تخيّل لو عطينا كل متظاهر عصا وسكّين

[الطائر المهاجر]

نحن شعوب تتكلم ولا تفعل
شاطرين بالمظاهرات ، ليستمر الحال على ماهو
وعلى المتضرر اللجوء للإدارة الأمريكية

تخيّل لو عطينا كل متظاهر عصا وسكّين = وقلنا ترجم لحكيك فذي اسرائيل قدّامك
من اللي ظنّك بيصمل ويركض يدفع العادين= ويقول لبوش واذنابه انا ما اهتم بسهامك
انا المسلم بإذن الله قادر انتصر للدين = كفانا ظلمك وغدرك وجينا نبدّد احلامك
اظنك ما تلاقي واحدٍ من بين كل الفين = لأن الناس تتبرمج على ما يرسل إعلامك
ودين اليوم ماهو غير عاده او جدارٍ طين = وراه الناس تتستّر ولا تدري بآلامك
تبيع وتشتري في بعضها لو تكسب رْيالين= فبدون القرش في هالوقت ماتاقف على اقدامك
ولو انك إمام لمسجدٍ صليت به شهرين = بلا راتب .. اظنك تتركه مااحدٍ قوى الزامك
إذاً فاللي نشوفه من تظاهر او كلامٍ زين = مجرّد عادةٍ وخذت من بْلادٍ بها اخصامك
من اللي لو تظاهر انت وحدك او معك اثنين = يحقق ما تبونه ما يجي من يكسر عْظامك
لذا ان كان بك شدّه فخل الحزن والتأبين = على غزّه توكّل وانتصر لاهلك واسلامك
ولكني أشك انك تسويها فأنت ذهين= تبي ينقال متألم بهرجك او بأقلامك
تعودت التبطح لينما عظمك اصابه لين = فلا تجنيد او تدريب يحزم ناصل درامك
اجل انعم وخلك واقعي وابعد عن التخمين = فربّك واعدك بالنصر لو تعصف بك ايامك

[عذب القوافي]

صح لسانك أبوعبدالله

نص وافي

والله يغير الحال وينصر المسلمين

تقديري,,,,,

[حوريه]

قصيده غير

يا سلام عليك يالطائر

كل قصيده جديده تكشف

عن مزيد من الأبدااااااااااع والشاعريه


قلم يبوح لنا بالأبداااااااااع دوووووووماً

صح قلبك ولا هنتـــ.........

.

[ابو أنس]

تخيّل لو عطينا كل متظاهر عصـا وسكّيـن
وقلنا ترجم لحكيـك فـذي اسرائيـل قدّامـك
من اللي ظنّك بيصمل ويركض يدفع العاديـن
ويقول لبوش واذنابه انا ما اهتـم بسهامـك

الفاضل ابو عبدالله....................
فضح وتوضيح متقن لحال يعتمره كثير من الناس ويتحمس له مع عدم مصداقيته

دائما وكما تعودنا تقبع في مكان مرتفع وتراقب وتحلل بعض خبايا المجتمعات والسلوكيات
موفق وجميل
كل الشكر ووافر المنى

[داعي الشوق]

صح لسانك يالطائر المهاجر

موضوع رائع ولو أنني أخالف بعضه

فـ لو نذكر ،

أن السعوديين يذهبون للعراق عن طريق التهريب و دفع المال

فما بالك لو سمح بذلك و أعْطي الضوء الأخضر ،

و إلى أين ،،،

إنها فلسطين ، الأقصى

( دمت بخير )

،،،،،،،،،،،،،،،،،

صح لسانك مع التقدير لك و الاحنرام

[نجم الإبداع]

صح لسانك دكتورنا الفاضل

واقع اليم صورته

لاهنت

تقبل مروري

وتقديري

[يوسف الشقران]

حي الله الفكر النظيف

صدقت

ولو نعطيهم اللي يبون ماراح يرضون

واخرتها

....... انا هاهنا قاعدون



إذاً فاللي نشوفه من تظاهـر او كـلامٍ زيـن
مجرّد عادةٍ وخذت من بْـلادٍ بهـا اخصامـك

تسلم

[الطامي]

الطائر
صح السانك الف الف
وافية بحق
اللهم انصر الأسلام والمسلمين
شكرا الك عيني

[ياسر عبدالرحمن الخالدي]

صح لسانك يالطائر رغم اني ما اشوف اللي تشوفه ,,

صح لسانك

[رفيعة الشان]

أتوقع انه ذا أعطيو شباب المسلمين فرصه والله لا يشوفون الأعدا شي مابعد شافوه

لكن كلنا في ركب واحد

نتفق ونختلف

نكتب اللي نشعر فيه وكل شعور يختلف عن شعور

وانت ترجمت مشاعرك بطريقه جميلة وتصل بسرعه

فصح الله لسانك مليوون

لاااهنت