الدوسريه ومشاعر حالمه في صوت وصدى

السلام عليكم ورحمة الله وبركاته ..

دايركت ع الموضوع يالغوالي...

حرمه دوسريه ..كتبت فيني قصيده وارسلتها مع بنتها ( على فكره ترىالحرمه ماشافتني )

وتقول أبياتها


سلام يابنت الرجال المشاكيل

يا(......) ودّي لـ ( .....) سلامي

سلام يابنت الرجال الحلاحيل

اهل الوفاء والطيب ربعٍ كرامي

نطاحة البارود حمّاية الخيل

عدوهم من ضربهم ماينامي

(.........) تعرف لاقد الوقت به ميل

والنعم والله بالرجال الحشامي

عذرى على كل البني تاخذ الكيل

والطيب فازت به بكل احترامي

,’,’,’,’,,’,’,’

يوم وصلتني الرساله علمت ابوي وامي وقريتها لهم

قالوا لي هلي ردّي عليها قلت ومافيه الا هالحل وان شاء الله أوفيها ..

تقول أبياتي ...








يامرحبا بك عد ماسال من سيل

وعداد حرفٍ ينقرا بالاسامي

باللي سلامه عطّر القلب بالهيل

لفتت عنودٍ عطشت كل ظامي

بنت الرجال مذبحة ظامر الحيل

أهل الوفا ربعٍ صقور كرامي

دخيلهم ماترهقه ظلمة الليل

دواسرٍ يحمونه بكل دامي

لطامة العايل على سبّق الخيل

وبارودهم في ساحة الحرب حامي

لو قلت أوصف وصفهم صعب لو قيل

اخاف ماأوفي حق قومن حشامي

وختامها برسل سلامي وتبجيل

حب وغلا لك ياعظيم المقامي



وسلامتكم ...

ملاحظه / اللي بين الأقواس اسمي واسم بنت الحرمه ..

والقوس اللي لوحده (قبيلتي ) ,,,

واتمنى انها تعجبكم بس ..ترى فيه بعض التكرار في مجاراتي لها لاني كتبتها بشكل سريع هاك الوقت ..

تحيتي لكم / مشاعر حالمه ..

[الطائر المهاجر]

الدوسرية شاعرة ماهي بسيطة
والفراغ يمكن يعرف من الوزن
وانتي رديتي عليها بقصيدة طيبة
ومادام فيها ردية فالمفروض تكون
في قسم المحاورة والردية ، لأني
ماني شايف فيها ما يستدعي وجودها هنا
صح لسانك ولسانها
وشكرا لك
تحياتي الطيبة

[أم ريما]

صح لسااااااانك

ولسان الدوسريه

والله قصائد جميله الله يعطيكم العافيه

تحياتي لك

د.عثمان العبدالله ..

اي والله صادق الدوسريه شاعره ماهي بسيطه

وهي حرمه كبيره شوي بس ماهي عجوز ومعروفه انها شاعره عند جماعتها

وانا زين مني قدرت ارد عليها والله تستاهل لاني اصلا لاشفتها ولابعد تواجهنا ماغير بنتها اللي بينا ^_^

صح ابدنك يالطيّب ولاهنت

خلاص اللي تشوفه انقلوها الى القسم المناسب ...

تحيتي لك / مشاعر حالمه ..

ام فيصل...

صح ابدنج فديتج ومشكورة على المرور الكريم يالغاليه ..

تحيتي لج / مشاعر حالمه .

[عبدالله الشويمان]

يا سلام يا مشاعر حالمه

صوت وارد جميل وصدى صادر جميل

صح السانك ولسان الشاعره المجهوله.

دمتي بخير

عبدالله الشويمان ..

تسلم اخوي وصح ابدنك ولاهنت على المرور الكريم ..

تحيتي لك / مشاعر حالمه ..

[نسناس الهوى]

مشاعر حالمه ..
صح لسااانك ولسان الشاعره .. ولاهنتوا جميع
ودي واحترامي ..

[متعب]

الشاعرة مشاعر حالمة
صوت وارد جميل وصدى صادر جميل

صح السانك ولسان الدوسريه

[متعب]

الشاعرة مشاعر حلمه
صوت وارد جميل وصدى صادر جميل

صح السانك ولسان الدوسريه