في ليلة والنجـم بادي بالارمـاس

[الطائر المهاجر]

في ليلة والنجـم بادي بالارمـاس = قمت اتذكّـر واندفـع بالهواجيس
واذكـر غـزال مالها جنس بالناس = لعبت بعقلي بالـرقص والمراويس
لقيتهـا تمشي وناابــاري الساس = قالت علامك قلت خوف المناجيس
قالت معي لا خـوف ياطيرِ قرناس = اتبع خطــاي وترتفـع للنواميس
يازينهـا لين انحنت حب واحساس = تاخـذ بيـدّي ما اشوف التواعيس
امشي وفكّراضرب اخمـاس بسداس= مـرٍ بسكة ومر بين الــدواعيس
مشوارنا طـوّل ونـا ادربي الراس= والليـل اقبل ما عرفت المقـاييس
تعبت رجـولي والتعب هدّ الانفاس= قمت اتصبّـر ما ابيّن احــاسيس
امشي على ريح العطر دون مقياس= واركض وراها لو تعوق المتاريس
وفجأة اختفت والفكربالشك غطاس= وش لـون خلتني بدرب المناحيس
ريّحت قاعـد واثر عودٍ بالامراس= يطق طبلونه ولا هاب بوليس
سلّم وحييّته جلس تقل وجّـاس= يبـي غريفـي دون لفٍ وتدليس
قلت الحقيقة ، قال ياوليـد لا باس= جاهل وشوفك يلزمك بعض تدريس
المهـرة اللي اختفت مالها اجنـاس= ياما خدعت مثلك كثير المعـاريس
تعرس على كيفه على رجال وخساس= وياما رمت باسبّـابها من محابيس
هذي "خوينه" من تبعها للافلاس= بالخص في وقتٍ كثير الاباليس

[صعبة المنال]

جزلة

سلمت وصح لسانك

صعووب

[نفحات حساسة]

صح الله لسانك
ولاهنت ..تحياتى