كيف اسوّي بالثنين اخوانــــــــي

وجهّت القصيده التاليه الى الشاعرين محمد ابن راشد العتيبي وخضير ابن نايف البراق ولم انتظر كثيراّ حتى جاء الرد منهما وهكذا هما الاصدقاء كلما باعدت بينهما ظروف العمل والانشغال في امور الحياه لابد ان يكون الحنين ديدنهم وتبقى هذه سمة الاوفياء...

قصيدتــــــــــي

جهّز الموتر نويت اسجها وحداني=خل وجهه للشمال يداعبه نسناسه
والله ان ليه ثمان سنين وانا اعاني=والسبب لاقل مال ولا هجر مياسه
الله اقوى كيف اسوي بالثنين اخواني=كل منهم غير اسلوبه وغير ناسه
ابو راشد من حرض لخريص للصماني=بين بحث عن فحول البل وبين عساسه
وابو نايف رايّحٍ له في مجال ثاني=بعد هد الشعر والصفحه وريّح راسه
واما انا لامر ذكر غيابهم ناداني=ماضي لازال ينعشني عبير انفاسه
والله انه مايفرق ضيقتي واحزاني=لين عداده مع السكه تدق اجراسه
ويتخير موقفه بين اجمل الريضاني=لين اشوفه في خضار العشب مثل الماسه
وخوياي اللي لهم منزال في وجداني=رؤس قومٍ منتقيهم من بيوت رياسه
يرتفع في سلمهم شأن الخوي والعاني=ماخذين من قواميس الجدود دراسه
الثنين ولا معي غير الثنين اخوامي=لين اشاركهم جميع اهمومي الحساسه

رد الشاعر:محمد بن راشد العتيبــــي

قوم يالصبي الشلي تفقد الجاباني=شيّك اللكزز وبرمج للسفر حساسه
انفتح باب السفر مافيه حاني ماني=مع بزوغ الشمس ماتحتاج للشماسه
ولا توجه طارته لفلان بن علاني=نصه اللي شارب غلاه كاسه كاسه
زيد بن راجح عدو المال زبن الجاني=ارجح يأسرك بأخلاقه وصدق احساسه
وصله بلغة فوادي واعترف الساني=اني افخر وافتخر في خوّته واجناسه
كيف لا وهو الرفيق اللي ليا خاواني=انشرح صدري وقلبي فارقه هوجاسه
وقل له اني تحت رايه وامره السلطاني=كل مايحتاج يلبسني سوات الباسه
وقل له اني لابغاني صاحبي يلقاني=وحط تحت العلم هذا خط في الكراسه
ماعليه الا يشوف اخبار اخوه الثاني=والسياسي مثل ابو راجح يعرف الساسه
اما انا شفني بجنبه فوق ظهر عماني=عيد هيٍ من ظهر عرماس من عرماسه

رد الشاعر: خضير البراق

مرحبا بالوافي اللي مسكنه باعياني=كل مادوّرت مثله مالقيت اجناسه
زيد بن راجح عريب الخال والجداني=والفتى منشاه من ساسه ومن مغراسه
صاحب نادر وفي شعره يثير اشجاني=يفهم احساسي وانا فاهم واعرف احساسه
كل ماحرّك شعوره هاجس ناجاني=مثل مااناجيه واستلهم مثل هوجاسه
كن ابو راجح يقيس النبض في شرياني=ويتحسن نبض شرياني ليا من قاسه
يبو راجح لاتطرّي قصه الحرماني=وانت خابر لك رفيق وخابرٍ مجلاسه
عندك اسره وعندك كامل العنواني=وان زهمته جاك كله والوفا نبراسه
موتره جاهز وهو جاهز على((السكّـــاني))=ينتظر منك الإشاره وانت راع الطاسه
انت شفقان على الطرقه وهو شفقاني=والبحر من غادر اكواخه يطير عماسه
فكّـــني يازيد من طوق يهد امتاني=وانتشلني من غثا وقت يحد امواسه
وانت راع الفضل والمعروف والاحساني=كان ترجمت الشعور اللي على الكراسه

[الصريح العتيبي]

الاخ العزيز الشاعر/منتظر
الاخ العزيز الشاعر/محمد ابن راشد العتيبي
الاخ العزيز الشاعر/خضير بن نايف البراق

الله الله الله

صوت جميل وصدى اجمل من شعار لهم مكانتهم الشعريه
في الساحـــــــــه

صحت السنتكم ودامت اخوتكم وهكذا يفعل الاوفياء

سجلو اعجابي وتقبلو مروري

دمتم بخير حـــــــال

[ابو أنس]

الفاضل زيد ابن راجح.......................
ابداع في البدع
وابداع في المجاراة والرد
شعراء فطاحلة ينحتون من الصخر
فلاغرو ان حضينا بجميل العبارة مع حسن السبك
أطربتنا كثيرا بهذه الإخوانية الجميله الجزلة
لك كل الشكر وللشاعرين محمد بن راشد وخضير ابن نايف
ولكم عاطر التحايا

[عبدالله الشويمان]

المشاركة الأصلية كتبت بواسطة زيد راجح

وجهّت القصيده التاليه الى الشاعرين محمد ابن راشد العتيبي وخضير ابن نايف البراق ولم انتظر كثيراّ حتى جاء الرد منهما وهكذا هما الاصدقاء كلما باعدت بينهما ظروف العمل والانشغال في امور الحياه لابد ان يكون الحنين ديدنهم وتبقى هذه سمة الاوفياء...

