والصدق مخرج والفطاحل يمونون

[نجم الإبداع]

ياعود فك الباب وشبك قفلته=واحضر لي الكاشف وصنداح خلته
على النقاء لو هو بعمري بذلته=(والصدق مخرج والفطاحل يمونون)

[عايض المقاطي]

الله الله يافلاح


صح لسانك على المبدا وفي انتظار قبيلك


,,

[نجم الإبداع]

حياك الله ياعايض

بس شكل الربع تكابروها في نفوسهم

وانا ابغاهم هنا الثلاثه

وان ودك تشارك على الرحب والسعه

اخ عزيز وشاعر قدير

لاعدمتك

[عبدالله المسعودي]

صح لسانك يا فلاح ..؛
ننتظر ابو عبدالله و ابو محمد ..؛
دمتم بـ ود ..؛

[نجم الإبداع]

ارحب ياعبدالله

شكرا لمرورك الكريم

لاعدمتك

كني حسيت انك صااااااااااااااير


وحدااااااااااااااااااااااني يابو محمد






صح لسانك وارساله مفهومه للعامه






قبل الخاصه





هههههههههههههه





الوحده شينه ههههههه

[نجم الإبداع]

ارحب ياعلي

شايف كيف هههههههههههههه

من زمان اقول لك ان فيه مؤامره وتقول لي لا

لكن انا قاعد لهم هنا

خلك قريب علشان ارويك غبارهم

شكر ا لمرورك الكريم


لاعدمتك

[الطامي]

المشاركة الأصلية كتبت بواسطة فلاح بن منشار

ياعود فك الباب وشبك قفلته=واحضر لي الكاشف وصنداح خلته
على النقاء لو هو بعمري بذلته=(والصدق مخرج والفطاحل يمونون)

الله الله
عذرا كنا بسفر واستلم نيابةً عن الجميع :-

يامرحبا بك وانت رجال فلته = والقاف من عندك على القوم شلته
وش فيك تجمعنا وحن سيوف صلته = وانته وحيد بوجه ناس يهوشون

[نجم الإبداع]

ارحب يابو محمد
والشطر الاخير (والصدق مخرج والفطاحل يمونون)
أساسي واذا غيرت زيادة خير وبركه
وسلامة الاسفار

واستلم

ماحدن لفى والعود لو جاء غسلته=والكايد البارود ماهو بقلته
والي تجاهلني وانا ماجهلته = لازم يجي واهل الفطاحل يمونون

[الطامي]

المشاركة الأصلية كتبت بواسطة فلاح بن منشار

ارحب يابو محمد
والشطر الاخير (والصدق مخرج والفطاحل يمونون)
أساسي واذا غيرت زيادة خير وبركه
وسلامة الاسفار

واستلم

ماحدن لفى والعود لو جاء غسلته=والكايد البارود ماهو بقلته
والي تجاهلني وانا ماجهلته = لازم يجي واهل الفطاحل يمونون

علينا يابن منشار
هههههههههههههههههه استلم حتى ياتون :-

حتفك يابن منشار بيديك شلته = مدري من المكبوس وتاثير سلته
خطك وانا اعرفه وبدربي شقلته= والصدق مخرج والفطاحل يمونون