من أجمل ما قرأت !!

[سلطان العطاوي]

ياللي ذبحت الترك والفرس والروم =حط العصى نبغى نصلي جماعه
ترى الصلاه أبرك وأخير من النوم=لاحلّت التاجر يلف البضاعه
قدام لاتتعب وراء جرة القوم =ما يجتمع طول العمر والشجاعه
واللي بجلده يخدع الناس موهوم =يغير ألوانه وتبقى طباعه
بين القمر بالليل والشمس باليوم =نبض الدقايق كل ستين ساعه
والصدر سجنٍ وسطه القلب مظلوم =عكس النظر حريته في ضياعه
لو كل ميت يدخل القبر مرحوم =كلٍ تمنى القبر قبل الشفاعه
وكان العلم يركز على راس مزموم =السر يبغى بير من غير قاعه
كل العيون الجاريه مضرب انجوم =والماء عدو النار محي الزراعه
والاصدقاء بالارض وبلحظة الحوم =أخلص صديقٍ للمظلي شراعه
وكانك وحيد الكف والسيف مثلوم =الداب سمه عوضه عن ذراعه
الذيب رغم الغدر ماهوب مذموم =والكلب ما يمدح بحفظ الوداعه
للفلسفه حكمه وللمنطق اعلوم =وللبحث راي وللثوابت قناعه

أشهد بالله انه شاعر

خالد البقمي

[محمد عبدالله البدراني]

العزيز الغالي سلطان العطاوي سلمه الله



الف شكر لنقلك الرائع

وصح السان الشاعر


سلمت لنا ودمت


ولاعدمناك

وبيض الله وجهك يالعطاوي



تحيتي وتقديري

[الطامي]

العطاوي
شكرا لك الف الف الف
عز الله انه شاعر فذ
لاهنت على اتحافنا بها

[رفيعة الشان]

اختيار جميل
وقصيدة رائعه
صح الله لسانك شاعرها

ولاااهنت

[حوريه]

نقل جميل واختياار مميز

صح لسان الشاعر وتسلم يمين الناقل

شكرا شاعرنا سلطااان

دمت خير

سلمت وسلم نقلك يا العطاوي

جزله بالحيل

لا هنت

موج القصيد

[ياسر عبدالرحمن الخالدي]

ذائقة رائعه يالعطاوي ومتميزة

صح لسان البقمي

[حمود السكراني]

العطاوي ايه والله شاعر ومتمكن بعد

صح نقلك لاهنت مشكور على هالإختيار الرائع

[حي الضمير]

منقول جميل
وصح لساااان الشاعر
وكل الشكر على النقل

[صعبة المنال]

سلمت يمينك

نقل رائع


صعووب