قصيدتــــــــــي

جهّز الموتر نويت اسجها وحداني=خل وجهه للشمال يداعبه نسناسه
والله ان ليه ثمان سنين وانا اعاني=والسبب لاقل مال ولا هجر مياسه
الله اقوى كيف اسوي بالثنين اخواني=كل منهم غير اسلوبه وغير ناسه
ابو راشد من حرض لخريص للصماني=بين بحث عن فحول البل وبين عساسه
وابو نايف رايّحٍ له في مجال ثاني=بعد هد الشعر والصفحه وريّح راسه
واما انا لامر ذكر غيابهم ناداني=ماضي لازال ينعشني عبير انفاسه
والله انه مايفرق ضيقتي واحزاني=لين عداده مع السكه تدق اجراسه
ويتخير موقفه بين اجمل الريضاني=لين اشوفه في خضار العشب مثل الماسه
وخوياي اللي لهم منزال في وجداني=رؤس قومٍ منتقيهم من بيوت رياسه
يرتفع في سلمهم شأن الخوي والعاني=ماخذين من قواميس الجدود دراسه
الثنين ولا معي غير الثنين اخوامي=لين اشاركهم جميع اهمومي الحساسه

رد الشاعر:محمد بن راشد العتيبــــي

قوم يالصبي الشلي تفقد الجاباني=شيّك اللكزز وبرمج للسفر حساسه
انفتح باب السفر مافيه حاني ماني=مع بزوغ الشمس ماتحتاج للشماسه
ولا توجه طارته لفلان بن علاني=نصه اللي شارب غلاه كاسه كاسه
زيد بن راجح عدو المال زبن الجاني=ارجح يأسرك بأخلاقه وصدق احساسه
وصله بلغة فوادي واعترف الساني=اني افخر وافتخر في خوّته واجناسه
كيف لا وهو الرفيق اللي ليا خاواني=انشرح صدري وقلبي فارقه هوجاسه
وقل له اني تحت رايه وامره السلطاني=كل مايحتاج يلبسني سوات الباسه
وقل له اني لابغاني صاحبي يلقاني=وحط تحت العلم هذا خط في الكراسه
ماعليه الا يشوف اخبار اخوه الثاني=والسياسي مثل ابو راجح يعرف الساسه
اما انا شفني بجنبه فوق ظهر عماني=عيد هيٍ من ظهر عرماس من عرماسه

رد الشاعر: خضير البراق

مرحبا بالوافي اللي مسكنه باعياني=كل مادوّرت مثله مالقيت اجناسه
زيد بن راجح عريب الخال والجداني=والفتى منشاه من ساسه ومن مغراسه
صاحب نادر وفي شعره يثير اشجاني=يفهم احساسي وانا فاهم واعرف احساسه
كل ماحرّك شعوره هاجس ناجاني=مثل مااناجيه واستلهم مثل هوجاسه
كن ابو راجح يقيس النبض في شرياني=ويتحسن نبض شرياني ليا من قاسه
يبو راجح لاتطرّي قصه الحرماني=وانت خابر لك رفيق وخابرٍ مجلاسه
عندك اسره وعندك كامل العنواني=وان زهمته جاك كله والوفا نبراسه
موتره جاهز وهو جاهز على((السكّـــاني))=ينتظر منك الإشاره وانت راع الطاسه
انت شفقان على الطرقه وهو شفقاني=والبحر من غادر اكواخه يطير عماسه
فكّـــني يازيد من طوق يهد امتاني=وانتشلني من غثا وقت يحد امواسه
وانت راع الفضل والمعروف والاحساني=كان ترجمت الشعور اللي على الكراسه

صحت السنكم ايها الشعراء الافاضل.

نصوص رائعه لا هنتوا جميعا.

[زهرة اللوتس]

صح لسانك ولسان الشعراء

سلمتم ودمتم

وبيض الله وجوهكم

صوت وصدى لشعار كبار

ماشاء لله تبارك الخالق

تحياتي

[مبروك بن ماضي]

الاخ الكريم الشاعر/ زيد راجح

الاخ الكريم الشاعر/محمد ابن راشد العتيبي
الاخ الكريم الشاعر/خضير بن نايف البراق
صوت وصداءين راائعين لشعراء كبار لهم مكانتهم في الساحة
لا أملك اما م هذا الإبداع غير الاعراب عن تسجيل الاعجاب
والاستفادة من حضوري هنا
تقبلوا تحياتي واحترامي ،

[صوت الإحساس]

محجوووووووووووووووووووووووز

أشهد بالله اما ذي ان يبي لها مخمخه


لي عودة تليق

[الطائر المهاجر]

جزلة من راس جزل وشاعر مبدع

صح لسانك ولا هنت

تحياتي الطيبة

[ام العمده]

زيد ابن راجح

صح لسانك واعتلا شانك
هذا ديدن الاوفياء
دامت الاخوه الصادقه
ودمت بهذا الابداع
وفي الختام
تحياتي وتقديري

[سعيد الصاعدي]

الاخ الفاضل / زيد بن راجح
صح لسانك لاهنت
نص شعري رائع جداااااا
من شاعر متمكن
تسلم ويسلم الشاعر / محمد العتيبي
والشاعر / خضير البراق
تحياتي للجميع
أخـــــــوك
س / ص