\^^ بنت جـاري^^/ {{ مـ ـ ـلاك }}

[ماجد المهدي]

مساء الخير يا الفطاحلة

يعجز اللسان من كثرة تبريرات الغياب .. ولكن ما أقول إلا السموحه منكم يالفطاحلة وعسى ربي يفرجها

من قديمي إليكم فقط للتنفيس علي خاصة وعليكم عامة والمعذرة

@
@

ليه يا بنتٍ لجاري كل ما شفتك اقول = وا عضامي وش جرى بك وا خفوقي وش بلاك
وصرت اهذري في كلامي للبشر وازرى سؤول = علموني يا بشر هي مثلنا ولا ملاك
علموني بربكم ياهل الرزانه والعقول = لجل عقلي من تجلت سلّم أمره للهلاك
من احاول اوصفك ينصاب حبري بالذبول = والشعر ينسى طروقه يا رفيعٍ مستواك
العبايه ولثْمتك تبْلغني هامات الذهول = لا وعينك من تصوّب عيني ادمع في ارتباك
كنّك بشمسٍ تشعشع تجعل العالم ذلول= لا احد يقدر يقاوم ضيّها مقوى ضياك
عودك اليا هو تمايل قلت يا لبى الميول = ينفصل عن مضمره واتْمَيِّل اجروحي معاك
لك حلا يا لعنبوه يحل في طاري حلول = لا نويت ارحل بفكري عنْك يطرى لي حلاك
حتى اسمك صار يجري في لساني وابسهول = لعنبو شيطان حبك قمت انادي امي ملاك
وانتبه اني غلطت بقولها يا ذا العسول = اخْجلتني كلمتك ولا انْت تقصد من عماك
وابتسم حتى اداري واسدل الغلطه سدول = والسبايب اني غارق في بحر اسمه هواك
آآآآه يا سبحان ربي الرازق المعطي العدول = ميزك من بين خلقه اجمعينٍ واحتباك
وابتلى قلبي بحبك لين اصبح بالعلول = كل ما رحت الطبيب يقول ما أعرف دواك
وكل ما ادوّر علاجٍ عند أشياخ الفحول = ينطقون بصوت واحد سحر انثى قد حواك
طالبك يا بنت جاري اتعلميني بالحلول = لجل عقلي من جمالك سلّم أمره للهلاك

تحياتي

ماجد المهدي

[صوت الإحساس]

صح صح صح
لساااانك


جميله وعذبه



يا ماجد
لله درك





صاااادق الود

[ابومياس]

صح لسانك ياماجد


قصيدة جميلة المعاني

دمت بخير

ماجد تحياتى من الاعماق ’ ابيات تدلل على حرفنة حرفك وقوة سبك لاخلاف ’ والله يرعاك.

بس , بس ’ لدى ملاحظة وهى ان الجار له ........ !! تقبلها يالحر ..

[الخنساء]

صح لسانك اخى الشاعر ماجد

لاهان راسك قصيدة رائعة

سلمت وسلم شعرك

دمت بخير

[منصور العبدالله]

لك حلا يا لعنبوه يحـل فـي طـاري حلـول
لا نويت ارحل بفكري عنْك يطرى لـي حـلاك
حتى اسمك صار يجري في لساني وابسهـول
لعنبو شيطان حبك قمت انـادي امـي مـلاك
وانتبه اني غلطـت بقولهـا يـا ذا العسـول
اخْجلتني كلمتك ولا انْت تقصـد مـن عمـاك



قديمك جديد ياماجد المهدى

وعسى الله يفرج همك وتعود لنا بمثل هالعذبه

مادرى افرح بمعانقتها والا اتخيل هبالها واضحك

من قراك يالمهدى شاف فلم روائى

فيه ابداع انتاجى واخراجى

فيه سبك وحبك لايجيدها الا القمم

لله درك

[عذب القوافي]

صح لسانك ياماجد

نص جميل لله درك يالغالي

سررت بمروري

[حي الضمير]

نص جميل ياماجد
ومليون صح لساااانك

[محمد عبدالله البدراني]

العزيز الغالي ماجد المهدي سلمه الله




اهلين بك وبحضورك

ومليون صح السانك

لله درررررررررك

وغيابك مانقدر عليه

حضورك مبهر


بس لاوصيك ومثلك مايوصى :

اغض طرفي ان بدت لي جارتي
حتى يواررررررررري جارتي مثووووووووووووواها



تحياتي
مع اسمى ايات الشكر فائق التقدير واطيب المنى رعاك الاله

[رفيعة الشان]

القديــــر المهدي

صح الله لساانك مليــــون

وماوصيك اتبع وصية البدراني