كثر ما لا يعلمون [ جديدي وإطلالة أولى ]

[بدر الدخيل]

بسم الله الرحمن الرحيم ..


اللهم صلي وسلم على سيدنا محمد وعلى آله وصحبه وسلم ..


[ يقال : من لا يشكر الناس، لا يُشكر ]


لذا يمتد شكري أمدا ً للأخ والشاعر المبدع / عدنان الكريزم ..


أتى بي [ هُنـا ] لأستظل بكم حرفا ً ومعنى !!


وأقطف من بساتينكم ما لذ وطاب ..


أقبلوني وأقبلو هذه المتواضعة التي تخطب رضا ذائقتكم ..

.


.


.

[ مدخل ] ..



آه ياني حيل احبَّك ..


حيل أموتك ..


حيل اذوبك !!


دوم ابعِّد عنك صوبك ..


واكتَبَك في كل ضيقة ..


وأحلف انّي راح اتوبك !!


وما اتوبك ..


واحلف انّي راح ابيعك ..


وراح اصد وما اطيعك !!


بس من تطري ف/ بالي ..


قبل ما تطري اضيعك ..


ويوووووه ..


ياني حيل احبك !!

آه / ياني حيل [ احبَّك ] كثر ما لا يعلمون=وكثر ما لا يعلمون [ أذوب ] / ليتك تعلمِــين
وآه / ياني حيل ضايق [ حيل ] وأنفاسي دخون=تختلج صمت الرماد وتنبش الجمر الدفِـين
وآه / من حدَّ انتهاك الطــُهرْ ل ِ/ اغـْواء الطعون=من كفوف الطيِّبين أليا صْدور [ الطيِّبــِين ]
وآه / يا طول المسافة بين شكك والظنون=ما بقى فيني أَسَفْ يقنعك يا العذر السمِين
وآه / يا جرح ٍ يمون / وجرح عيّا لا يمون=لا حَـلــَفْ جرح اليسار / استغفره جرح اليمِـين
كل شي يهون / بس أرجاك دمعي لا يهون=دمعي اللي علَّم العشّـاق وش معنى الحنِــين
دمعي اللي يختصر حزن المدامع والعيون=دمعي اللي كبر تنهيد الليالي والسنِــين
دمعي اللي بلل أوراق المواجع والغصون=دمعي اللي ل/ استواني شوق جيتي تقطفِــين
دمعي اللي ينتثرني ضيم واكتبني [ جنون ]=دمعي اللي كثر ما خطـَّيت وأنتي تمسحِــين
دمعي اللي يا أكون اليوم وإلاّ ما أكون=دمعي اللي يا تجين اليوم وإلاّ [ ما تجــِين ]
ل ِ/ متى وأنتي عذاب الروح يا الكاس المَنون=أشربيني يا عساي أموت والله المعِــين
أشربيني يا عساي أموت ملـَّيت ال/ [ بدون ]= يا بدون احساس / أيَّ احساس !! دامك تكذبــِين
والله انّي غير امرَّك غصب يا الطـَّـرْف الحنون=ووالله انّي غير اشمَّت فيك كل العاذلِــين
ووالله انّي غير اذوَّقــْك الغلا طعم ٍ ولون=ووالله انّي غير اليَّن فيك شيٍّ ما يلِــين
ووالله انّي غير افج الزَّور وآدِكْ الحصون=ووالله انّي ل/ اتمركى بين رمّـان ٍ وتِــين
ووالله انّي للمحبَّه والهوى اطيب زبون=من دفع كثري على لاماك كانك تذكرِيــن ؟؟
ايه احبَّك .. والعشم سود الشوارب والدقون=ايه احبَّك .. [ طيش ] وش عندك ؟؟ تبين / أو ما تبــِين
ايه احبَّك .. هو يرد الجوع شرهات الصحون !!=ايه احبَّك .. ما حسبت حساب يومك [ تحْسَبــِين ]
ايه احبَّك .. وادري ان الليل للخالي سكون=بس انا مانيب خالي كود من عقل ٍ ودِيــن
عقلي اللي ضاع ما بين الردايف والردون=وديني اللي في رجا المعبود رب العالمِـين
وآه / آه / آه / آه .. كثر ما لا يعلمون=وكثر ما لا يعلمون أموت / وادري تعلمِــين

[ مخرج ] ..



آه يا م/ اصْعب جفاك ..


الف جرح ولا كفاك ..


وألْف ليلة ..


وألْف شوق بداخل ضلوعي ..


واشيله !!


وما وفاك ..


شفتي وش كبرك بقلبي ؟؟


شفتي وش قلبك ؟؟ وقلبي !!


كثر ما يضماك صدري ..


وكثر ما ضيَّعت قدري ..


وانتي تعطيني قفاك !!


وما كفاك ..


ويوووووه ..


ياني حيل احبك !!

بـ وَجَــعْ / بدر الدخيل ..




.

.

[الطائر المهاجر]

هلا ومرحبا بك اخي الفاضل بدر
في محلك وبين اخوانك وربعك
مصافحة جزلة من راس جزل
صح لسانك وفكرك
ولاهان راسك
مع أطيب تحياتي

[نفحات حساسة]

الله عليك
اخوى..بدر
صح السانك ملالالايين ..ولاهنت
مبدع..وابيات شامخه..
يعطيك العافيه..تحياتى لك..

[عبدالعزيز العقيدي]

الشاعر بدر
أهنيك على هالأفتتاحية الرائعة

آه / يانـي حيـل [ احبَّـك ] كثـر مـا لا يعلـمـون

وكثـر مـا لا يعلمـون [ أذوب ] / ليتـك تعلمِـيـن

وآه / ياني حيل ضايـق [ حيـل ] وأنفاسـي دخـون

تختلـج صمـت الرمـاد وتنبـش الجمـر الدفِـيـن

وآه / من حدَّ انتهـاك الطُهـرْ ل ِ/ اغْـواء الطعـون

مـن كفـوف الطيِّبيـن أليـا صْـدور [ الطيِّبِـيـن ]

وآه / يـا طـول المسافـة بيـن شكـك والظـنـون

ما بقـى فينـي أَسَـفْ يقنعـك يـا العـذر السمِيـن

وآه / يـا جـرح ٍ يمـون / وجـرح عيّـا لا يمـون

لا حَلَـفْ جـرح اليسـار / استغفـره جـرح اليمِيـن

تسلم وصح السانك
تحياتي لك

[زهرة اللوتس]

مصافحة جزلة من راس جزل
صح لسانك وفكرك
ولاهان راسك
مع أطيب
تحياتي

[مبروك بن ماضي]

اخوي المبدع :
الشاعر / بدر الدخيل
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[سلطان العطاوي]

الله الله

صح لسانك وأعتلا شانك

قصــيده رائعه برووعة حضـورك
لا خــلا ولا عــدم

[احمد الجريفاني]

يا هلا بدر اطليت علينا با الابداع سلم قلبك 0

[حي الضمير]

اطلالة السحاب
وابدعت وامتعت يابدر
وملياااااار صح لساااااانك

[داعي الشوق]

صح لسانك يالشاعر الرائع

بدر الدخيل

سرد جميل

معنى و قافية

معاني جميلة من شاعر أجمل

صح لسانك مدد بلا عدد

مع التقدير لك

،،،،،،،،،،،،،،،،،،،،،،،