتنا شجون

بوح جميل تسلمين اختي

[نجم الإبداع]

الله الله

صح لسانك شجون

مصافحه رائعه من شاعره متمكنه

وطاروق جميل

لاهنتي شاعرتنا

لاهنتي

تقبلي مروري

وتقديري

[عيدالماجد]

صح لسانك تحياااااااااااااااااتي

[عمر ال شيبي]

سلم قلبك
يا عذبة القاف

[الطائر المهاجر]

مبدعه وجزله
صح لسانك وقلبك
ولا هنتي
تحياتي

[عبدالله مذكر العقيلي]

ياسلام عليك

مبدعه

لله درك

وصح لسانك وفكرك

سجلي اعجابي


تحيتي

[سعيد الصاعدي]

ياحلو ثار الكرامه يـوم خلـك يستبيـح

لانوا طعن المشاعر خذ حقوقك وانتصـر

الاخت الفاضله / شجون القصيد
صح لسانك لاهنتي
نص شعري راقي جدا
من شاعره متالقه
تحياتي
أخـوك
س / ص