نبضة وفاء

[محمد بن عمار]

السلام عليكم /

نقـّل فؤادك حيث شئت من الهوى = مالحب إلا ّ للحبيب الأولِ
وكل دار ٍ يألفه الفتى =وحنينه أبدا ً لأول منزل ِ

مشاركة وفاء لأهل الوفاء .
نبضة وفاء

يقول من فكره مع الكيف عّـناه = لنظم القوافي عقب طرق ٍ طراله
ماكل منهو شاف رجم ٍ تعلاه = وما كل من يقصد يجيب الجزاله
وصرح الفطاحل رجم ياكود مرقاه = مدهال لأهل العرف وأهل البساله
إن كان قلت الطيب فالطيب يزهاه = فنجال وعلم رجال ورشفة بياله
وبعض المواقع فعلهم بالمحاباة = أفعال رعيان ٍ غشتها الجهاله
هذا حوار ٍ أرضعه زود وأرواه = وهذا حوار ٍ حط دونه شماله
وإلا ّ الفطاحل غاية القلب ومناه = مجلس رجال ٍ ما تعدد خصاله
والمدح ما يرفع من الصرح مبناه = وصدق الفعل يثبت صحيح المقالة
مثل الفطاحل ريف قلبي بطرياه = عشقي معه واصل لحد الثمالة
جذره بأرض الجود من جود منشاه = مايقربه راعي الردى والختالة
نهرالوفاء والطيب والعز يغذاه = غصون المراجل وارفه في ظلاله
ما فيه علم ٍ طيّب إلاّ عرفناه = ومافيه درب إلا طرقنا مجاله
وماكل منهو غاب عنـّا بنشناه = في البال شخصه حاضر ٍ لا محاله
من طاب طيبه واضح ٍ ما جحدناه = ومن خاب عاب وخيّب الله آماله
للطيب تنهض به سبوقه ، بمرقاه = عرقه عريب وجا ذبينه خواله
وإلا ّ الردي يانعنبو بطن ٍ أضناه = يرجع على أصله دام عرقه حثالة
والقول إلى من طال يفتر بمعناه = وينعاد هرج اللي سبقنا وقاله
وما قل دل ومقصدي بان مغزاه = نبضة وفاء في كلمة ٍ قلتها له

مودتي لنبضكم العذب

الجريح

[منيع]

ياسلام عليك
جزل ومبدع والفطاحلة تستاهل الطيب والناموس وانت من اهل الوفا والشكالة
شكرا لك
ودي وتقديري

[الطامي]

م بن عمار
صح السانك
وهذا من طيبك وطيب جميع الاعضاء والأداره الموقره
قصيدة ابداع من شاعر علم مبدع دائما
لافض فوك اخي
شكرا لك

[الطائر المهاجر]

ماعندنا شرهه على المدح نجزاه=ومن زارنا لابد نسرق نعاله
صح لسانك
وفي
والفطاحله بكم
تحياتي

[نجم الإبداع]

جزل يابن عمار

صح لسانك ومنطوقك

تقديري

[محمد بن عمار]

المشاركة الأصلية كتبت بواسطة الطائر المهاجر

ماعندنا شرهه على المدح نجزاه=ومن زارنا لابد نسرق نعاله
صح لسانك
وفي
والفطاحله بكم
تحياتي

هههههههه اللي يسرق النعال ( أكرمكم الله ) الحصني ..!!!

وحنا حسبنا ، للهجوم ، وكسبناه = وشرهتك ، دوّر واحد ٍ تنعطى له

ههههههه يالطاير الجاير ....
هذا و أنا مسوي لك مضادات أرضية ضمن القصيدة في هالبيت.!

المدح ما يرفع من الصـرح مبنـاه = وصدق الفعل يثبت صحيح المقالـة

تحياااااااتي وإحترااااماتي

[الخنساء]

من طاب طيبه واضح ٍ ما جحدناه

ومـن خـاب عـاب وخيّـب الله آمالـه

للطيب تنهض بـه سبوقـه ، بمرقـاه

عرقـه عريـب وجــا ذبيـنـه خـوالـه

صح لسانك مليوووووووون

قصيدة جزلة من شاعر متمكن

سلمت ودام حرفك

[محمد بن عمار]

المشاركة الأصلية كتبت بواسطة منيع

ياسلام عليك
جزل ومبدع والفطاحلة تستاهل الطيب والناموس وانت من اهل الوفا والشكالة
شكرا لك
ودي وتقديري

ابو حمد
هلا والله وغلا
حضورك بحد ذاته هو النوماس لاعدمتك
تقبلي ردودي وسلة ورودي لاهان راسك

[محمد بن عمار]

المشاركة الأصلية كتبت بواسطة الطامي

م بن عمار
صح السانك
وهذا من طيبك وطيب جميع الاعضاء والأداره الموقره
قصيدة ابداع من شاعر علم مبدع دائما
لافض فوك اخي
شكرا لك

ابو محمد
لاهان مغليك فديتك
وأنت أطيب لا عدمناك
وكلنا أخوان والبيت واحد
مووووووووووووودتي

[داعي الشوق]

يا زين قافٍ من محمد قريناه = الشاعر اللي وافياتٍ خصاله

دايم مع الابداع نسمع بطرياه = حيث الجزاله محتويها لحاله

و العود لو يرمي ترانا رميناه = نرميه من فوق الرشا و المحاله

،،،،،،،،،


و صح لسانك مليار يا بو عبدالعزيز

وافي و قصيدة وافيه من قلب صافي

لله درررررك

ولاهنت يالذيب