بخوت المريه

[الطامي]

الشاعرة / بخيته عايض ال منيره آل عذبه المري المعروفة بأسم ((بخوّت))

كتبت الشعر في سن مبكّرة من عمرها وكانت شاعرتنا يتيمة الأم,
تزوجت ثلاث مرات ولم يشأ الله أن يكن لها ذريّة
عاشت في صغرها في جنوب الأحساء مع والدها على عد ((الزرنوقة)) جنوب الأحساء بحوالي ((20)) كلم
وكذلك حول بير ((فاضل)) وهو يبعد عن الأحساء بحوالي ((250)) كلم جنوباً وكلاهما موارد لقبيلة آل مرة
وعندما كبرت في السن قضت باقي عمرها بمدينة الدمام بـ((كمب البدو)) سابقاً ((حي الباديه))
حالياً حتى توفيّت قبل (( خمسة عشر عام )) تقريباً في عام 1416هجري 1994 ميلادي
شاعرتنا ((بخوّت)) تطرّقت إلى جميع فنون الشعر:
((غزل، مدح، وصف، رثاء)).
ومن نوادر قصائدها:
جعل وبل الغيث يسقي ديار المفرعين=منزل اللي كن حديثه حليب (معدّيه)
ضيقتي في خاطري دايمٍ ماهوب زين=قومي اللي سم حالي وبيّح سدّيه
أن سجنته قام يتبع دروب الدالهين)=وأن نشدته قال أنا علتي متعدّيه
أن بغى خلّي جنابي فلا غيره ضنين=وأن بغى يقفي فيقفي مراح مودّيه
و (معدّيه). هي اغلا نياقها


ومن ابياتها دقيقة الوصف فتقول :
مل قلبٍ فر وأفتر مثل المروحه=فرها فرت جديد قويٍ سيرها
ان ضحك لي صاحبي سر قلبي وافرحه=وان تغلى صاحبي زاد عيني شرها
صاحبي ناوي يذبحني وانا مقوى اذبحه=شب في كبدي سنا نار زوّد حرها



ولها ايضن هذه الابيات التي تدل على عزة النفس:
زوع قلبي زوع طيرٍ قطع قد هو حكير=من شياهين البحر واستخل أهجارهـا
كلما صاح المصيّح تعلـوّت تستديـر=عقب ماهي حكرةٍ سعدهـا بطيارهـا
وقالت عندما أجبرها أباها أن تخرج للباديه بقرب أيام العيد تدعي على إبله أن يذهب بها القوم...

وهذاى ردها لما جاها نقد في جرائتها في الشعر
العب المنكوس وارفع بصوتي ماعلي =من هل المنقود واهل العلوم الهينه
وللشاعرة (بخوّت) في وصف الطائرة حينما ردت على احد شعراء العجمان على قصيدة ليس المجال لذكرها الأنفقالت :-
ولما اطالو الغياب ابناء عمها في جنوب الجزيره انشدت هذه الابيات التي تغنى بها المطرب خالد عبد الرحمن وتقول فيها:
ايّست الأخبار من صوبكم ياهل الجنوب=داركم عقب البطا حظ ابو من زارهـا
ارفعوا بشراعكم فوق نسناس الهبـوب=في رجـا ربٍ كريـمٍ يفـك زرارهـا

