جديدي لكم /بنت الوزير .. نصيه وصوتيه

مع الاسف !!
الحب في طبعك ترف ..
يعني لزوم البهرجه .. مثل الاساور والخواتم والتحف ..
مثل السرير , مثل الحرير , مثل انفعالات الامير ..
مثل البلايز والحلق, مثل المحارم والورق ..
مثل الكناري والقطط .. مثل الفوط .. مثل الكؤوس الدايرة وقت الغلط ..
أقولها والا بلاش , حرفين والباقي نقط .........
,,,
مع الاسف .. الحب فعيونك ترف ..
يعني بدون احساس أو كلمة شرف
حسب المزاج .. مثل اشتياقك للمساج ..
مثل الاكل بالمملكه , حتى يقولوا راقيه
والله وجبتيها تمام لكن بعدها باقيه ..
باقي ملابس واقيه ..
من باب تعجيز البنات .. كشخة زمان الانفلات
حتى تدور الساقيه ..
,,,
مع الاسف .. العشق عندك مختلف ..
ماهو مثل عشق البشر ..
تبين خادم يتبعك .. من وين مارحتي معك
يعني مثل سواق ابوك ..
مشهود له بحسن السلوك ..
مهما غلطتي يسمعك ..
لو كان معدوم الضمير .. بس المهم انه كبير ..
صاحب مقام .. من صنف هذيك الطيور ..
لايق عليك المشتري ..
مبروك يابنت الوزير ..
,,,
مع الاسف .. الحب في راسك ترف ..
كلام فاضي مع صور ..
وخليط من عدة لغات .. تعال , come ُُevery Hour
وجوال وافلام وسهر ..
يعني تبيها فوق تحت .. لاوالله اللي مافلحت ..
أقولها لك كلمتين ..
مهما تجي والا تروح ..
دنياك هذي دمعتين ..
دمعة فرح والثانيه بلسم لتخفيف الجروح ..
والا انت ماعاد انت
شرفت ولا كلفت ..
الله معك ,,,

هنا بصوتي

[align=center]

تحميل هنا

[الطائر المهاجر]

رائعة من شاعر رائع
ومتجدد الإبداع شعرا والقاءاً
صح لسانك وفكرك
ودام ابداعك
تحيتي ومودتي

[زهرة اللوتس]

سلمت وصح لسانك
جزلة كن شاعر جزل
لاهنت وبيض الله وجهك
تحية طيبة

زهرة

[نجم الإبداع]

ارحب يابو محمد

وصح لسانك على الحره الراقيه

شكرا لاتحافنا

تقبل مروري

وتقديري

[إبتهال الجنوب]

بسم الله الرحمن الرحيم

كلمات جميلة ثرية المعاني

ما أروع حرفك ..

لقد سعدت هنا

شكرا لك

تحيتي و تقديري

الاستاذ الكبير الفاضل ناصر الغزلان
اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير
ابو مازن

[نفحات حساسة]

تسلم اخوى..
سلم فلمك وسلم بوحك
يعطيك العافيه..

[صعبة المنال]

جديد ....
تميز كالعادة طرح وحضور
ثلاثى الابعاد يا ناصر

صح لساااانك وفكرك

صعوووب

[الطامي]

الغزلان
صح بوحك وحرفك
طيبة جدا
لاهنت اخي

[الخنساء]

مهما تجي والا تروح ..
دنياك هذي دمعتين ..
دمعة فرح والثانيه بلسم لتخفيف الجروح ..
والا انت ماعاد انت
شرفت ولا كلفت ..
الله معك ,,,

راائع شاعرنا
مايترجمه قلمك من روعة الاحساس
لاهنت ودام بوحك