كفيّ طوّقت معصمه

[محمد بن عمار]

هنابكل تواضع أطرح لذوائقكم
مشاركة العام الميلا دي الجديد
بنظم ٍ جديد لفكر ٍ جديد . و أيضا
عشق ٍ جديد كما و إسلوب ٍ جديد.!
فلكل حادث ٍ حديث ولكل جمال ٍ وريث
وطبعا ًسبعة وتسعون في المائة من أشعاري هي
من وحي الخيال . ليس إلاّ لكن والصدق حبيب الله
أغلبها نظرة خاطفة لذات قوام فتان فتكون الشرارة .

كفيّ طوّقت معصمه

ياصباح الورود اللي حوت مبسمه = وياصباح الجمال ، اللي بدأ وإحتجب
من نضارة محيّا ً ، بالصبا مفعمه = مع بوادر شباب وغاية ٍ ، فى الطلب
مطلق ٍ له ثليل ٍ، واصل ٍ محزمه = ومجهده ضيق ملبوسه وطول الكعب
بكنترول الفكر قمت أجمعه وأرسمه = صورة ٍ في الخيال مطرّزه بالذهب
لدّ ني بنظرة ٍ ،، أهدافها ، مبهمه = صار من عقبها ، حالي ، نديم التعب
أمطرتني سحايب دمعي المرزمه = من مضيق المحاجر تنثره ، وإنسكب
والمشاعر بصدري ، نارها مضرمه = ألهبت خافقي و الصدر منها إلتهب
هالني ، وآعساني بالعمر مااعدمه = مرهي ٍ بالجمال ، وقمة ٍ في الأدب
عين ترعاه ، وعين ٍٍ لا ابتعد تزهمه = من غلاه بعيوني ، ما تعدى الهدب
قلت ضيف ٍ، وحق ٍ يالغلا تكرمه = قال يا مرحبا ، و الضيف ، حقه وجب
مدّ يمناه ، وكفيّ ، طوّقت معصمه = مال !وساعة جذبته ، إنثتى وانجذب
حلّ ، حبل النقاب وكرّر السلهمه = عشت لحظات أحس العمر فيها إنكتب
بان نورالبدر ، من غيمة ٍ معتمه = وشفت شيء ٍ سبا قلبي ، وعقلي نهب
بدّد النور صفحة هاجسي المظلمه = وهمت في عالم ٍ ثاني وشفت العجب
لاعج الشوق ثار، وما قدرت أحكمه = عامل الوقت وفكري للإ رادة سلب
لوملاك الجمال ، وحايز الأوسمه = شاف ماشفت خلاّ العرش له وإنسحب
شفت طلع البشاير، معتلي ميسمه = غض وسط السداة ، وبالغصن مالعب
قلت معقول مثمر من قبل موسمه = وإلاّبعض الأراضي خصبة في الجدب
ولوهو سحر الحلال فبيّن ٍ طلسمه = ينخرالعظم ويسطي باللحم والعصب
ينعرف لاحوى جوف الفتى ينهمه = يآكل الجسم مثل النار ، لأكل الحطب
كل عاشق وحبه ، بالهوى نعلمه = من تعابير وجهه لا إعتراه الغضب
إلاّ، حب ٍ سكنيّ ، لو ظهرله سمه = صار مضرب مثال ٍ ، للعجم والعرب
زاد جوره عليّ ّ وما قويت أكتمه = قلت ماذي ، بشوفة ،غالي ٍتحتسب
الغلا ، لو تمعّن ، مقصدي وافهمه = كان ، مالي مشاريه ٍ ،عليه وعتب
منه نور النظير ، و للشعر ملهمه = ومكسب للمغامر ، لو جلا وإغترب
دام عهد ٍ على نفسه ، لنا مبرمه = إنتقض منه وجمّ الصدق غار ونضب
يطلق اللي أسير ٍفي هوى مغرمه = مشرف ٍبالهلاك ،، ومنه موته قرب
كيف طب وطبيب لجرحه وبلسمه = وكل ما جاه عطشان ٍرجع ماشرب
الزمن لا ضحك لأحد ٍ كسب باسهمه = ولو يكشرّ بوجهه يخسر اللي كسب
حتى قافي عصاني ، فيه وأنا أنظمه = قام يرجع خلافه، ماعرفت السبب
يوم فكرّت بأمرالقاف وجيت أحسمه = قال لو فيه خيره ، كان غيرك غلب

مودتي لشموخكم العذب
محمد بن عمار
22 / 1 / 1432 هـ

[الخويطر]

شكرا لإمتاعنا بإبداعك
لاهنت
تحياتي

[كظيم]

ياصباح الشعر وابيات الغزل
ياصباح افكار نظـره خاطفـه

محمد بن عمار
الله عليك يابعدي
صح لسانك وفكرك يالجزل
نص شامخ ومحبوك
لله درك

تقبل مروري المتواضع لاهنت
ودي وتقديري

[حوريه]

صبااح الأبدااع والأمتاااع يامحمد
روووووووووووعه
دمت وداااااام وجودك

[عطر الياسمين]

صح لسانك
شاعر مبدع ومميز
تحيتي لك واحترامي

[الخنساء]

صح لسانك مليوووووووون

قصيدة جزلة من شاعر متمكن

سلمت ودام حرفك

[الطائر المهاجر]

سلمت
وصح لسانك وقلبك
مبدع في كل حالاتك
لاهنت
تحياتي

[عبير الورد]

الله الله
صح لساااااانك ملايين
سلمت وسلم منطوقك الجزل
ربي يعطيك العافية

[صعبة المنال]

ياصبـاح الـورود اللـي حـوت مبسـمـه
وياصباح الجمال ، اللي بـدأ وإحتجـب


يسعد صباحك وصح لسانك

صعوووب

[عبدالعزيز العمار]

صح لسانك يابن العم

دائماً متجدد في الإبداع والتصوير لله درك من شاعر

أمتعتنا بهذه الرائعه الشعريه وصباحك فل وياسمين

تحياتي وتقديري