بعـــــض إختراعاتنا روعة لا تفوتك ,,,,,,,,,,,,,,

[حوريه]

السلام عليكم ورحمة الله وبركاتة

من السهل أن تخترع لك أي إختراع ... ولك من الصعب أن تعرف كيف تجعله متعدد الإستخدامات

و إن كان الغرب قد حصد جميع براءات الإختراع فبلا شك أننا نستحق جميع براءات الإستخدام

لأننا نبتكر استخدامات عديدة لكثير من الأشياء لم تكن معدة لها من الأساس و بدري على الغرب أصلآ يفكرون فيها

و سأعطيكم نماذج لها

المفتاح

1- نشغل به السيارة .
2- نطق به الباب.
3- نحك به الأذن .
4 - نفتح به القواطي
5- يستخدم كجلجلة لتسكيت الأطفال

البوري

1- نسلم به .
2- ننادي به.
3- نهوش به.
4- نشربك به


الجريدة

1- نقرأها .
2- نخليها سفرة للعشاء .
3- يحطونها الحريم أرضية لـ دروج المطبخ .
4- ننظف فيها الزجاج

السجادة

1- نحطها ستارة ..
2- يلفون الطلاب الكتب بها.
3- يحطونها الشيبان على طبلون السيارة.

المركى

1- نتركى عليها.
2- نحطها طاولة للتليفزيون.
3- نحط الكيرم فوقها .

الزبيرية

1- نلبسها.
2- نجلد بها .
3- نصيد بها البريعصي.(الوزغ)

معلاق الثياب

1- نعلق به الثياب .
2- ننقز به باب السيارة إذا المفتاح ضاع .
3- نحطه إريل للتلفزيون.
4- يستخدم لفك أنسداد المغاسل


الكفرات

1- يسووون بها مرجيحة.
2- يحطونها معلف للغنم.
3- يخلونها علامة لـ مفرق المزرعة ..


بــ صراحة إثبات صريح على ذكائنا الخارق للعادة

ملطوش بطريقة قص ولصق
دمتم بود

[الطائر المهاجر]

المركى

1- نتركى عليها.
2- نحطها طاولة للتليفزيون.
3- نحط الكيرم فوقها .
اضافه
4- اللي وده يطق احد ولا يقدر عليه يدبغ فيه لين يقصر ولا يقول شئ
5- تحطه فوق السرير وترقى عليه عند رغبتك تغيير لمبة السقف
6- يتراجمون به الرجال وحرمته اذا تطاقوا
7- يوضع تحت الدش ، حتى مع الهوى القوى ما يصدر صوت للدش فهو يمتص اهتزازه

الكفرات

1- يسووون بها مرجيحة.
2- يحطونها معلف للغنم.
3- يخلونها علامة لـ مفرق المزرعة ..

4- ينثني فيه الطفل ويدربونه ربعه مع الدحديرا
5- افضل وسيلة لتعلم القفز على الحواجز خله يركض قدامك واركض وراه واطمره
6- اذا تهاوشت مع واحد دب ، فصقط الكفر من راسه حتى وسطه ويصك على يدينه
7- يحرقونه المزارعين لطرد الجراد والعصافير

والإضافات سترد بالتوالي
شكرا لك
تحياتي

[العمده]

معلاق الثياب

1- نعلق به الثياب .
2- ننقز به باب السيارة إذا المفتاح ضاع .
3- نحطه إريل للتلفزيون.
4- يستخدم لفك أنسداد المغاسل
5- ونحك فيه ظهورن
6- نعلق فيه لمبة الخيمه

شكرا لكي على النقل ولطش مميز واسمحيلي على الزياده

[راجي الحاج]

البوري

1- نسلم به .
2- ننادي به.
3- نهوش به.
4- نشربك به

5 )نستخدمه لزفة العريس

6 ) يستخدم من مشجعي الفريق المنتصر

7 )لتنبيه النائم على الاشارة الضوئية عندما تكون خضراء

[منيع]

ههههههههههه
اثارينا متقدمين في التكنلوجيا وحنا ماندري
تسلمين اختي حوريه1

[حوريه]

الطائر المهاجر

والله منتب سهل أبتكرت لنا أختراعات جديده ولا يحلم بها الغرب الله يخلف عليهم

شوووووووووووكرا على مرررررورك

وتعليقك المرح

دمت بكل خير

[حوريه]

العمده

زيادتك مشاء الله عليها ابتكارات كثر منها........

شووكرا على مررورك

لا خلا ولا عدم

[حوريه]

راجي الحاج

مشاء الله صرنا مخترعين لوني داريه عن زياده هالختراعات جبت الموضوع من زمااااااااااااااان

تسلم على مررورك لاعدمتك

دمت بخير

[حوريه]

منيع

ايه متقدمين كان عند ك أختراعات مثل الأخوان لا تبخل علينا بها

تراك انت منتب سهل

أكيد عندك خير

تسلم على طلتك الحلو ه وتعليقك المرح

دمت بخير

[الطائر المهاجر]

انا اقترح انك تجيبين الفكرة
وتقولين يالفطاحلة عطونا ما عندكم
هالحين عرفنا استخدامات بعض ما يمكن تسميته
ادوات وأثاث ، ممكن ننتقل لأشياء اخرى
يعني لو حطيتي كلمة وقلتي جيبوا لنا امثال او حكم
على هالكملة
مثل : بقرة
يجي واحد يقول : البيت اللي مابه مره ولا بقره مابه ثمره
(حكمه قصيميه)
قزاز : اللي بيته من قزاز ما يحذفش بيوت الناس بالطوب
مثل انجليزي تم تعديله إلى مصري
الخباز : عط الخباز خبزك لو اكل نصفه
وهكذا ... الفطاحلة يجب ان يكونوا هم المفكرين