ياليت عــــــــرس رشيد ,,, مصافحه أولى

[ناصر عبيد الهواوي]

مشاركتي الاولى .. اتمنى أن تنال الاسنحسان والقبول ..

ياليت عرس رشيد ياعبيد منحاس = والا توافق موعده مع غيابي
بكرت آباصل رحم وازور لي ناس = وحظي على ماكنت أخافه لفابي
سلم وقدّم حبتين ٍ على الراس =وقمت اتمنع والتمنع كذابي
وغديت في ربكه ولسنوني اضراس=قالوا علامك قلت من حر مابي
قال انت في غيبه من سنين لاباس=واقسمت بالمعبود منش السحابي
انه فلا مرت كآبه ولا اوناس =الا انت سبة ونستي واكتآبي
واكاظم العبره وانا بين جلاس =وفاضت غصب واللي جهل بي درابي
وعرفت مابه من تزافير الانفاس= ويمسح دموع ٍ ذوبن الخضابي
وتكدر الخاطر وتفكيري انحاس=وابكاه جدد يالتميمي عذابي
يابو محمد صابني تقل وسواس=ولا عاد أحسّب لو تقول متصابي
ورديت قلبي في غرابيل الاتعاس=جابه صواب وبه من اول عطابي
ولاهمني لايم ولاحكي بلاس= ولاعاد اميز زلتي من صوابي
يالايمي مانشيت لومك على ساس = ماخضت تجربتي ولافيك مابي
ولااوحيت منطوق ٍ حلو يقعد الراس= ولاذقت يامسكين مز الرضابي
وخد ٍ ورا الشيله لمع تقل قرطاس=مشاهده يكفي طعام وشرابي
وقده كما غصن ٍ تمايل بنسناس=ونواعس ٍ يزهن جديد النقابي
وكف ٍ تليق ابه الجواهر والالماس = وثغر ٍ تلامع فيه بيض ٍ عذاب ِ
ولاعشت ساعات اللقاء من بعد ياس= قلبك موات وحظك اليوم هابي
كف الملام ولا تقرقع بالاجراس=واحذر تنوش مذربات الحرابي
انا بشر ماكنت بدعا من الناس =ولاكان لي عصمه ولاني صحابي
قلبي عليل وبه ليونه وحساس=وليش ووراه وكيف ماله جوابي
وان عدت ابنخا صاحبي طيب الساس = عايض ولد سرحي رفيع الجنابي
من لابة ٍ وان جو على شهب الافراس = بحدب السيوف اللي تقص الرقابي
وان كان تبغى السلم واذعنت لاباس = خاطرك طاب وخاطري منك طابي

[ابو أنس]

ناصر الهواوي................
بوح جميل ونزف متقن
وتسلسل أعجبني وكررت القراءه
هي المره الأولى التي أتشرف بقراءة نصوصك
وقد سعدت وطربت
لك كل الشكر

[صوت الإحساس]

صح لسانك مليون


حياك الله



هطول قوي وحضور مدهش


انتظر القادم بلهفة

[الطامي]

ناصر الهواوي
صح السانك على البوح الجميل
انه من القلب
وهكذا سنين الغربه تفعل بغياب الأنسان الهوايل
لاهنت عيني

[عبدالله الشويمان]

صح السانك اخوي ناصر

قصيده رمزية رائعه

لا هنت لا هنت

[محمد الأحمري]

قبل كل شئ ياغالي
وقبل اعابي با القصيد
اخي الكريم
هذه ظروف الدنيا وهذه مقاديرها
تصبر والله يسهل ويوفق
اخوي الكريم
قصيدة في قمة المال والروعه
وقصيده جزلة ورائعة
لاهنت ياغالي
على هذا النزف العميق
والجرح الذي آلمنا
تحياتي العطره
لسموك الكريم

[داعي الشوق]

صح لسانك يالشاعر ناصر الهواوي

مصافحة راهية ودسمه يالنشمي

والنعم بك و بـ إبن سرحي شاعر ومعروف


وحياك الله والمحل محلك يالشاعر

وصح لسانك مع التحية ،،،

[نجم الإبداع]

ارحب ياناصر

وصح لسانك على المصافحه الجزله

ابدعت ياشاعر

لاهنت

تقبل مروري

وودي

[سناعيس]

انا بشر ماكنت بدعـا مـن النـاس
ولاكان لي عصمه ولانـي صحابـي

ناصر الهواوي

صح لسانك على هذه المدويه
بيض الله وجهك ولله درك

تحياتي

[حي الضمير]

قصيده رائعه والحقيقه ابدعت ياناصر حيل
والف صح لساااااانك ياجزل