وفي الابيات التالية في مخترع الهاتف عندما تم نقل شقيقتها (مزنه عايض العذبه) إلى لندن للعلاج من مرض السرطان وقالت هذه الأبيات تتوجّد على مرافقة اختها للتي ماتت هناك:
عسى من صنع ذا الهاتف أيديه ماتنشل=عسى داره الوسمي يخرّب بساتينه
تعّلا الحراره وأن تكلمت به تنزل=على صوتهم قلبي تريّح شرايينه
كما قالت في أبن عمها (علي آل منيره) والذي كان بمثابة الأخ هذه الأبيات:
ياعـلـي ياخوكي ياويــن بـدوانـي غـــدو=لا خبـر ولا مديـدٍ ولا لقلبـي ونيس
راحو العربان في شـف قطعـان البـدو=في هوى الخلفات ما راوزو يوم الخميس
نحف حالي ياعلي نحف مـدراة السـدو=وزوع قلبي زوع حرٍ اليا شاف (القنيص)
نلاحظ في البيت الأخير اختلاف القافية لاقتراب نطق اللهجه عندها بين الحرفين.
هذه الأبيات في أحدى نياقها وسمها (ذروه):
كن ذيل ذروه راس بنتٍ على زيان=يازين شوفه فالعراقيـب يجتالـي
يازين شوف حوارها بارك ريان =في حرف روض والمضاهير نزالي
ولها في الحكمة :
تل قلبي تل طيرٍ على الجول مهدود=يطرد المقفي وطرد المقافي كايده
مهبلك ياللي تبي الوقت الاول لك يعود=ما يرده كود محيي العظام البايده
ولها من قصايد الوجدعلى بيت الشعر والبر امفضلتها على بيوت المدينه:
وجودي على بيت الشعر عقب بيت الطين=وجودي على شـوف المغاتيـر منثـرّه
وجودي على خوّة هل الموتـر المقفيـن=وجودي على شوف السهل من ورى الحرّه
اليا حلوّا العربان وصاروا علـى بيتيـن=ومن كان له خـلٍ مـعَ ذاك مـا غـرّه
وهذه القصيده لشاعره بخوت يعجز الكلام فيها
ولها أيضاً هذه الأبيات في البدوي:
ومن وصوف حنة السيارات لبخوت الشيقه والعجيبه:
وهذه بيتين لها وهي عباره عن لغز وحل اللغز هو محمد
لاقيت انا ولاه من بين لحوحين=عسى الحيا من بين الحاليح ينكرى
سمي الحبيب عن ربه من الغالين=وسمي الحبيب ينطح الهوج والكرى
ومن قصايدها العجيبه والي تلعب فيها مع الموت :
بخوّت:
أشهد شهادة حق ما تستحي يا موت=وأنا أشهدٍ ما فيك ميـزٍ ولا شيمـه
الموت:
صلاتش رديه والحكي زور يابخوّت=وكل خذيته من هله وأنتي مقيمه
وهذه بعض قصايده الكثيره الي (بخوّت المريّه)
تميزة فيها:
ونتي ونة قطيعٍ على جال القليب=دوّجت ثم برّكت في مراغة عدّها
المحبه لا سطت ما يعالجها الطبيب=روحتك يا صاحبي ليت ربي لدّها
عادة الدنيا تفرّق حبيبٍ عن حبيب=وقطعش* يا رفقةٍ والمفارق ضدّها

تخالف هواجيسي كما تختلف لدواج=على سكةٍ بيـن البلاديـن ماطيّـه
صلبني وليفي مثل مايصلب المحتاج = معه كزمة(ن)مابين صفين كوليه
ضيقٍ بصدري ضيق خرم أبرة براقع=كادهـا سلـك البريسـم لا تجيبـه
.
البارحه باديـه فـي راس منزمـا=لا هوب حزمٍ ولا طعسٍ ولا قـاره
البارحـه والحبايـب كلنـا لـمـا=ويوم اصبح الصبح كلٍ راح في داره
حسبي على الحلم يكذب جعله الهمـا=سوّى بحالي كمـا عـودٍ ونجـاره
المرسيدس محلاه في طلعة أم حويض=اليا عطي ثالثٍ جاوب السير شكمانه

اركبو عاطف على وارد السيد االيمين=منوة الطارة الى منه قام يحوفها
حس ويلاته كما حس خلفات القطين=يوم يسمك عجها مع طمان جروفها
صوب ربعن بلبحر كل عامن نازلين=والنبايب بيننا في خفيف ازروفها
ريف قلبي يوم تملا النظر عينن بعين=والحصيل الشوف والنفس خالين جوفها

المحبه لا سطت ما يعالجها الطبيب=روحتك ياصاحبي ليت ربي لدها
عادة الدنيا تفرق حبيبٍ عن حبيب=وقطعش يارفقةٍ والمفارق ضدهـا

ياهل البيت المطرف تراني يوم جيت=عندكم لي حاجةٍ واستحـي ماقولهـا
جيتكم عجلن وديرة فيكم ثم لهيت = واشهدن حزن الموده لحقني دولها
تل قلبي تل فرتٍ على سبر العجل=عشقه راعيه والحوض تحته قد ملاه
ان تسنّد عشّقه ثم لده بالدبل=وان تحرر ريّحه لين ياصل منتهاه

فرحم الله هذه الشاعره الفذه والي يعجز الكلام عنها
اتمنى ان اكون وفقت لهذه المقاله
ودمت طيبين
منقول بتصرف من /منصور الوذين المري

[الطائر المهاجر]

ليته يناديني وانـا بـس اناديـه=واجاوبه ياحسين ولو كان مـره
عليه قلبـي يابسـات عراويـه=اقفا ابقلبي من ضلوعـي يجـره
ذالي ليال قاعده فـي حراويـه=ليننهـا زادت علـى المضـره
قمت اتوجد وجد من مات غاليه=قبوه اقبالـه كـل يـوم يمـره
أو وجد من خاوه والليل ممسيـه=ينخا ولا حد من هل الهجن مره
خلي طريح والضواري اتحاضيه=بالمقطعه وامقابله ضلـع حـره
على الذي ماشفت حي ايحاليـه=شيخ على القوم المعاديـن شـره

[الطائر المهاجر]

