داعي الشوق تعال شوف

[نجم الإبداع]

سلام مني ياسعود يلوق = سلام وافي فيه هنداسه
سلام من فكره ومعْك تروق=طاب الهوى بسقيك من كاسه
ياصاحبي لولاك عالي الذوق=وشاعر يميل القلب لاحساسه
ماجيت عاني واجلب المنطوق=سوق الغلا يغليك بانفاسه
سال اهل برقه وانشدوني روق=قلت الهوى غلاب ياناسه
ياساتر استر قلب داعي الشوق=فيه الجروح كبار منحاسه

[داعي الشوق]

هلا بك نجم و ارررحب يا غالي

و صح لسانك ملاييييين

[داعي الشوق]

يا مرحبا ترحيب كله ذوق = يحسب له الإعلام و سياسه
حييت يا نجمٍ مقامه فوق = شاعر و قافه يعرف قياسه*
دربه وعر ما يعبره مخلوق = على النقا و معربٍ ساسه
هيضت من قلبه غدا محروق = و يكتب معاناته بقرطاسه
ما بان له عقب الغروب شروق = و ازداد به يا خوك وسواسه
و سوق الغلا يغليه راع السوق = و الخزمري ما يعلن افلاسه*

*
**
* * * * * * * * * * * * * * * * * * * * *

[الطامي]

ههههههههههههههههههههههههه
فلاح وداعي
صحة الألسنه
ابدع فتل ونقض من شاعرين عملاقين
لاهنتو

[خالد محمود الفردي]

صح ألسنتكم وبارك الله فيكم

[نجم الإبداع]

خالد الفردي
منصور المري
صحت ابدانكم ويشرفنا حضوركم
لاعدمناكم

[نجم الإبداع]

بقيت ياللي فالوصال سبوق=ضاري على الجودات محماسه
يوم افتكرني باكل البرقوق =الله عطانا علم وفراسه
اللي استشرته داخل الصندوق=ماعنده الا هجو وحياسه
لك عام ماتشرب حليب النوق=صايم وزاد القلب هوجاسه
عسى الديار اللي بها شقشوق=بامطار فيها خير ووناسه
الين ينبت فالجبال الفوق =ويطير مع قرناس قرناسه

[ساهر الليل]

ياسلام عليكما

استهلال ورد رائعين جداا

تحياتي لكم

[داعي الشوق]

صح لسانك نجم الابداع

و صحة ابدان اللي شرفونا

[داعي الشوق]

يا نجم انا لي في المقام طروق = واعزف على عوده و مرواسه*
لو كان في بعض الليال عقوق = و حطت على *البيبان حراسه
لي منهجٍ مع طارد و ملحوق = مير البلا في ناس حساسه
هويت انا في دارهم غرنوق = و تاهت خطاي و ضاعت الطاسه
اتعبت رجلي في هوى مسروق = و على دروسه ماخذ *دراسه
و ان كان في جوك تلوح بروق = جوي على جوك و مقياسه