الوجيه المكفهرّة

[محمد بن عمار]

السلام عليكم /
وتأبى القريحة إلاّ بطرق كل ماهو جديد
في عالم القافية الشحيحة وتطويعها ،،،

الوجيه المكفهرّة

الله أقوى من صباح أهل الوجيه المكفهّرة = والله أعلم ، باقي الأيام ، وش هي مخفية
من صروف الوقت هاللي في عنادي مستمرّة = العمر، شمسه توارى ، والليالي ، مقفية
التجئ لك يا منجّي كل نفس ٍ مستضرّة = راجي ٍ لطفك من ظروف السنين المزرية
يا مغيث اللي ببطن الحوت يا كاشف لضرّة = ترحم ، اللي بالعنا ، نفسه لنفسه ، مشقية
ما حد ٍ غيرك له الشكوى وعطفه نستدرّه = يا ولي العرش ، يا جزل العطايا المغنية
أشتكي لك علة ٍ في وسط جوفي مستقرّة = وأعترف لك بالخطأ وأبوح لك بالمعصية
برحمتك كل النفوس اللي حزينة مستسرّة = وجودك وعطفك عليها من حمول ٍ مضنية
أنت أهل المغفرة ، والجود والتقوى ببرّه = وأنت أهل المرحمة وأهل اليدين المعطية

مودتي لقلوبكم

محمد بن عمار

[ابو أنس]

الله اقرب للأجابه للقلوب المستقرّه=اللي لرحماه تطلب دوم عطفه راجيه
غير لله ما توجه ترتجيه وتستدرّه=والله الواهب لعبده والعطايا وافيه
يامحمد وانت قلبك قاصدِ للرب مرّه=ارجي ان الله يجاوب ذا الأماني الغاليه

[وليدالبسطي]

سبحانك

جزاك الله خير

لاهنت

[الطامي]

م بن عمار
صح السانك ملايين
لازيد على ابيات ابو انس
لاهنت اخي

[كظيم]

سبحــانــه

محمد بن عمار
صح لسانك وفكرك يابعـدي
قصيده جزله ووافيه ابدعت فيهـا
والله يرحم الحال ويسعدك يارب
ويبعد عنك كل كربه ويغفر لنـا ويرحمنـا
تقبلني وتقبل مروري المتواضع لاهنت
ودي وتقديري

[منيع]

مناجاة رائعة
ربي يرعاكم بلطفة
تحياتي

[عبدالله الدخيل]

ياسلالالالالالالالالام

شاعر جزل يا محمد

صح لساااااااانك ولا هنت

[محمد بن عمار]

المشاركة الأصلية كتبت بواسطة ابو أنس

الله اقرب للأجابه للقلوب المستقرّه=اللي لرحماه تطلب دوم عطفه راجيه
غير لله ما توجه ترتجيه وتستدرّه=والله الواهب لعبده والعطايا وافيه
يامحمد وانت قلبك قاصدِ للرب مرّه=ارجي ان الله يجاوب ذا الأماني الغاليه

أخوي / ابو أنس
صح الله لسانك وقلبك
وسلم غاليك لاعدمتك
وافي وافي الله لا يهينك
والقصيدة كتبتها عند ما فكينا
تسعة وعشرين غرزة من بطن الولد
بعد اربع وعشرين ساعة قرروا إجراء نفس العملية
وفتح البطن مع نفس المكان والحمد لله على كل حال

[محمد بن عمار]

المشاركة الأصلية كتبت بواسطة وليدالبسطي

سبحانك

جزاك الله خير

لاهنت

اخوي وليد
ويجزاك عنا
خير ياغالي

[محمد بن عمار]

المشاركة الأصلية كتبت بواسطة الطامي

م بن عمار
صح السانك ملايين
لازيد على ابيات ابو انس
لاهنت اخي

هلا وغلا / ابو محمد
سلم قلبك وفكرك
ولاهان غاليك فديتك