ياطيّب القلب شوف الطيب وش فادك(صوت)

[الطائر المهاجر]

ياطيّب القلب شوف الطيب وش فادك = في وقت فيه العرب ماهم على خبرك
ان لم تكن صقر جاك الداب يصطادك = فخلك حذر منه لايقرب إلى وكرك
البعض لا من هرج ذكرك باجدادك = يوحي لك انه رجل ومطابق لفكرك
ولا من سبرته برادارك وارصادك = تلقاه نفسه خبيثه ناوي لغدرك
حتى ولو تكرمه يجزاك باجحادك = يشوف طيبتك ضعف ويبتدي هصرك
يقهره لا شاف منهو يكسب ودادك= وهو ولا هوب قادر ياصل لقدرك
ياجاهل بالرجوله راجع اعدادك = منتاب قد لها لو قلتها بشعرك
ماهي بدينٍ تخبي خلفه مرادك= وتنسى لربٍ عليم بسرك وجهرك
ولاهي كلامٍ تبيعه وانت بابرادك = المرجله فعل في مدك وفي جزرك
ومادام هذا طريقك للردى قادك = ما ينتحسف عليك ولا نبي ذكرك

[صعبة المنال]

المبدع ابو عبدالله
دوم لحرفك ..معنى ... واحساس

صح لسانك وفكرك

صعووووووووووب

[عبدالله مذكر العقيلي]

جزله من راس جزل

صح لسانك

وبيض الله وجهك

والله لايهينك


تحيتي

[ترانيم المطر]

الله الله الله

إبداع جاوز الغمام

دمت ودااااااااام تميزك

لقد أسعدني تواجدك

دمت بود

[منيع]

ماشاء الله
ابدعت واجدت
دمت بخير وعافيه
تحياتي لكم

[حمود السكراني]

ومادام هذا طريقـك للـردى قـادك

ما ينتحسف عليك ولا نبـي ذكـرك

صح لسااانك شاعر متمكن

لله درك

[حي الضمير]

صح لسااانك مدد يابوعبدالله
ولاجديد عندما تبدع ياعميد

[مجدي صالح المبارك]

صح لسانك واعتلى شانك

شاعرنا القدير

( الطائر المهاجر )

على هذه الرائعة

التي كان لي شرف

المرور على ضفافها

تقبل تحياتي

مع فائق الود والإحترام

[سعيد الصاعدي]

ان لم تكن صقر جاك الداب يصطادك

فخلك حذر منه لايقرب إلـى وكـرك

البعض لا من هرج ذكرك باجـدادك

يوحي لك انه رجل ومطابق لفكـرك

الاخ الفاضل / الطائر المهاجر
صح لسانك لاهنت
نص شعري راقي
من شاعر جزل
تسلم ويسلم فكرك يالغلي
تحياتي
أخـــوك
س / ص

[شجون القصيد]

شاعر الذوق العالي والحكمه والابداااع

صح لسااااااانك وجاد بيانك.....

على هذه القصيدة التي هي من ماركة الطائر الخاصه

نص راقي وجميل

راق لي قرائته كثيرا

هنا للإبداع تميز خاص

روعه وخبره بمكامن الامور

لافض فوووك

تحياتي لمقامك