يا جماعه إن عزمتم على أنكم راحلين=غمغموني عن مظاهيركم لا أشوفها
كن في قلبي صلا ضو ربعٍ نازلين=حيزوها بالخلا والهبوب تلوفها
ول عودٍ لاش رحمه ولا قلبٍ يلين=عسى ذودك في نحر قوم وأنت تشوفها
عيدوا بي بالخلا والفريق معيدين=وكل عذرا تنقش بالخضاب كفوفها
ما يقرب دارهم كود صنع الذاهبين=كود حمرا عزمها من صفاة بلوفها

[الطائر المهاجر]

اسمحولي يا محمد فـي سـت كلمـات=ذا الكـلام فاضـي واستحـي لاطولـه
يا محمد ما الاناثـي بكفـو معامـلات=قولهم مـا هـوب صـدقٍ ولا ينردلـه
راكب الي في سمى الجو تمشي بحركات=صوتها من سرعها من وراها ما تنقلـه
روحت وقت الضحى من محل الطايرات=وخطرت راعي الهجن مارحل من منزله
وخطرت ركابة الدوج من دون ادموات=ومرت الصلب الحمر والفريق با سفلـه
داربن سواقهـا مـا يحسـب للممـات=غلقت خمس الدقايق على الطلب وهلـه

[الطائر المهاجر]

أبعدهم ما يلحقـه كـود نابيـة السنـام=حايـلٍ مافوقهـا كـود خـرج شدادهـا
أرقب الطبخه تجيك وسنع تصريف العلام=واجدٍ لك مقعـدك ليـن يفـوح قنادهـا
مرحبين ومسهلا عد نجـمٍ فـي ظـلام=بالذلول اللي أقبلت مـن ديـار أبعادهـا
نحف حالي نحف عسوٍ إلى قد هو صرام=أحذفه اللي رقـا فـي طويـل أعيادهـا

[الطائر المهاجر]

جيت المنازل خاليه ما بها اوناس=من عام الأول ارضها ما وطي به
ولقيت مرح أهل المروات دراس=علمه بهم يا بو مطر علمي ابه
مريتها يوم المعاليق يباس=ونزلتها يوم الضماير عشيبه
وونس بصدري واهج الحر حماس=احسب من فارق هله لي يجي به
واقفيت كن ابسرت القلب مراس=واقنب كما يقنب من الجوع ذيبه
واعول كما تعول على البو عرماس=ومن لامني جعل حواله عطيبه
باللي يفكون الطلب عقب الادماس=ربعي مصخرت العدو بالغصيبه
اليا منهم ركبوا على سرج الافراس=وتحيزموا من فوق قب عريبه
اليا اعتزوا ببعير عالي الساس=خلوا على جمع المعادي حطيبه
ذكر الموده للعرب ما بها باس=لكنها على المولع مصيبه
حب الرفاقه شيب القلب والراس=وباق الموده له بديل قريبه
باقي العرب تلقا بديله مع الناس=واخوك لو درت البدل ما لقيبه

[الطائر المهاجر]

حن قلبي حن ماكٍ على سمر العجل=عشّق السواق والدرب ممسوكٍ وراه
أن عطا مع طلعةٍ عشقوّا له بالدبل=وأن تسّهل ريّحه لين ياصل منتهاه
مابشفي لا دريول ولا ريس عمـل=شفي اللي كل ما شاف براقٍ رعاه
قاطنينٍ فوق عدٍ على جالـه عبـل=طيبٍ للبل وراعيه ما يقطع ضماه
ونتي ونة خلوجٍ ولدها مـا جـدل=تشرف المرقاب للذود وتعوّد وراه

[الطائر المهاجر]

ياحن قلبي حن ماكٍ مع الطلعات=لا عشقّه بالعايدي والدبل جرّه
جرمه ثقيل وحملّوا فوقه البيبات=ويدعس عليه أبنزينه ولا سرّه
أنا دمع عيني بالدقايق وبالساعات=ولاهي على فرقا المحبين مسترّه
هواجيس قلبي كل ما أقول راحت جات=تخالف علي باليوم خمسة عشر مرّه

[الطامي]

الطائر المهاجر
وفيت وكفيت
سلم لسانك وفكرك وبنانك
انني اطبع هذه الكلمات بكل فخر لمن هم مثلك
وفقك الله وسدد خطاك وجعل الجنة مأواك (( طبعا عقب عمر طويل على طاعة الله ))
القصد من الكتابه كما قلت وذكرت حفظا لحقوق مندثرة رحم الله اهلها
لاهنت يالغالي

[الشــاهـيــن]

اخوي منصور

اخوي د. عبدالله

بيضها وجيهكم


وفيتوا وكفيتوا

ابيات كنت ادور عليها ووجدتها هنا