ويـن إنت ؟

[عبدالله راشد الثويني]

السلام عليكم ورحمة الله وبركاته

للتواصل لعلها تنال القليل من إعجابكم

وين إنت ؟ يامن داخـل القلب لك . شان =شوقي بعد فرقىآ عيـونك .. ضنـاني
وشلون تنسى يالغلا . كل ما كـان =تركتني ... بين الرجا ... والأمـاني
أضحك وكنــّـي خالي البال .. طربان =والناس تجهل .. كيف قلبي يعاني
أكذب على نفسي ، لو إن العنـا .. بان =وأقـول خلـّـي .. ياملاا .. مانساني
واتذكـر اللي فـات .. وتهـلّ الاعيـان = لحظة وصالك .. مابخلت بحنانــي
أرويـك حب ..... واسهر الليل ضميان= وافرح ليا شفتك ... تبسـم زماني
أشعلـّـك ضلوعي .... وانا حيـل بردان=وأقول ماغيرك . سكن فالمحاني
تعااال . شفني واقف(ن) خلف الاحزان=من بعد ماربـّـي ... بحبـّـك بلانـي
مافادني ترديـد همـّي على الدان =وش عاد لو صغت العنا بالاغانـي
تعبت من فرقاك والوصـل ماحـان = ماني مصدق .. كيف قلبك جفاني
إن كان جوّك . عقب فرقاي .. قد زان !=ليتك ولو لحظــه .. تجي في مكاني
تكويـك نار الهجر .. لوعـه .. وحرمان =ماضنــتي تصبر عليها .. ثواني
ياغايتي من باع .. مغليــه.. غلطان=خسران من بدل .. وليفــه ... بثاني
العمر فرصـه .. ماتجي كل الاحيان =أغنم زمانك دامــه العمر .. فاني
أقبلّ .. على قلب(ن) على الوصل شفقان=قلب(ن) بقـى بين الرجا .. والاماني

[عدنان كريزم]

أشعلّك ضلوعي .... وانا حيـل بـردان

وأقـول ماغيـرك . سكـن فالمحانـي

============================== ==============

الله الله يالثويني

جزل ومبدع

صوره شعريه ولا اروع

يكون لي اول شرف مرور لقصيده شامخه

تحيتي لك

[حمود السكراني]

هذا القصيد اللي يطرب ياعبدالله


صح لسااااااااانك على هالرائعة

[حي الضمير]

ابدعت بارك الله فيك شاعرنا الثويني
ومدد صح لسانك

[عمر ال شيبي]

المحاني


جميل ما ارى هنا
سلم قلبك وبوحك

[ترانيم المطر]

وأقـول ماغيـرك . سكـن فالمحانـي

وأقـول ماغيـرك . سكـن فالمحانـي

الله الله

لقد إرتويت شعرا هذا المساء

لقد أسعدني تواجدي هنا بهذه الفاتنه

يا سلام على الإبداع وأهله

دمت ودام تميزك وإبداعك

ودمت بود

[الطائر المهاجر]

لله درك
مبدع
صح لسانك
ولا هان راسك
اطيب تحياتي

[نفحات حساسة]

تكويك نار الهجر .. لوعه .. وحرمـان

ماضنتـي تصبـر عليهـا .. ثـوانـي

ياغايتي من باع .. مغليـه.. غلطـان

خسران من بدل .. وليفـه ... بثانـي

صح السانك..

ولاهنت..يالسمح

قصيده رائعه..
تحياتى

[الـزلـزال]

عبدالله الثويني
بوح في قمة الجمال والعذوبه
من شاعر متمكن ورائع في كل مايقدمه
أبدعت شاعرنا بجد وأمتعت في هذا البوح
أدام الله لنا بوحك وسلمك
صح لسانك ملايين ملايين
ولك فائق تحياتي وتقديري

[صنداح الزلامى]

لله درك
مبدع
صح لسانك
ولا هان راسك
اطيب تحياتي