قصيدة مشاكاة للخالق + صوتيه

[الطامي]

افتح الصوتي والغ المربع الذي ظهر لك واصبر حتى يشتغل الصوت

يالله يامشكاي في ليلـة الدجـى = ياللـي لـزلات العبـاد غـفـور
انك تقديني علـى طيـب العمـل = ورضاك منـي قبـل ازور قبـور
ومن عقب دن السجـلات عنـدي = اكتب وانـا اعبـر بكـل شعـور
انـا رزقت بخبـرةٍ لي يادوبهم = غـضين عـوُد وسالميـن الـدور
يدارون منهو مثلهم وابتلـو بـه = لادال نفسـه ولايطيـع الـشـور
لاقلت لهم يمنى بجهـل تياسـرو = وان قلت لهم يسـرى يلج الـزور
ماهمهم غبشه ولااطراف مسـرى = يحوشـون رزق لوبقـاع بحـور
عشانهم نسعى ونطلب من الولي = يعيننـا فـي سعينـا والــدور
نخـاف حاجتهـم لمنهـو حاقـد = يفـرح عليهم لـو يبيـن سـرور
نطمح بهم صوب الثريـا والعـلا = نخاف مـن مـدة يديهـم عـور
عشانهم نمشي على اللين والقسا = وياما تعرضنـا العنـا وشـرور
لو ما حماية رب الاربـاب منهـا = رحنـا بهـا والادمـي مخطـور
وعشانهم لامـن رحلنـا عنهـم = نتـرك لهـم خيـر كثيـر ودوُر
والفايده في دعـوة مـن واحـد = بنت اوولد والا خشيـر قصـور
يدعي لنا من قلب دعوة صاحـب = ويذكـر حسانينـا وهـو فخـور
ياهيـه دنيانـا علينـا مـغـره = نمشي وقد حن لامشينـا حـدور
العظم شاخ وفيه الوجاع بالجسـم = والقلب من زود العنـا مخطـور
والاجل مخفيٍ علينـا وعـاد لـه = دورٍ علينا ولـو شقحنـا السـور
يالله ترحمنـي لاقربـت منيتـي = وماعاد ينفـع مسعـف ودكتـور
وتحاولوني لهم نحيـب ودمعهـم = يدرج على الخديـن لـه عبـور
والعين تتبـع روح جاسـم ذاوي = فارق جسدها وقرقـر الحنجـور
يالله عسى صبر صبرته بدنيتـي = واخفيه خوفـة اصـل المحظـور
اخاف شمت الناس واخاف سمعتي = واخاف هرجـة صاحـبٍ عقـور
يحسب لنا مع كل خيـر عملتـه = ويشفع لنا يـوم العبـاد نشـور
وانـك تحشرنـي برفقـة محمـد = وصلى الله وسلم علـى المذكـور

[حي الضمير]

مناجاة رائعه ومحببه للنفس
وابدعت حيل شاعرنا القدير الطامي
والصوت ماشتغل عندي يمكن الكمبيوتر عندي لك عليه
لكن مدد صح لسااانك يامميز

[داعي الشوق]

صح لسانك يا بو محمد

و الله يجزاك خير

ولاهنت يالشاعر

مع تحياتي لك

[الطامي]

حي الضمير
صح بدنك
وشكرا لمرورك
لاهنت

[الطامي]

داعي
صح بدنك
وشكرا لمرورك
لاهنت

[احمد الكثيري]

يالله ترحـمـنـي لاقــربــت مـنـيـتـي == ومـاعـاد ينـفـع مسـعـف ودكـتــور


بارك الله فيك على هذه المناجاه الرائعه والجميله ولم اسمعها صوتيه ولكن اعتقد انها من الالحان القديمه

[الطامي]

الكثيري
صح بدنك
وشكرا لمرورك
لاهنت

[منيع]

مناجاة ولااروع
ثبتنا الله واياك على طاعتة ومرضاتة
والصوتي ماشتغل
شكرا لك
تحياتي

[الطامي]

اهلا منيع
صح بدنك
وشكرا لمرورك
لاهنت

[كظيم]

الله الله الله

الطامي
سلمت وصح لسانك
قصيده جزله ووافيه ابدعت فيها يالغـلا
تقبلني وتقبل مروري المتواضع لاهنت
ودي وتقديري