[غـيرة مرهْ]>> قصيدة حدث

[مبروك بن ماضي]

قـرأت في الاعلام قبل ايام من شهر الصيام = عن حادثة كبرى جرت 0مدري جريمه منكره
وفي حرب تغليب الهوى بين (الفحوله) ( والغرام) = نلحظ بانْ بعض النساء في فكرها متحجره
العاطفة سـبـقت لديها العـقل واصبح الانـتـقـام = هو سـيّـد الموقـف هـنـا : والمشكله غـيـرة مره
تـتـحجـج بحـب الطليق !!؟ وبعشقها لـه والهيام = وش هالخراط الـلي يـدل على الغباء والمسخره
وتقول لاجل افـسـد حـياة الرجل معـرف الانهزام = ماكـنـت اقـصـد قـتـل احد بـس كان ودي أقهره
وآفـركـش العـرس الـذي قـايـم0 باحراق الخيام = ويـنـتهي كل الامـر من غـيـر شـر وشوشــره
حاولت اجد مخرج لها أو عـذر في هذا الكلام = لكن تفكيرالحريم احــيان يبـغى فـلـتـره
ونـقــول عالـتـبـريـر هــذا يامِســلِّم ياســلام = كم روح أوديـتـي بها 0ونـفس يـم المـقـبـره
كم أسرةٍ باسباب هالفعل الردي صارت حطام = كم زوج كم طفلٍ بـري يحـيا حـياة مـدمره
وش فايدة صحوة ضميرك : والـنـدامه يامدام = مادامها يالـلأسف ابـطت وجت مـتـأخـره
والرجل لـي منه تـزوج له باربع مايـلام = وش عاد لـو انـك طـلـيـقـه من حـيـاتـه مُدبـره
مع تـفهـمـنـا لوضعـك والحـريـم بـشكل عـام = لكن فعـلـتـك الخطـيـره حيل!؟0غـيـر مبرره
ومانـبـري الرجل من ظـلـم المره والاتهام = يـظل قـايـم في تـسـلـطه الـقـوي مانـنكره
ورغم ذلـك لـلمره كل القدر والاحـتـرام =في مجـتـمع فـية الـذكورة عالاناث مسيطره
الواجب انك تعرفي ويش الحلال من الحرام = من قبل ماتـتـعـرضي من هالعمل لـلجرجره
خانك سو الـتـقـدير ثـم وداك لا هذا المقام = الصعب0 وانتي للأسف ماعـنـدك أيـــّة مقدره
ويالـتـنـا وقـت الغـضب نصبر ونجنح لاحتكام = العـقل والمنطق وشر ابليس عنا ندحره

[داعي الشوق]

ويالتنا وقت الغضـب نصبـر ونجنـح لاحتكـام = العقـل والمنطـق وشـر ابليـس عنـا ندحـره

**********

صح لسانك يالشاعر مبروك

قصيدة اجتماعية هادفة

لها اسلوب ارشادي جميل

صح لسانك مدد ،،

شاعر لك رسالة جميلة

تحملها بإمتياز

مع تقديري لك

و لاهنت

*************

[صعبة المنال]

الله الله الله
دووم متجدد

صح لسانك وحرفك

صعوووووووب

[ترانيم المطر]

لله درك

والله يصلح حال المسلمين ويرحم من مات

تقبل تحيتي وتقديري

[سناعيس]

شاعرنا الرائع مبروك بن ماضي
لله درك
دائما تتواجد في الحدث وتبوح
لنا شعرا جزل وشعور رائع
لاهنت

تحياتي

[مبروك بن ماضي]

المشاركة الأصلية كتبت بواسطة داعي الشوق

ويالتنا وقت الغضـب نصبـر ونجنـح لاحتكـام = العقـل والمنطـق وشـر ابليـس عنـا ندحـره

**********

صح لسانك يالشاعر مبروك

قصيدة اجتماعية هادفة

لها اسلوب ارشادي جميل

صح لسانك مدد ،،

شاعر لك رسالة جميلة

تحملها بإمتياز

مع تقديري لك

و لاهنت

*************

الاخ الفاضل / داعي الشوق
يسرني وجودك شاعرنا القدير
لك بكل حرف كتبته تقدير وامتنان
ولاهنت استاذي والله لايهينك
تحياتي وتقديري لشخصكم الكريم
مبارك عليك الشهر
وكل عام وانت بخير

أخوك / بن ماضي

[يوسف بن سليم المشرافي]

الله الله

صح الله السانك يالغالي

الشعر رساله وانت كفيت ووفيت


تقبل مروري وتحياتي

[حمود السكراني]

صح لسااااانك يامبروك بن ماضي قصيدة

تجاوزت حد الروعة الى فضاء الجمال اللامتاهي

بحق رائعة والحدث جلل قد هز المشاعر وأبكى العيون

[عبدالله راشد الثويني]

ياسلام عليك يابن ماضي
دائماً تترجم الأحداث بإسلوب شاعر متمكن
والجريمه التي هزت القلوب ليس لها كما تفضلت اي مبرر
نسأل الله السلامه وان يرحم موتى المسلمين
تقبل وُدي

[منيع]

نعم صورت وابدعت واجدت
بارك الله فيكم
تحياتي وتقديري