ايوووه

[متعب المينيح]

طاحت مراجيح الغلا يا غاده=وبا القلب نار اشوقكم وقاده
طاحت وحالي يا وليفي حاله=واليل ما طيقه وأطيق ارقاده
وهبت نسانيس الغلا في جوفي=ناد المعنى يا الحبيب ناده
ناده وطف اشواقه المجنونه=شوقي لكم ماهو بمثل العاده
اشتاقلك شوق الصغير لديده=لو حاولوا به ما يطيق ابعاده
اشتاقلك شوق(ن) يهز ركوني =وهواجسي صدارتن وراده
يا الي غرامك تحسبنه هين=ماهو بهين لا يا سيد الساده
تشهد عليّ جروحي الي تنزف=ان الحماء ما غيرك احد(ن) راده
وتشهد عليّ ادموعي الي تجري=من محجري تشهد تشيد إشاده
انك سكنتي في صميم الخافق=بيسر خفوقي يوم ربي راده
وني تولعت بغلا مزيونه=ترقص غلا في خافي وزياده
وتلعب طرب مثل الحمام الشادي=وتقول شد الحبل يا شداده
ويلاه لا منه طرالي زوله=آه وطرتلي سيرته وأمجاده
يا ويل حال المبتلي يا ويله=لو فيه عداد انفرط عداده
تبطي جروحي ويتعذر منها=طب العرب كله وطب القاده
يبري جروحي وتشافا كلي=اذا ضبط ريم الفلا ميعاده
وجاني وجيته حدر نور القمراء=وحطيتله كل الذراع وساده
ويقنت غيره ما ملك كياني =وهو مطرقة قلبي وهو حداده
ويقنت مامثله جميل يمشي= مزيونه لزين البني حصاده
ويقنت ان الزين من عند الله=وهبه كريم ( ن ) كلنا عُباده
سبحان من صور جمال (ن)بدعه=وخلاك من بين الخلا يق غاده
وخلاك تسرف بي على مشهاتك=وتسرف بخل(ن) تدعي وداده
ايوه لو كل(ن) عرف وش تعني =تعنى الغلا والشوق وستبداده
وتعني وتعني ثم تعني تعني =انك ملك عرش الغلا و إعماده
وتعني بعد ما كل خل(ن)سلوه=ويطيب لك مزحة وبعض عناده
تكثر معانيها لكنك انتي =حزتي على افضل لفظ فـ الزواده
اويوه يا بسمتك يا المزيونه=منهي حليمه لا ولا مياده
وايوه يا ليل(ن)تثنى تحتك=سواد ليل(ن) معتم(ن) سواده
وايواه يا هافي حشاء يا مضمر=يجيرك الوالي من الحسّاده
ويوه لو كل (ن) عرف معناها=كل(ن) يقول ايوه وامست عاده

[مهدي الحبابي]

أخوي متعب المينيح

صح لسانك وسلم فكرك

رايعه بروعة حضورك

لك احترامي وتقديري

[محمد عبدالله البدراني]

العزيز الموقر متعب المينيح سلمه الله


لله دررررررررررررك على هالهلاليه العملاقه ياعملاق

مليون صح السانك

هذا حجز اول ولي عوده


تحياتي

[عبدالعزيز العمار]

متعب المينيح :

صح لسانك وجاد بيانك ..

قصيدة جزلة من راس جزل لاهنت...

تقبل اجمل تحيه وتقدير ..

[صوت الإحساس]

صح لساااانك مليون


حضور مبهر



جمال بلا حدود

قرأت اكثر من مره



شهادتي فيك مجروحه


وحضورك البهي هو من يشهد لك


لله درك



صادق الود

[راجي الحاج]

صح لسانك وقلبك

كلمات اكثر من رائعه

دمت بخير

[عذب القوافي]

الجزل ///متعب المينيح

صح لسانك نص جميل من شاعر ٍ مبدع

وشهادتي فيك مجروحه

مودتي يالغالي,,,,,,

[داعي الشوق]

صح لسانك يالشاعر متعب

قصيدة رائعه بروعة شاعرها

تسلم وصح لسانك مع التحية لك


،،،،،،

[ام العمده]

صح لسانك واعتلى شانك
لاهان راسك
لله درك يامبدع
دمت بخير

[منيع]

ابيات رائعة
بارك الله فيك
تحياتي لكم