حرب المحاوره بين شعراء الفطاحلة

[ابو زياد]

هذه محاورة للجميع وهي على المربوع
نتمنى من جميع الشعار والمشاركة فيها
ونحرص على على ان تكون بقالب كوميدي
ولتكون منضمة اكثر المفروض ان اي شخص يريد
ان يرد على مشاركة معينه يسوي لها اقتباس لكي يعلم الجميع
معنى الرد وعلى منومن راى ان تعدل او تلغى فلا مانع
الاصلح هو المهم

ابغى ابدى البدايه وتراها ما تمثلني بل تمثل الجميع او جميع من اعجبته الفكر

نويتوا اللعب من يبدى ونلعب به=واللي يتحدى نبي نرفعه ونذبه
وانقول له قول ما عمره يحلم به=عند الفطاحل قصيد مقلع اقلاعي

[الطائر المهاجر]

نوينا اللعب من يبدى على الطاروق نلعب به=واذا منّه تحدّانا نبي نرفعه ونذبـه
ونقول له قول ما فكر ولاعمره بيحلم به=ترى شعر الفطاحل وان بغيته مقلع اقلاعي

كملوها

ولا غيرك بنبدا به ولا غيرك بنمحط به=تجود وانت في صندق دتسن واضح خربه
وليّا تطلب النجده من احدٍ لايذ بقربه= ترى شعر الفطاحل وان بغيته مقلع اقلاعي

[ابو زياد]

هلا بالطاير اللي قال انا طاير وانا مهاجر=تراه اما رحم روحه ابا اشري فيه واتاجر
وعندي علمه اجيبة ولوه من ورى ساجر=ترى شعر الفطاحل يارفيقي مقلع اقلاعي

[ابو زياد]

بس الشيله الاوله اسهل يالذيب

[منيع]

المشاركة الأصلية كتبت بواسطة المشرف العام

نوينا اللعب من يبدى على الطاروق نلعب به=واذا منّه تحدّانا نبي نرفعه ونذبـه
ونقول له قول ما فكر ولاعمره بيحلم به=ترى شعر الفطاحل وان بغيته مقلع اقلاعي

ولا غيرك بنبدا به ولا غيرك بنمحط به=تجود وانت في صندق دتسن واضح خربه
وليّا تطلب النجده من احدٍ لايذ بقربه= ترى شعر الفطاحل وان بغيته مقلع اقلاعي

وانا بمسك بذا الرمه عجوزمشيط واشدخبه=وبوطي فوق راس المخرف وضربه ضربه
ولاصاح من راسه وحاول يثني الركبه=ترى شعر الفطاحل وان بغيته مقلع اقلاعي

[ابو زياد]

ترفق يامنيع ارحم طويل العمر والباعي=والى منك توليته فبالك توصل القاعي
والى منك نويت الشر خل البيع قطاعي=ترى شعر الفطاحل وان بغيته مقلع اقلاعي

[نسناس الهوى]

اشوف الحرف منثور ٍ على بحر القصيد اصداف = واشوف المركب اللي امتلا بالقاف واهل القاف
ونا ودّي ومالي بالشعر لو قدت لي مجداف = ترى شعر الفطاحل وان بغيته مقلع اقلاعي

[ابو زياد]

هلا نسناسنا وينك وهرج العقل ما ينفع=نبيك تجيب طبلونك الين فيوزهم يصقع
نبي فيذا نخربها ومن عندي نبي نرفع=ترى شعر الفطاحل وان بغيتـه مقلـع اقلاعـي

[نسناس الهوى]

اجل ياخوك بالتنده تربط واسمع الحنّـه = وخل البحر للسبّاح ابمسك طارة الـ"عنّــه"
ولا مني نظمت الحرف تغنّى بالفلا غنّـه = ترى شعر الفطاحل وان بغيته مقلع اقلاعي

[منيع]

المشاركة الأصلية كتبت بواسطة ابو زياد

ترفق يامنيع ارحم طويل العمر والباعي=والى منك توليته فبالك توصل القاعي
والى منك نويت الشر خل البيع قطاعي=ترى شعر الفطاحل وان بغيته مقلع اقلاعي

الايابوزياد ابعد ولاتقرب ولاتراعي=ترى فوجي حضر والحزام اسود وقطاعي
ومدام الشر بعيوني خويك ماله اتباعي=ترى شعر الفطاحل وان بغيته مقلع اقلاعي