في ليلة اجتماع الفطاحله السنوي

[الطامي]

اثناء السفر لمدينة الرياض من دولة قطر هاضت قريحتي بهذه الأبيات البسيطه
وشرحت فيها ماتكبدته من مشقه طريق وظروف خاصه:-
وهاذي هي امامكم

سلام الله عليكم والسلام بسنة الأسلام = من المري عليكم جابها بالصوت والصوره
لفينا نلبي لدعوة رجال ٍطيبين اكرام = ولابعد المسافه عندنا تمنع من نزوره
انا والله لو اني ماوعدت بموعدٍ ملزام = لكان العذر عندي بالمسافه ومامتي نوره (1)
لكن ذي فرصة ماتنتعوض لو تجي بالعام = وانا عندي طلب بالمقبله تاتي لنا الدوره
عس من رتب الفكره يعيش مديم ماينظام = ولا يهونون من هم نفذوها كلٍ بدوره
ولا تهون الفطاحل كلها والريس الهمام = نهض مثل النداوي بالفطاحل قد مقدوره
عساها ليلة على المعزه والسلام اختام = وعساها ليلة بالمسك والتاريخ محفوره

ملاحظه :-
مامتي نوره :- هي الوالده ولم اذهب الا بعد موافقتها نظرا لكبر سنها وتناولها بعض الأدويه للضغط والسكر من يدي ،، والحمد لله وجدت من قام بالمهمه اثناء غيابي

[ابومياس]

اولا الله يخلي لك الوالده ويحفظها

وثانياً بيض الله وجهك وشايفين معروفك

بهذه الزيارة يابو محمد

وان الله احيانا نردها لك يالغالي

نص اتى من قلب صادق

صح لسانك وبيض الله وجهك

دمت بخير

[سناعيس]

انا والله لو اني ماوعـدت بموعـدٍ ملـزام
لكان العذر عندي بالمسافه ومامتي نوره (1)

شاعرنا القدير منصور المري (الكاشف)
أولا وقبل كل شيء الله يخلي لك نوره ويخليك لها
ويشفيها شفاء لايغادر سقما جعلك الله من البارين بها
ثانيا صح لسانك وبيض الله وجهك على هذه الأبيات المليانه
لاهنت يابو محمد

تحياتي

[عبدالله الشويمان]

الاخ العزيز منصور المري حفظك الله..

أولا: الله يخلي لك والدتك ويخليك لها..ويرزقها برك الدائم..

ثانياً : صح السانك وعلا شأنك على هذ الابيات الجزله والجزاله هي عادتك يا الغالي.

ثالثا: اشكرك الشكر الجزيل على وفائك وتحملك عناء السفر من أجل الحضور مع اخوانك وتلبية دعوتهم..

وهذه العبارات التي كتبتها لك لا تفي بقامك .

لك كل الود والاحترام والتقدير يا اخ منصور..

دمت بخير ولاهنت يا الغالي.

[عبدالعزيز العمار]

الغالي الكاشف//

أولاً الله يخليك لعين ترجيك ويحفظ لك الوالدة يارب..

ثانياً صح قلبك على هذه الرائعة التي خرجت من القلب فعلاً

لاهان راسك يالقرم وتقبل أعذب التحايا والتقدير...

[ابو أنس]

على الكاشف سلام مايقال الا لناس حشام=لهم في النفس منزال ولهم في القلب مقصوره
تكبدت السفر تبغي اللقا لك بيرق مقدام=ولك نفس(ن)رسم فيها الكرم بحروف محفوره
سليل المجد يارمز الشرف ياالصيرمي من يام=عسى ربي يثيبك كل ما سويت مع نوره
عسى برك لها دايم ولاتشنا ولا تنلام=وعسى تكسب دعاها في صلاة الفجر وسحوره
حظيظ(ن)يومك ملازم لها وحنا نزيد وسام=ونشكر جيتك واللي حضر والنفس مسروره

[مبروك بن ماضي]

الاخ الفاضل الشاعر القدير / منصور المري
حفظ الله لك الوالدة الغالية ورزقك برها
وصح لسانك وجاد بيانك على هذة الجزله
التي كتبت من القلب لتعانق قلوب قراءها
من اخوتك ومحبينك في منتدى الفطاحلة
دمت وسلمت للطيب يالوافي
تقبل تحياتي واحترامي الكبيرين ،

[الأموره]

ربـي يحفظ والدتك و يطول عمرها

و ابياتك جميله تبارك الرحمن

صح لسانك ملايين

سلمت و سلم فكرك

الف شكر لك

دمت برعاية الخالق

[صوت الإحساس]

الله يحفظها لك ويكتب لك اجر برها



ويزق من دعاها ما يسعدك في الدنيا والأخره



كبير يالكاشف بفكرك وشعرك وحضوورك


صادق الود لفلبك الكبير

[نجم الإبداع]

كفو يابو محمد


صح لسانك وقلبك

لاهنت على القصيده والشعود


تقبل مروري

واحترامي