تعيد نعود تزيد نزود

[محمد بن عمار]

المشاركة الأصلية كتبت بواسطة نجم الإبداع

انته يابن عمار روحك حنونه=مار البلا ماعندك اطناب واوتاد
تهجم وجيشك فيه بعض الرعونه=وكل شاعر له على الرسمه ابعاد
تنقد رفيقك والملا ينشرونه=وانا جيوشي كنهم داعية عاد
الشعر ماهو سلعةٍ يشترونه=حنا كتبنا فكر باهي للاسعاد
وانته كما الي جا يحارب بشونه=والناس من دونه بمرتين ينقاد
رديت رد الي يبا يلبشونه=واليا حمي الميقاف عودت ل سعاد
انا اقبل النقد الذي يتقنونه=اما القفى ماحب راعيه لو شاد
الشعر مهره عند من يسبكونه=واليا غلطنا ماشرهنا لنشاد
انا كتبت الشعر للي يبونه=والي حسد في جمر والا به ابراد
ودي براعي النقد يشرح ضنونه=لاجل اتبين لو نقص علمٍ او زاد
والفتل شفته فيه بعض الليونه=والحق نرضى به ولو صاحبه حاد

هلا بك يا فلاااااااااح
ارررررحب لاهانت

القاف نوّه أمطرتنا ، مزونه = والخيل مسرج والهجن علقّ شداد
أهلا ًهلا باللي تهاوت ، حصونه = الصاحب اللي واقف ٍ لي بمرصاد
ما دام نظمه ماشي ٍهالنمونه = يرسل ونستقبل على كثرالاعداد
يطرد سراب ٍ وأخلفنه ، ظنونه = ماعاد له ، غيرالحزم نوم ورقاد
جمح ، لبير ٍ قد تهاوت اركونه = ماها نضب ، والصوح ماجاه ورّاد
ترى اللسان حصان ياللي تصونه = و إن كان هنته هانك بكل مقعاد
والحق الأبلج ما يمارى بلونه = متوهج ّ ٍ نوره على روس الأشهاد
الطير، لو بحسا بهم يحسبونه = مايزرعون العيش ، والحقل ماجاد
الجسم ماينفع والأعضاء بدونه = والكف مايصفق وهوماله اضداد
كم ذيب مع كثر الحذر يقنصونه = وكم طير يطرد للفريسة و ينصاد

مودتيييييييييي
محمد بن عمار

[داعي الشوق]

الله اكبر عليك يا بن عمار

صح لسانك و طاب حالك

بصراحه مستمتعين بجزالة المعنى بينك بين نجم الابداع

ولا عدمناكم

[سمّار]

صح لسانك
جزالة وفصاحه

وسانتظر فلاح
ليكتمل الابداع

ونسوي لكم قسم نسميه نظائر بن عمّار وبن منشار
لاهنت

[بنت النور]

صح لسانك
رائع وجزل من شاعر مثلك
تقديري

[نجم الإبداع]

يامرحبا بالي تراقل متونه=ماشي على الطرقه مع الناس بالكاد
النص الاول ليه ماتظهرونه=والا تبي تغتالني بين الارصاد
الي يناقز مااخرعتنا شنونه=مانته بقيس ولا انت ولد ابن شداد
الحسو ماقد بان لو تطمرونه=مايروي الضامي ولافيه مرتاد
انا حصوني من حديد وترونه=والي تعنى ماخذا شي ولافاد
الحرف ماهو صرف لو ترسمونه=كنك صدى المقدس ولوعات بغداد
والقصر ثابت ماتحرك فنونه=لانه من الفضه وبابه بعداد
ياصاحبي للفتل والنقض بونه=ماكل شاعر قال انا فيه سداد
والخافق الي ودكم تحرمونه=مثل الجبل لو جيت فوقه بمنطاد
الذيب ماقد خاف ما ترهبونه=والضو دايم مشتعل ماهو رماد
انته ركبت الصعب واقضب جنونه=طرقه طويله مابها غير الامجاد

[سمّار]

كفو يابن منشار
اشهد انك كفيّت ووفيت
مبنى ومعنى
يـاصـاحـبـي لـلـفـتـل والـنـقــض بــونــه
مـاكـل شـاعـر قـــال انـــا فـيــه ســـداد

اشهد انك سدّاد من غير قصور في بن عمّار
صحت السنتكم مدد بلا عدد

ارويتمونا شعرا
لاخلا ولا عدم

[أم ريما]

صح لسانك

قصيده جميله

يعطيك العافيه

[عمر ال شيبي]

مساجلات طيبه من شعار كبار لا هنتم

وصحت السنكم

[حمود السكراني]

سلمتم وصحت السنتكم

[بنت النور]

صح لسانك يالشاعر

قصيدة جميلة وحضورك اجمل

يعطيك العافيه