فارس الغراء أعيا منكبي

[ماجد الزيد]

ما كتبت القاف لعقول الرعاع =اكتبه بلسم على الجرح الأبي
وكلّ ما حسّيت في راسي صداع =أرسل آلامه لجسم ٍ يعربي
جاذبية قافي تْسوي ارتفاع =وشاعريّة شاعر ٍ غيري تْحبي
بلّغوا عبلة أيا سقط المتاع=من متى خيال عبس ٍ يختبي ؟
يسرج الأبجر \ إذا طارت شعاع =وفارس الغراء أعيا منكبي
نفسي بْأمري وتنصاع انصياع=نفسي الغراء تتبع مذهبي
وراسي اللي كل ما شاشت ,أراع=راهب ٍ في دير يتبع له نبي
فارس ٍ لا قيل من يقوى القِّراع=وعابد ٍ لا حان وقت المغربي
ابجري شدّيت ,شدّيت القناع=وآنا خيال ٍ قريش ٍ منسبي
انطلق مثلك حصان ٍ ما يباع=بلّغ اقرابي \ تعلِّم أجنبي
متخم ٍ بالعزّ واعدائي جياع=طين مشربهم وصافي مشربي
علّموا راس النميمه والخداع=المنافق لا يقرب ملعبي
الذّيابه ما تخاوت بالضّباع=والأسد ماهو خصيم الثّعلبي
مابعدها وصّلت حالة صراع=مبتسم نابي ومخفي مخلبي
ما انا لا دست بضْعيف ٍٍ شجاع=و لاني بْسيّد إذا ما اظهر غبي
ما اضرّ الزّير غير الاندفاع=يوم طاح بفخّ بكر التغلبي
الدّهر حدّث ونا احْسنت استماع=شيّب بْراسي وانا توّي صبي
ما اضعف الرّجال مفتول الذّراع=لا غضب نفسه ما يسبيها سبي
رايقن مبسوط لفّيت الشّراع=ولا بعد مسّيت للشّر اشنبي
آتقهوى وانظر بعيني يراع=حول مشكاتي يطوف بْمكتبي
وكلّ ما ناظرت يبرد بي النّخاع=وانحرف فكري على عيون الظّبي
المهاة اللي لها امر ٍ مطاع = سيّدة من يلبس ٍ سود العبي
الاميرة , اسمها ماهو مشاع =حافظه حفظي لعمري وتعبي
والله انّي كل ما تطري بساع=جرّني قلبي لذاك المرقبي
مرقبن لا جيته اطرقت السّماع=والهبايب تجبي الذّكرى جبي
وآنا لا هبّت علي فوق الوساع=أطرَِبي يا ريح نوفا وأطرِبي
اجمل الحسنات عذبات الطّباع=ارحبي يا عين ابوْيه ارحبي
قربك الجنّه وبعدك التياع=يا بعد كل المخاليق اقربي
والله انّي من بعد هاك الوداع=ماني بْخير ٍ \ وعارف ويش ابي!
ماهو مسلسل سنَوات الضّياع=الا حبّ طاهر ٍ شبّ حْطبي
لك اطوّع كلّ مالا يستطاع=يالفرس قلبي مجالك واهذبي

[سعيد الصاعدي]

الاخ الفاضل / ماجد الزيد
صح لسانك لاهنت
نص شعري عالي الشاعريه
به الكثير من التمكن والابداع
لله درك ثم لله درك
تسلم ويسلم فكرك يالغالي
تحياتي
أخــــوك
س / ص

[مبروك بن ماضي]

الاخ الفاضل الشاعر / ماجد الزيد
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[عذب القوافي]

صح لسانك

أخي ماجد

ماشاء الله تبارك الله

شاعر من الوزن الثقيل

تقديري يامبدع

:::::أبوابراهيم:::::

[بنت العز]

صح لسانك وعلا شانك قصيده اكثر من رائعه تسلم اخوي لاهنت شكرررررررررررررا

[داعي الشوق]

الله الله الله

صح لسانك

و اعتلا شانك

قصيدة رائعة

لاهنت

[الآكيد]

صح لسانك

و اعتلا شانك

قصيدة رائعة

لاهنت

[ناصر عبيد الهواوي]

الاخ الزيد رائعة جدالله درك على هالمعاني القوية
لاهنت وصح لسانك ودمت مبدعا
تحياتي واعجابي

[عدنان كريزم]

لك اطوّع كـلّ مـالا يستطـاع

يالفرس قلبي مجالـك واهذبـي

جززززززله يالغالي

لا هنت

[ياسر عبدالرحمن الخالدي]

الله الله الله

رائع يارائع

صح لسانك مدد بليا عدد