" ماكان كان وما حصل شيء .. ما كان " جديد

[صالح سعود]

ايها الاخوة الكرام في منتديات الفطاحلة
يبقى الشعر متنفسا لكل ما يجول في كنف الشاعر
وان كان الصمت اكثر الامور المحببة لقلب الرجل
فان البوح باسلوب الصمت ابلغ احيانا ..

قصيدة ابوح بصمت بها لكم

ما كان كان ولا حصل شيء ما كان = واللي حصل بأمر الولي واختياره
دنيا لها ساحة وباحة وبيبان = مجالها كوكب بعيد(ن) مداره
رحله لزوم نعيشها أفرح وأحزان = رحلة حلى تخلط بطعم المراره
الرجل فيها بين كاسب وخسران = والعمر مشوار(ن) صعيب اختصاره
درست وأدرس في حياتي إلى الآن = تلميذ شاطر ما أنفعته الشطاره
وأيضاً أميز بين صايب وغلطان = وكل (ن) على كيفه يحدد مساره
جرحي بداء من قبل أعبر بتبيان = ومن قبل أعرف العلم وأخذ قراره
قبل أقف الوقفة بساحة وميدان = قبل أعرف الممشى عرفت الجباره
كسر(ن) خفاء وسط الدواخل ولا بان = والكسر الأخر صار ميزه وشاره
وأبقى مع عسر المواضيع ربان = وأعبر محيطات العنا مع بحاره
وتجذبني الذكرى على الود شفقان = ومشاعري فيها صحيح استثاره
كني على موعد مع ذيك الأشجان = وكن الفرح يكتب علي انتظاره
والوقت مهما زان واقعه قد شان = مهما سلك لابد فيه انعثاره
ومواقف الأيام تعطيك برهان = و علم المجرب فوق أي استشاره
ومع الزمن صابر ولو شان ما زان = لو يتبع الليل المظلّم نهاره
ومن كثر ما فيني تقل في بركان = خايف يعجل فيه وقت انفجاره
أكبر معاني الحزن لا شفت الأعيان = يجتاحها دمع الندم بانهماره
والصدمة العظمى خيانة وخوان = من صاحب (ن) يكثر عليك الزيارة
تحسبه لك صافي و وافي وصوان = يعطيك حلو القول حلو العبارة
يقول قال فلان وفلان و فلان = ينقل كلام (ن) بين حاره وحاره
ثوب الغدر يلبسه في ثوب الأيمان = مثله عميل(ن) للردى والحقارة
صداقه الأيام هاذي لها شان= ومن شانها مدري الزمن وايش داره
المصلحة صارت للأصحاب عنوان = كل (ن) يحددها بحسب اعتباره
حتى الردي أصبح مساوي كحيلان = وأصبح بعد بالقول نمر النماره
تبدل العالم على كل الألوان = عرفت وأعرف والحياة استداره
ترى الحكي كالسيف في كل الأحيان = يطعن بوسط القلب ويشب ناره
وترى المصايب ما تجلك بالاهوان = وقامت حرايق من سبايب شراره
احد(ن) مع الدنيا نبيه (ن) وفهمان = يعرف يمينه كيف تعطي يساره
وأحد (ن) مع الدنيا على طول سرحان = يساير العالم بحسب اقتداره
وأنا عرفت أن الزمن صعب لو لان = درب(ن) صعيب (ن) طلعته وانحداره
وأهل الوفاء في الوقت غالين الأثمان = تجارة يا و أيها من تجاره
مثل الجواهر أو كما در مرجان = مرجان كامن في الصدف والمحاره
والطيب لأهل الطيب مبنى وبنيان = ساس(ن) عزيز و نور مثل المناره
وأهل الوفاء والعز في خير وإحسان = أهل النقاء وأهل التقى والطهاره
صلوا على خير الملا نسل عدنان = اهو النذير اللي معاه البشاره

اخوكم - صالح سعود
أبو مهند

[الأموره]

أبو مهند ،،

صح لسـآنك ملايين

سلمت و سلم فكرك

الف شكر لك

دمت برعاية الخالق ،

[الطامي]

صالح ابو سعود
صح السانك وبنانك ولاهان راسك
وافية جدا من وافي لافض فوك
شكرا لك اخي

[عذب القوافي]

الرجل فيها بين كاسـب وخسـران=والعمر مشوار(ن) صعيب اختصـاره
درست وأدرس في حياتـي إلـى الآن=تلميذ شاطـر مـا أنفعتـه الشطـاره

[blink][movet=up]

الجزل / صالح سعود

صح لسانك حتى ترضى

صمت مختلف

يتخلله صوت البوح العذب

سررت بالمرورعلى فاتنتك يالغالي

تقديري,,,,,,,,

[/movet][/blink]

[عدنان كريزم]

ابو مهند

والله جزله يالقرم


لا هنت يالذيب وصح لسانك ملالالاين

[مبروك بن ماضي]

الاخ الفاضل الشاعر / صالح سعود
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[نجم الإبداع]

ارحب ياصالح

وصح لسانك على المصافحه الوافيه

جزل


لاهنت


تقبل مروري

وتقديري

[ابو أنس]

ابو مهند...................
قلت فأجزلت
وأطنبت وأمتعت
لم تخل بالمعنى او القافيه او الهدف المنشود للنص
صح لسانك وجاد بيانك
لك كل الشكر

[عبدالله راشد الثويني]

صلوا على خير المـلا نسـل عدنـان
اهو النذيـر اللـي معـاه البشـاره



اللهم صلي وسلم على أشرف الأنبيا والرسلين نبينا محمد عليه أفضل الصلاه وأجل التسليم

...


أخي المُبدع والمتألق / صالح سعود
صح لسانك وعلا شانك ولا عدمنا ها الإبداع
نـص شامـخ يجبر القارىء على الوقوف طويلاً امامه لتأمـل روعته
كل الشكر يا الغالي على إتحافنا طامعين بكل جديد
تقبل وُدي وأعطر وُردي

[سعيد الصاعدي]

اللهو صلي وسلم
الاخ الفاضل / صالح سعود
صح لسانك لاهنت
والصدمة العظمـى خيانـة وخـوان
من صاحب (ن) يكثر عليك الزيـارة
نص شعري راقي جداااااااا به الكثير من الشاعرية والتمكن
من شاعر رائع
لله درك ياصالح
تسلم ويسلم فكرك يالغالي
تحياتي
أخــــــــوك
س / ص