جديدي ( رفيق الهم \ بيت الحزن )

[عدنان كريزم]

بسم الله الرحمن الرحيم


السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين



الله يمسيكم بالخير يالربع





حقيقه قصيده تواجدت بعد مرحلة جفاف رهيبه جدا ...


واتمنى ان تعجبكم ...

الا ليت الحزن منزل أهده وقت ما حبيت = تصير الدنيا في عيني سعيده ما لها كسره
يصير القلب بستاني على ركنه انا غنيت = واشوف الكل صفق لي وزهره بعدها زهره
ولكن من كثر فرحي على همي ترى غطيت = وكنيت الزعل (نبته) على صدري طلع ثمره
وانا من كثرة احزاني تقْل من هالحزن سجيت = اجامل ضحكتي ليلي ولا نجمه بعد تشره
ترى يمكن يصير اسمي (رفيق الهم ) لو سميت = حشا ما ليلةٍ حلوى سكرها قلبي بخمره
يفوت الفوت وما ينفع بعد فوته كلام (الليت ) = يعيش الشخص كلّ العمر (تنهي دنيته قبره)
ترى حظي مع احزاني تقْل من بينهم تشتيت = الاول ينتشر صوته والاخر ينفي النبره
ويصبح لو حسبت الوقت يطلع فرق بالتوقيت = حزن جاني كما (قطره ) وحزنٍ يشبه الجمره
نهاية قصتي (كلمة) وانا من هالحكي مليت = تبي تزعل ترى عادي روتينك يجبرك تكره
وكنّه من حشا الخاطر تحطم كلّ ما سويت = ولا فاد الزعل عذره ولا قابل ابد عذره
وابي منك حزن بيتك حطامه ينتشر تفتيت = ولا تزعل على حزني ولو من دمعتك قطره
لذلك اسكتوا تكفون ندمت اني لها هميت = يا ليت إني على فراشي ولا مريت له مره

تحياتي

[الطامي]

فريد الحرف
صح الاسنك
جزلة وطيبه لاهنت

[الطائر المهاجر]

سلمت وصح لسانك
واعتلى شأنك
نص رائع من شاعر رائع
لاهنت يافريد
دمت بخبر

[منيع]

ابيات رائعه
بارك الله فيكم
تحياتي

[عدنان كريزم]

المشاركة الأصلية كتبت بواسطة الطامي

فريد الحرف
صح الاسنك
جزلة وطيبه لاهنت

الطامي الغالي


حياك الله


ولا هنت على المرور

[حمود السكراني]

فريد الحرف صح لسااااااانك

جميلة ورائعة سلمت يالغلا

[عبدالله مذكر العقيلي]

مبدع لاهنت

سلمت وسلم منطوقك

الله يعطيك العافيه

تحيتي

[نجم الإبداع]

صح لسانك يافريد

قصيده وافيه ومشاعر راقيه

لاهنت

تقبل مروري

وتقديري

[داعي الشوق]

صح لسانك يا فريد الحرف

قصيدة جميلة

تستحق العودة لها للتمعن بها

لي عودة بكل سرور

صح لسانك يا عدنان

مع التحية لك

،،،،،،،،،،،،،،،،،،

[الـزلـزال]

فريد الحرف
بوح رائع ومميز
من شاعر عودنا على تقديم كل جميل
أبدعت شاعرنا وأمتعت رعاك الله
صح لسانك ملايين ملايين
ولك فائق تحياتي وتقديري