ابراهيم بن مزيد

[الطائر المهاجر]

الشرهان يعرفنا على شاعرنا :

لقيت النـاس مامنهـم سلامـه=لـزومٍ يلحقـك منهـم ملامـه
ولاتحسب حلالـك ؛ لوتبيـده=يبي يحماك من هرج الفدامـه
بذرت الجود في من لاجزانـي=سوى ذمٍ إلـى هبـت ولامـه
حقود القلـب نقـال الوشايـا=هذور سهمتـه نقـل النمامـه
إلى منه طرى له ماطرى لـه=تكلـم مايثمـن وش كـلامـه
يقوله يزعم إنـه مـازحٍ بـه=وهو ينقض ويفتل في عدامـه
دخيل الله من خطـو السملـقإ=لى بالهيذوان أطلـق لجامـه
ألا ياليت ربـي يـوم سـوى=عبيده حـط للطيِّـب علامـه
على شان الذي بالناس جاهـل=يعرف الحر من برق الجهامـه
لجل بالناس شيطـانٍ ملبَّـس=ولو يلوي على راسه عمامـه
مثل هذا: تحـذر منـه جـدا=ولا تدني منامك مـن منامـه
وبعض الناس في ممشاه رافض=يختل الناس في قـل اهتمامـه
يحنـي لحيتـه كنـه مطـوع=ولايفرق حلاله مـن حرامـه
حذارك لاتحطـه لـه ظنينـه=ترى ذاك الطمع منه السلامـه
وبعض الناس يبدي لك نصيحه=ولكـن ماتعرفـه وش مرامـه
وهو ما مقصده نصحٍ ؛ ولكـن=يبي يلبسك للحاجـة خطامـه
وإلى منه قضى بـك مايريـده=أخذ سدك وضربـك المهامـه
وبعض الناس يوريك المحبـه=وارق من البريسم في تمامـه
إلـى قـام يتمسكـن بالتلفـظ=تقول أطهر وأصح من الحمامه
وهو بولة حمارٍ -عـزك الله-=ينجس من مشى حوله رشامـه
وبعض الناس محمود السجايـا=رقى العليا بعزمـه والتزامـه
إلى منه بـدى لـك فيـه لازم=قضى لازمك ماثمـن حطامـه
كما إنه وافيٍ في كـل خصلـه=عريب الجد خيلانـه عمامـه
أسـال الله يرفـع كـل خيِّـر=عن الخذلان لايهفـي مقامـه
قضا نحبي ومالاق بضميـري=حلات القيـل مبداتـه ختامـه
أقول الناس مشكاهم علـى الله=لـزومٍ يلحقـك منهـم ملامـه

[الطائر المهاجر]

معارضته لقصيدة لويحان التي مطلعها :

طبيت مصر اللي به اجناس واشكال =واشتقت اولف لي بيوت جديدة

شارع فواد اللي يقولون جيناه =اللي يقول ... فيه ادفنوني
قوله حقيقة، ما روى عنه شفناه =أشهد وكل اللي معي يشهدون
سيل من العالم بالأقدام تاطاه =أجناس أشكال على كل لون
أطلب تجد واللي تبي فيه تلقاه =لا شك باصنافه يحير الزبون
راعي الغرض يقضى لزومه من ادناه =واللي قلط خطوة يقول غبنوني
ودي بهاذولا وذولا وذولاه =وش عاد لو زاد الثمن وغلبوني
لو قلت اعبر عنه بالضبط ابانساه =اغلنطست عندي وكثرت شطوني
ما عاد أميز وين دربي ومجراه =والفكر مني ضاع مير اعذروني
ووا عمري اللي راح كله مقازاه =عشت برجا وأقول كلش يهون
واثر العرب في جنة الله بدنياه =وأنا حياتي كلها في غبون
يارب تعطيني على ما اتمناه =أسعد مع اللي بالهوى يسعدون

[الطائر المهاجر]

يا هـل الهـوى حـذرا تمـرون (خيطـان) = الــمــوت فــيــه مــركــزات خـيــامــه
فيـه المهـار اللـي بــلا ســرج وعـنـان = بنـحـورهـن لاهـــل الـمــودة عــلامــة
نـهــود جـــلاس تـقــل طـلــع رمــــان = عـفــر يـشــادن الـبــدر فـــي تـمـامـه
يمشون ممشى اللي مخيف ومشتان = ماهمـهـم بـالـسـوق كـثــر ازدحـامــه
بغيـت اطيـح بدربهـم يــا ابــن رجـعـان = لــولا الله ابـــرك جـارنــي بالـسـلامـة
لـولاي صايـم والـعـرب فــي امسـيـان = واخشى تقـول النـاس : فسـد صيامـه
لا هــد فيـهـم هــدة الـذيـب سـرحـان = واطفي لهيـب الجـاش وابـري غرامـه
لاشـــك اداري قـولــة فـــلان وفـــلان = اهــــل الـحـكـايـا بـالـقـفـا والـنـمـامـة

[عبدالرحمن الصباح]

مشكور يابوعبدالله تقبل ودي وتقديري

[ابومياس]

صباح الخير ابوعبدالله

جهد رائع وكبير في جلب نوادر الشعر هنا

دمت بخير

[عذب القوافي]

لقيت الناس مامنهم سلامه=لزوم يلحقك منهم ملامه
ولاتحسب حلالك لوتبيده=يبي يحماك من هرج الفدامه
بذرت الجودفي من لا جزاني=سوى ذنب غلا هبت ولامه
حقود القلب نقّال الوشايا=هذورمهنته نقل النمامه
إلا منه طرى له ماطرى له=تكلم مايثمن وش كلامه
يقوله يزعم إنه مازح به=وهو ينقل ويفتل في عدامه
دخيل الله من خطو السملّق=إلا بالهيذوان أطلق لجامه
ألا ياليت ربي يوم سوى=عبيده حط للطيب علامه
على شان الذي بالناس جاهل =يعرف الحر من برق الجهامه
لجل فالناس شيطان ملّبس=ولو لوى على راسه عمامه
يغرك بالسلام وبالتحفي=وهوشيح ٍ وجثجاث ٍ طمامه

[مبروك بن ماضي]

الغالي :ابو ابراهيم
صح لسانك ولسان الشاعر ابراهيم الزيد
ويسلم ذوقك على نقل هذة القصيدة الجميلة
تقبل تحياتي واحترامي الكبيرين ،،

[الطائر المهاجر]

شكرا لك أخي الكريم
والشاعر ابراهيم المزيد له موضوع مستقل فيه كلما عثرنا عليه من قصائده
وهذه القصيده بالصوت موجودة به
http://www.fatahilah.com/showthread.php?t=16141
تحياتي الطيبة

[عذب القوافي]

الأستاذ / مبروك بن ماضي

شكرا ً على المرورالكريم

تقديري .

[عبدالعزيز العمار]

الله يعطيك العافية أبوعبدالله...

جهد تشكر عليه لاهنت..

تقبل تحياتي...