ضايع بحبك

[نشمي المويعزي]

أعزائي رواد هذا المنتدى العريق أسعد الله أوقاتكم بالمسرات أحب أن اعتذر لكم عن هذا الإنقطاع بسبب بعض الضروف الخاصة وأطرح لكم هذه الابيات المتواضعه لعلها تنال شيء من استحسانكم :

القلب من قبلك للاحباب مرباع=كلن يحول به وينصب خيامه
مفتوح للآخر على كل مصراع=وأحبابنا مابين شده وقامه
هذا يجي في ساع ويروح في ساع=وهذا هنا مابين عامه وعامه
حتى دخلتي دخلةٍ بين الاضلاع=ماخلت النايم يكمّل منامه
بددتي أحباب الترف والتدلاع=وانساق لك قلبي من آخر هيامه
جيتي لقلبي مزنةٍ تحيي القاع=يحيى بها قلبٍ خطير إنصرامه
قلبٍ قبل لا يعرفك كان ملتاع=ومن الجفى ماباقي إلا حطامه
تسكن به الاتباع وتروح الاتباع=محدٍ بناه ولا تحقق مرامه
حتى سكنتي به سكن مابه نزاع=من يوم حبك لين يوم القيامه
ضمدتي القلب المحمّل بالاوجاع=يابلسم جروحه ومصدر غرامه
فيك ابتدى بالحب ياكل الإبداع=غمرك حبه واحتواك اهتمامه
ضايع بحبك لكن الحب ماضاع=يزيد يازاد الخفوق وطعامه
غلاك قسمني على أنصاف وأرباع=لو إني أرسى من رواسي تهامه
النفس تاقت والزمن مابعد طاع=ياعونة الله ياظبي العدامه
يحدني وقتي على إرضاه وانصاع=انصاع له والوقت مدري علامه
يمرر أطيافك وأنا إنسان طماع=أبغى لقاك ولا سمح لي نظامه

[حي الضمير]

صح لسااانك شاعرنا النشمي
قصيده رائعه وابدعت ياجزل

[حوريه]

يمـرر أطيافـك وأنـا إنسـان طمـاع
أبغـى لقـاك ولا سمـح لـي نظـامـه


صح قلبك ودام حرفك
أكثررررررررر من رائعه
لاهنت ولاهان مغليك
ودي وتقديري
0
0

[طوفـــان]

صح لسانك شاعرنا نشمي

قصيدة رائعة ،،

لك كل الشكر على طرحك

[نجم الإبداع]

ارحب يانشمي


وصح لسانك على المصافحه الطيبه

تقديري

[الطامي]

جيتـي لقلبـي مزنـةٍ تحـيـي الـقـاع
يحيـى بهـا قلـبٍ خطيـر إنصـرامـه
قلـبٍ قـبـل لا يعـرفـك كــان ملـتـاع
ومـن الجـفـى مابـاقـي إلا حطـامـه
تسكن به الاتبـاع وتـروح الاتبـاع
مـحــدٍ بـنــاه ولا تـحـقـق مـرامــه
حتى سكنتي بـه سكـن مابـه نـزاع
مـن يـوم حبـك ليـن يـوم القيـامـه
ضمدتي القلـب المحمّـل بالاوجـاع
يابلسـم جروحـه ومصـدر غـرامـه
،،،،،،،،،،،،،،،،،،
المويزعي
صح السانك
وافية ورائعة
لاهنت اخي

[منيع]

ياسلام
اكثر من رائعة
مسرورين بعودتك
تحياتي لكم

[داعي الشوق]

صح لسانك مليووون يا نشمي

ابداع يستحق الاشاده

شاعر جزل و مافيك حيله

ولاهنت يا مبدع

[الـزلـزال]

نشمي المويعزي

نص رائع وجميل
من شاعر متميز ورائع في كل مايقدمه
أبدعت وأمتعت شاعرنا رعاك الله
دمت ودام لنا حرفك
صح لسانك ملايين ملايين
ولك فائق تحياتي وتقديري

[نفحة الطيب]

صح لسسسانك ,,
كلك ذوق وبصمه مميزه ..~
لاعدمنا طرحكالرآئع ..~
ربي يسعد لك أيــآمك ويحفظك ...}
تحيه لك من القلب معطره..~
بكل مايحمله هذا الكون من رائحه زكيه..~
ولك جزيل الشكر على هذا التميز والأبدآع..~
ومشــآركتـــك الأروع..~
دمت لنـــآ ودآم تألقـــك..}