خلوووووووووها 4×4

[سـعـد الحويماني]

سلام الله على المشرف سلام الله على الجمهور=يجي يختار له شاعر ونلعبها رباعيه
مادام اني معي نايف ونايف شاعرن مشهور=ترى مانعرف انجامل وخطتنا هجوميه

[/poem]

الله يخارجنا من ابوعبدالله تراني عليمي يالربع

ومادامها رباعيه يبدا نايف بعدي

خلووووووووووها

هلا يامرحبا ترحيبتن من خاطرن مسرور=بعد نادى المنادي واطربتنا ناره الحيه
تقدم ياسعد وانا بجنبك بيرقي منشور=وابشرلك لياسددت رميي ميه لميه

[الطائر المهاجر]

الا يامرحبا فيكم بديتوا وابتدي بالدور = خويي من بغى الملعب ولكن دون جنبيه
نسل السيف بحروفٍ بها من واهج التنور= ونلعب بالفكر ساعه على نغمات شعريه

[الطائر المهاجر]

اشوف اللي بدى بالدور هرب ياخوفتي مذعور= وحتى صاحبه روّح الا من رجعه ليّه
تعالوا لاتخافوا عودكم ما يفرض المحظور = فكل يبدع القيفان ويطربنا بأمسيّه

[سناعيس]

اشوف الربع انحاشو وكل منهم طمر للسور=وراهم وانت بلحالك تهقا ماعاد به جيه
وراهم وانت ماقصرت هادي مطفي للنور=تنبه واترك الغفله ترا الباقي ماهو زيه

[سـعـد الحويماني]

يدوم الك البقا وانشدك قيل العلم بحر ونور=وانا ابيها اجابه وحده منكم نهائيه
لياجاوبتني فيها تمام وقلت لك مشكور=ولن راحت عليك ارسلت للشعار برقيه

هلا سنعوس انا منحشت واقف لازمن باكور=ولن قاله اله العرش جاله فيك اماريه
بعد حيي تعال انته خويي والليال تدور=معارك طاحنه هجماتها برن وجويه

[سناعيس]

هلا بك يالثبيتي واذكر الباري تفوز بحور=تلبس للنجاة الطوق بتجيك أمواج بحريه
وترا قبلك دول راحت بفعل الموج يادكتور=تسونامي على شكله ياكود تزين النيه

[الطائر المهاجر]

انا وحدي اجابه موج واسوق القرش في طابور= واقدمها لشعار الفطاحل اجمل اهديّه
واذا مني نزلت الأرض فانا الساحر ونا المسحور= يخاويني على الطاروق مية مليون جنيّه

سناعيس مساك الله بالخير رباعيه سعد مع المشرف وانا وياك يعني بعد مايرد المشرف على سعد يجي دورك
لكن بنسوي تقاطعات وارد عليك لين يجون اخويانا

هذاك اول زمان اوراح واللي صاربه مخبور=تدورون الديار وعندكم للحرب قدريه
لكن اليوم راح العلم لاصحاب العيون العور=وخلك واقفن بالشمس لاتقرب من الفيه