يغار محسن او يغار ابن لعبون

[احمد الجريفاني]

يا عزوتي لا يقفل الخط تكفين=خطن وصلني فيك خليه مشحون
حطيه (صامت) لا نويتي تنامين=ما ودي العذال لا دق ياعون
واذا صحيتي طالعي فيه تلقين=الف اتصال من الذي فيك مفتون
ومن الرسايل تتعبي لو تعدين=الذاكره ما خزنت غير مليون
اعرف منهوا يا غناتي تحبين=اللي تحبينه تره فيك مجنون
وادري بانك يا غلى الروح تدرين=عن ما بقلبي من تباريح وشجون
واني اسير الوجد والسهد والبين=وان الفواد لمنوة القلب مرهون
سوي بي اللي تشتهينه تمونين=هو فيه غيرك يا بعد روحي يمون
يامن لها مسكان با القلب والعين=ما فيه غيرك شخص اسميه مضنون
ما دمت احبك يا الغلى لا تخافين=خلي جميع الناس با الحب يدرون
انا اتحدى بك جميع المزايين= يغار محسن او يغار ابن لعبون
دام الغلى ما بيننا زين في زين=وحنا مثال لكل منهم يحبون
تدلعي بمشي على ما تودين=محلى الدلع لاصار راعيه مزيون
وابيك لا منك وقفتي تصلين=تدعين يجمع شملنا خالق الكون

[عبدالعزيز العقيدي]

أخوي احمد
اسعدني معانقة
هذه الفاتنة
تحياتي لك

[الطائر المهاجر]

قصيدة كتبت بمداد من نور
فجاءت نبعا فياضا
كل الشكر والتقدير
مع أطيب تحياتي

[زهرة اللوتس]

سلمت وصح لسانك
جزلة من شاعر جزل
تحية طيبة

زهرة

[دايود صالح الخلف]

استاذي ابو فراس /

لاهنت وصح لسانك مدد بلا عدد
مبدع كعادتك لاتكتب سوى الجمال


تحيتي واحترامي

[داعي الشوق]

،،،،،،،،،،،،،

صح لسانك يالشاعر أحمد الجريفاني

قصيدة قمة في الروعة و الجمال

كما أنت دائما

لله دررررررررك

و صح لسانك مدد بلا عدد

تقديري لك

مع التحية

[نفحات حساسة]

صح السانك ملالاين..قصيده رائعه كروعتك
يعطيك العافيه..
وسلمت ودام حرفك..
تحياتى وتقديرى لك..

[منيع]

ياسلام عليك يااحمد
شارب الابداع شرب
ابيات ولااروع
كم انت مذهل
دمت مبدعا
تحياتي وتقديري

[صعبة المنال]

الله الله الله
لله درك الحرف كيف طاوع افكارك

روووعة

وابيـك لا منـك وقفتـي تصليـن
تدعين يجمع شملنا خالـق الكـون

امين

صح لسااااااانك مدد بلا عدد

صعووووب

[احمد الجريفاني]

الغالي عبدالعزيز العقيدي اسعدني حضورك الباهي 0