سجل حضورك ببيتين شعر (شقر)

[ماجد الزيد]

السلام عليكم ورحمة الله وبركاته





الطرح فكره وهي مخصصه لشعراء المنتدى ومن لديهم أمكانيه فائقه في أبداع الشعر فقط..

والشروط
1/ أن لاتقل ولاتزيد المشاركه على بيتين فقط
2/ أن تبقى الكلمات في اخر الأشطر في الصدر متشابهات اللفظ والمعني يختلف وكذلك في العجز
3 / لايشترط أن يتماشى الشاعر في أبياته مع الشاعر الذي قبله في معنى أو وزن أو بحر أو يسند للذي بعده
4 / أن يتجه نهج الطرح للميول للمحاوره وليس الزامياً على الجميع وأن وجد أفضل
4 /يفضل ان تحذف أي مشاركه لاتتوافق كلماتها بنهاية كل شطر في الصدر والعجر على شقر الكلمات






مثال

سـلام منّـي والبدايـه ياسـعـد=لاتحسب النجمه مثل حجم الهـلال
خابرك انا رجال لك وجـه ٍ سعـد=كان انت نصراوي .. لاتقربّهْ الهلال

.............................. .................... .....


مثال أخر

الليـل راح وبيّـن الصبـح نـوره=واشوف انا منصور واخوان منصور
واللي خذتني عن هواء الغير نـوره=لامن طرت لي صرت كاسب ومنصور
للشاعر العلم حمد الدليهي=

[الطائر المهاجر]

ماني هلالي وانا من صغرتي للشباب = العب مع اشبالهم لو كان لعبي يسير
ومن بعد ما ني كبرت وصرت عود الشباب= العب على القاف مع ماجد على مايسير

[ماجد الزيد]

ياجبل مرّك علـى دربـه..... جبـل=شاهق(ن) كالطود...... يخْرع وانتبـه
والعظيم الي على القـوة...... جبـل=لو نوى جالك يجيبه ...... وانت به

[الطائر المهاجر]

يا سهل دربك على العاني سهل = والجيل لو هو ارتفع ناصل مداه
فيتساوى ما ارتفع ويا السهل = ولو زعل يرضى علينا ما مداه

[ماجد الزيد]

العود خبري به يدندن على العود=عود(ن) ويحكم يابشر ضرب الوتر
ريح المعسل غير عن ريحة العود=ذا ماطيبه وهذاك قصاص الوتر

[الطائر المهاجر]

الجو غايم بين عرعر وحايل = والشمس تحرق في القريات والجوف
وبين القصيم وبيننا كم حايل = ومع حرنا نيران ما تمهل الجوف

[ماجد الزيد]

المشاركة الأصلية كتبت بواسطة الطائر المهاجر

الجو غايم بين عرعر وحايل = والشمس تحرق في القريات والجوف
وبين القصيم وبيننا كم حايل = ومع حرنا نيران ما تمهل الجوف

صح الله لسانك يابو عبدالله

خط الشّمال يسوقنا للــ> عاصمه=ومكملينه لين ياصل لزايد
لاصارت القيفان عندي عاصمه=الفكر حام وصيده اليوم زايد

[الطائر المهاجر]

وخط السلام ولو وصل عند الصدر = ماظنتي يرحم عمر او أي سني
ما يدري انا ما نفرط في الصدر = وما همنا لو انكسر ناب وسني

[ماجد الزيد]

قد بان لي هرجه حري امن العصر=مختوم في لبنان وك سرْبه ظهر
والقاف اشوفه عندهم جاه العصر=منطق كفّوري ولو تخفى قد ظهر

[خالد بدر]

فيك البقا يابوحمد طول الدهر=سج الرجل قدام يا عل ((وعل))
اشوف ماجد ولع وثم ادهر=بجيب له صيد سمين اسمه ((وعل))